వాంగీ బాత్ రెసిపి: కర్ణాటక స్టైల్ వంకాయ రైస్ చేయటం ఎలా ? వాంగీ బాత్ తయారీ

Recipes

lekhaka-DEEPTHI T A S

Written By: Deepthi T A S

Published: Tuesday, March 20, 2018, 12:45 [IST]

వాంగీ భాట్ లేదా వంగీ బాత్ ప్రపంచంలోనే అన్నిటికన్నా రుచికరమైన బియ్యపు వంటకం, ఇది మన చేతుల్లో పడటం నిజంగా చాలా అద్భుతం. పైగా ఈ సాంప్రదాయపు కర్ణాటక స్టైల్ వంకాయ రైస్ రెసిపి ఎంత సులభంగా చేయచ్చో మనకిప్పటికీ ఆశ్చర్యం కలిగించే విషయమే!

వంకాయ పోషకవిలువలకి,యాంటీఆక్సిడెంట్ లక్షణాలకి ప్రసిద్ధి, దీన్ని అన్నంతో కలపటం పొట్టకి అలాగే ఆరోగ్యానికి కూడా చాలా రుచికరమైన పండగలాంటిది. ఇది ఒక ఆరోగ్యకరమైన కడుపునింపే మంచి బ్రేక్ ఫాస్ట్ వంటకం.

వాంగీ బాత్ లో ఈ రెసిపి కోసమే ప్రత్యేకంగా వాడే భారతీయ దినుసుల సువాసనలన్నీ దేనికవి అందంగా అమరిపోతాయి. వేయించిన సెనగపప్పు, మినపప్పు, అలాగే దినుసులైన లవంగాలు, ఏలకులు, దాల్చినచెక్క, వాటితో మెంతులు, ధనియాల కలయిక అన్నీ కలిపి ఈ వంటకానికి మాటల్లో చెప్పలేని రుచిని అందిస్తాయి.

అన్నం మెత్తదనం, వంకాయల రుచి కలిసి ఈ రెసిపికి ప్రత్యేకమైన ఫ్లేవర్ కలిగించటంతో, అందరూ మెచ్చే మేటి బియ్యం వంటకాలలో ఇది ప్రసిద్ధి అనటంలో ఏ సందేహం లేదు.

ప్రాచీనకాలంలో మన ఇంటి కూరల్లో దాదాపు ప్రతిరోజూ వాడుకోవటం మొదలుపెట్టినప్పటి నుంచీ వంకాయలు లేదా బైంగన్స్ మన సంస్కృతిలో భాగమైపోయాయి. మీకు నచ్చినా లేకున్నా దాని నుంచి దూరం అయితే పోలేరు, అయితే గియితే కాయగూరలు, అదీ వంకాయ కూర తినకుండా కంచం ముందునించి లేవనిచ్చే తల్లిదండ్రులు ఉంటే తప్ప ఇది సాధ్యం కాదు.

మీకు నచ్చినా లేకపోయిమ ఇటీవల పరిశోధనల్లో ఈ వంకాయలు లేదా ఎగ్ ప్లాంట్’స్ లో ఎక్కువ యాంటీఆక్సిడెంట్లు ఉండి,మీ వయస్సు మీరకుండా చేసి, ఎక్కువ ముఖ్య పోషకాలన్నిటినీ అందిస్తాయి. అందుకే ఈ రెసిపి మీ ఇంట్లో ప్రయత్నించి ఎలా వస్తుందో చూడటానికి ఈ కారణాలు చాలు కదా!

కిందకి వెళ్ళి వీడియో సూచనలు,అలాగే బొమ్మలతో సూచనలు చదవండి. వచ్చే ఆదివారం భోజనంలో ఇదే మీ స్టార్ రెసిపి కావచ్చు. హాయిగా ఆనందించండి!

స్టెప్ బై స్టెప్ – వాంగీ బాత్ ను ఎలా తయారుచేయాలి

1. ఒక బౌల్ తీసుకుని బియ్యం వేయండి.

2. నీళ్ళు పోసి బాగా కడగండి.
3. కుక్కర్ తీసుకుని ఆ బియ్యాన్ని అందులో వేయండి.
4. నీరు పోయండి.
5. 3 విజిల్స్ ఒచ్చాక కుక్కర్ ఆపండి.

6. అన్నాన్ని ఒక పక్కన పెట్టుకోండి.

7. వంకాయలు తీసుకుని సన్నగా ముక్కలు తరగండి.
8. అన్ని ముక్కలను ఒక బౌల్ నీళ్లలో వేయండి.
9. ఒక పెనం తీసుకోండి.
10. నూనె వేయండి.
11. మినప్పప్పు,జీలకర్ర, సెనగపప్పు, నువ్వులు, మెంతులు, లవంగాలు, ధనియాలను వేయండి.
12. అన్నిటినీ కలపండి.
13. ఎండుమిర్చి, తురిమిన కొబ్బరి వేసి మళ్ళీ కలపండి.
14. కొబ్బరి మరియు ఇతర దినుసుల వాసన తెలిసేదాకా పొడిగా అన్నిటినీ వేయించండి.

15.3-4 నిమిషాలపాటు చల్లబడనివ్వండి.

16.అన్ని దినుసులను మిక్సీలో వేయండి.

17. పొడి అయ్యేవరకూ మిక్సీ పట్టండి
18. పెనం తీసుకోండి.

19.నూనె, ఆవాలు, మినపప్పు, సెనగపప్పు, కరివేపాకు, పసుపు, వంకాయలు వేసి నిమిషంపాటు కలపండి.

20.చింతపండు రసం,బెల్లం వేసి బాగా కలపండి. 21. ఉప్పు వేయండి. 22. అన్నిటినీ కలిపి 2-3 నిమిషాలు ఉడకనివ్వండి. 23. దినుసుల మిశ్రమాన్ని వేసి బాగా అన్నిటినీ కలపండి. 24. మూతపెట్టి 2-3 నిమిషాలను ఉడకనివ్వండి.
25. మూత తీసి వంకాయలను కలపండి.
26.అన్నం వేసి బాగా కలపండి
27. కొత్తిమీరతో అలంకరించి బౌల్ లోకి తీసుకోండి.
28.మీకు నచ్చిన పచ్చడి లేదా పెరుగుతో వడ్డించండి.