Latest Updates
-
ఐరన్ లోపం, జుట్టు, చర్మ సమస్యలకు మేలు చేసే మునగ సూప్.. ఇంట్లోనే ఈజీగా చేసేయండిలా! -
చలికాలంలో నువ్వులు తింటే 5 అద్భుత ఆరోగ్య ప్రయోజనాలు ఇవే! -
చుక్క నూనె లేకుండా వెజిటబుల్ పులావ్.. ఇంట్లోనే ఈజీగా, రుచిగా తయారు చేసుకోండిలా -
బంపర్ ఆఫర్ అంటే ఇదే.. రీఛార్జ్ తో పాటు ఫ్రీగా రూ.1 లక్ష ఇన్స్యూరెన్స్ ఇస్తున్న BSNL -
చలికాలంలో వెచ్చని వాతావరణం కోరుకుంటున్నారా? భారత్ లో తప్పక చూడాల్సిన 5 బెస్ట్ ప్రదేశాలివే! -
మధ్యాహ్న భోజనానికి బెస్ట్.. వంకాయ మునగకాయ మసాలా 10 నిమిషాల్లోనే చేయండిలా.. -
ఎసిడిటీ, గ్యాస్ వేధిస్తున్నాయా? ఈ 5 ఇంటి చిట్కాలతో చిటికెలో ఉపశమనం! -
ఉద్యోగస్తులు, బ్యాచిలర్స్ కోసం త్వరగా అయిపోయే మసాలా కొబ్బరి అన్నం...పిల్లల లంచ్ బాక్స్ కు బెస్ట్ -
జలుబు వల్ల వచ్చే తీవ్రమైన తలనొప్పిని తగ్గించే బెస్ట్ చిట్కా ఇదే -
నార్త్ ఇండియా స్టైల్ పుట్టగొడుగులు బంగాళదుంప మసాలా..తరతరాలకు గుర్తుండిపోయే రుచి!
ఇడ్లీ, దోశల్లోకి పర్ఫెక్ట్ సైడ్ డిష్.. 15 నిమిషాల్లో అదిరిపోయే ఇడ్లీ కుర్మా..నాలుగు ఇడ్లీలు ఎక్కువే తింటారు!
ప్రతిరోజూ ఉదయం ఇడ్లీ, దోశల్లోకి పల్లీ చట్నీ లేదా సాంబార్ తిని బోర్ కొట్టిందా? అయితే ఇడ్లీ కుర్మా ఓసారి ట్రై చేయండి. ఉదయం పూట ఆఫీసుకు వెళ్లే హడావిడిలో ఉండే వారికి, సమయం తక్కువగా ఉన్నప్పుడు కేవలం 15 నిమిషాల్లో దీనిని చాలా సులభంగా తయారు చేసుకోవచ్చు.
దీని రుచి ఎంత అద్భుతంగా ఉంటుందంటే.. మీ ఇంట్లో వాళ్ళు రోజూ తినేవాటికంటే కచ్చితంగా నాలుగిడ్లీలు ఎక్కువే లాగించేస్తారు. నోరూరించే ఇడ్లీ కుర్మా ఎలా తయారు చేయాలో ఇక్కడ చూడండి.

ఇడ్లీ కుర్మా తయారీకి కావలసిన పదార్థాలు
మసాలా పేస్ట్ కోసం
నూనె - 2 టీస్పూన్లు
పచ్చిమిర్చి - 8
పెద్ద ఉల్లిపాయ - 1
సోంపు - 1 టీస్పూన్
గసగసాలు - 1 టీస్పూన్
జీడిపప్పు - 5
అల్లం వెల్లుల్లి పేస్ట్ - అర టీస్పూన్
పచ్చి కొబ్బరి తురుము - ముప్పావు కప్పు
ఉప్పు - రుచికి సరిపడా
కుర్మా (గ్రేవీ) తయారీ కోసం
నూనె - 2.5 టీస్పూన్లు
బిర్యానీ ఆకులు - 2
కరివేపాకు - ఒక రెమ్మ
పెద్ద ఉల్లిపాయ - 1
టమాటాలు - 3
ధనియాల పొడి - 1 టీస్పూన్
గరం మసాలా - 1 టీస్పూన్
చిక్కటి కొబ్బరి పాలు - 1 కప్పు
కొత్తిమీర - కొద్దిగా
నీళ్లు - తగినన్ని
గ్యాస్ సమస్యలు రాని ఆరోగ్యకరమైన పెసరపప్పు వడ.. సింపుల్ గా ఇలా చేయండి!
ఇడ్లీ కుర్మా తయారీ విధానం
-ముందుగా స్టవ్ వెలిగించి పాన్ పెట్టుకోండి. అందులో రెండు స్పూన్ల నూనె వేసి వేడయ్యాక, పచ్చిమిర్చి ముక్కలు వేసి దోరగా వేయించండి. ఆ తర్వాత ఉల్లిపాయ ముక్కలు, కొద్దిగా ఉప్పు వేసి ఉల్లిపాయలు మెత్తబడే వరకు మగ్గనివ్వాలి. ఇప్పుడు అందులో సోంపు, గసగసాలు, జీడిపప్పు వేసి కాసేపు వేయించాక, అల్లం వెల్లుల్లి పేస్ట్ వేసి పచ్చివాసన పోయేలా వేయించుకోవాలి. చివరిగా కొబ్బరి తురుము వేసి ఒక్క నిమిషం పాటు వేయించి స్టవ్ ఆఫ్ చేయండి.
-మిశ్రమం చల్లారాక మిక్సీ జార్ లో తీసుకుని, తగినన్ని నీళ్లు పోసి మెత్తటి పేస్ట్ లా రుబ్బి పక్కన పెట్టుకోవాలి.
-ఇప్పుడు మళ్లీ స్టవ్ మీద పాన్ పెట్టి రెండున్నర స్పూన్ల నూనె వేయండి. నూనె వేడయ్యాక బిర్యానీ ఆకులు, కరివేపాకు వేసి చిటపటలాడించండి. తర్వాత సన్నగా తరిగిన ఉల్లిపాయ ముక్కలు వేసి వేయించాలి. ఆ తర్వాత టమాటా ముక్కలు కూడా వేసి అవి పూర్తిగా గుజ్జులా మెత్తబడే వరకు మగ్గనివ్వండి. టమాటాలు బాగా ఉడికాక.. ధనియాల పొడి, గరం మసాలా వేసి కలపాలి.
-ఇప్పుడు ముందుగా మిక్సీ పట్టుకున్న మసాలా పేస్ట్ ను అందులో వేసి బాగా కలుపుకోవాలి. కుర్మాకు సరిపడా నీళ్లు పోసి, మూతపెట్టి సన్నటి మంటపై ఓ 5 నిమిషాల పాటు ఉడకనివ్వాలి.
-చివరగా అందులో చిక్కటి కొబ్బరి పాలు పోసి కలుపుకోవాలి. కుర్మా ఒక్క ఉడుకు రాగానే సన్నగా తరిగిన కొత్తిమీర చల్లుకుని స్టవ్ ఆఫ్ చేసుకుంటే చాలు.
-అంతే గుమగుమలాడే, ఎంతో రుచికరమైన ఇడ్లీ కుర్మా రెడీ.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
