ఎండాకాలంలో తప్పక తాగాల్సిన డ్రింక్ ఇదే..ఒరిస్సా ఫేమస్ 'టంకా టొరానీ',ఎలా చేయాలంటే..

ఒడిషా పేరు వినగానే మనందరికీ గుర్తుకొచ్చేది పూరీ జగన్నాథ ఆలయం. పూరీలోని జగన్నాథ ఆలయం రాముడి కాలం నుంచే ఉంది. ఈ ఆలయానికి వేల సంవత్సరాల చరిత్ర ఉంది. పూరీ జగన్నాథ ఆలయంలో మహా ప్రసాదంగా 'టంకా టొరానీ' విక్రయిస్తుంటారు. టంకా టొరానీ అనేది ఒడిశాలోని ఒక సాంప్రదాయ పానీయం. దీనిని మజ్జిగ, పెరుగు, నీరు, అల్లం, ఉప్పు, పంచదార, నిమ్మరసం, జీలకర్ర, కొత్తిమీర, కరివేపాకు, పచ్చిమిర్చి,పుదీనా ఆకులతో తయారు చేస్తారు. ఇది వేసవిలో తాగడానికి చాలా రుచికరమైన, ఆరోగ్యకరమైన పానీయం. దీనిని మీరు కూడా మీ ఇంట్లో సులభంగా తయారు చేసుకోవచ్చు. టంకా టొరానీ తయారుచేయడానికి కావలసిన పదార్థాలు,తయారీ విధానం ఇక్కడ చూడండి.

టంకా టొరానీ తయారీకి కావలసిన పదార్థాలు

మజ్జిగ - 1 లీటరు
జీలకర్ర - 1 టీస్పూన్
కొత్తిమీర - 1/4 కప్పు
కరివేపాకు - 1 రెమ్మ
పెరుగు - 1/2 కప్పు
పచ్చిమిర్చి - 2
నీరు - 1/2 కప్పు
అల్లం - 1 అంగుళం ముక్క
ఉప్పు - రుచికి సరిపడా
చక్కెర- 2 టేబుల్ స్పూన్లు
నిమ్మరసం - 2 టేబుల్ స్పూన్లు
పుదీనా ఆకులు - కొద్దిగా

టంకా టొరానీ తయారీ విధానం

-ముందుగా అల్లం, పచ్చిమిర్చి, కొత్తిమీర, పుదీనా ఆకులను సన్నగా తరగాలి.

-ఇప్పుడు ఒక గిన్నెలో మజ్జిగ, పెరుగు, నీరు, అల్లం, ఉప్పు, పంచదార, నిమ్మరసం, జీలకర్ర, కొత్తిమీర, కరివేపాకు, పచ్చిమిర్చి, పుదీనా ఆకులను వేసి బాగా కలపాలి.

-ఈ మిశ్రమాన్ని ఫ్రిజ్‌లో 30 నిమిషాలు చల్లబరచాలి.

-చల్లబడిన టంకా టొరానీని గ్లాసుల్లో పోసి సర్వ్ చేసుకోవడమే.

పాకిస్తాన్ కి,హోలీ పండుగకి సంబంధం ఏంటీ? రంగుల పండుగ వెనుక 5000 ఏళ్ల చరిత్ర

టంకా టొరానీ ప్రయోజనాలు ఇవే

టంకా టొరానీలో పెరుగు, మజ్జిగ ఉండటం వల్ల ఇది కాల్షియం, ప్రోటీన్, విటమిన్ బి 12 లకు మంచి మూలం. ఇది జీర్ణక్రియను మెరుగుపరచడంలో,రోగనిరోధక శక్తిని పెంచడంలో సహాయపడుతుంది. ఇది శరీరానికి చల్లదనాన్ని ఇస్తుంది. డీహైడ్రేషన్ నుండి రక్షిస్తుంది. బరువు తగ్గడానికి సహాయపడుతుంది. గుండె ఆరోగ్యానికి మంచిది. ఇది మధుమేహాన్ని నియంత్రించడంలో సహాయపడుతుంది.టంకా టొరానీలో ఉపయోగించే పదార్థాలను బట్టి దాని పోషక విలువలు మారుతూ ఉంటాయి.