డైట్ సీక్రెట్-ఓట్స్-వెజిటేబుల్ ఉప్మా

కావలసిన పదార్థాలు:
ఓట్స్ : ఒక కప్పు,
క్యారెట్స్, బీన్స్, క్యాప్సికమ్(తరిగినవి): 1cup
పచ్చిబటానీ: 2tbsp
పచ్చి మిర్చి4-6(చిన్నగా కట్ చేసినవి)
అల్లం: చిన్న ముక్క (తురిమినది)
ఉల్లిపాయలు: 2(సన్నగా పొడవుగా తరిగినవి)
టమోటో: 1
శనగపప్పు, మినపపప్పు, ఆవాలు: 2tsp
జీలకర్ర: 1 tsp
కరివేపాకు: రెండు రెమ్మలు
కొత్తిమీర: 1/2cup
జీడిపప్పు: 6-8
నూనె : తగినంత
ఉప్పు : రుచికి తగినంత.

తయారు చేయు విధానం:
1. ముందుగా ఓట్స్‌ ను నూనె లేకుండా దోరగా వేయించి పక్క తీసి పెట్టుకోవాలి.
2. తరువాత ఒక పాన్ నూనె వేసి కాస్త వేడి అయ్యాక పోపు గింజలు వేసి దోరగా వేయించాలి. వెంటనే ఉల్లిపాయలు, పచ్చిమిర్చి, అల్లం, కూరగాయల ముక్కలు, కరివేపాకు వేసి మరి కాసేపు వేయించుకోవాలి.
3. చివరగా టమోటా కూడా వేసి బాగా వేయించి సరిపడా నీళ్లుపోసి(ఒక కప్పుఓట్స్ కి ఒక కప్పు నీళ్ళు) తగినంత ఉప్పు వేసి మూత పెట్టాలి.
4. తర్వాత నీరు మరుగుతుండగా వేయించిపెట్టుకున్న ఓట్స్ వేసి బాగా కలిపి మూతపెట్టాలి. ఐదు నిమిషాల పాటు ఉడికించుకోవాలి. చివరగా కొత్తిమీర వేసుకుని దింపుకోవాలి. సర్వ్ చేసే ముందుగా జీడిపప్పును గార్నిష్ గా అలంకరించి సర్వ్ చేయాలిం అంతే అంతే...ఓట్స్-జీడిపప్పు ఉప్మా రెడీ.