నోరూరించే వెనిల్లా కేక్... !

కేక్ తయారీకి కావలసినవి:
మైదాపిండి - 100గ్రా, పంచదార పౌడర్ -50గ్రా, బేకింగ్ పౌడర్- 1/2 చెంచా, కరిగించిన వెన్న-50గ్రా, గుడ్డు -1, వెనిల్లా ఎస్సెన్స్- 1/4 చెంచా, ఐసింగ్ షుగర్-140గ్రా, వేడి నీళ్ళు -1 1/4గరిటెడు, గులాబిరంగు- కొద్దిగా.

తయారు చేయటం ఎలా?
వెన్నను, పంచదార పొడిని కలిపి ఒక మిశ్రమంగా చేసుకోవాలి. గుడ్డు సొనను, వెనిల్లా ఎస్సెన్స్‌ను బాగా గిలకకొట్టి పలుచగా చేయాలి. ఈ మిశ్రమానికి మైదాను బాగా కలిపి, అవసరమైతే కాస్త పాలు కలిపి, కాస్త జారుగా చేయాలి. పిండిని రెండు సమభాగాలుగా చేసుకుని, ఒక భాగానికి రోజ్ కలర్ కలపాలి. రంగు కలిపిన పిండిని, మామూలు పిండిని విడి విడిగా పేపర్ కప్పుల్లో సగానికి పోసి, ఒక ట్రేలో ఉంచి దానిని 400 డిగ్రీల సెంటీగ్రేడ్ ఉష్ణోగ్రత వున్న ఓవెన్‌లో 4 నిమిషాలపాటు బేక్ చేసుకోవాలి. అంతే వెనిల్లా కేకు రెడీ. అది చల్లారాక ఐస్ క్యూబ్ లతో అలంకరించి అతిధులకు సర్వ్ చేయాలి.