మసాలా ఎగ్-దోసె

Published: Friday, April 13, 2012, 12:27 [IST]

దోసెలలో వెరైటీ దోసె మసాలా ఎగ్ దోసె. తినడానికి చాలా రుచిగా ఉంటుంది. మసాలాలన్నీ ఉంటే చెయ్యడమూ సులభమే. హోటల్లో తినే మసాలా దోసెకు పూర్తి విభిన్నంగా ఉండే ఎగ్ మసాలా దోసెను ట్రై చేసి చూడండి...

కావలసిన పదార్థాలు:
దోసెల పిండి: 1/2kg
ఉల్లిపాయ: 2
ఉడకబెట్టిన గుడ్లు: 4
వెల్లుల్లి రెబ్బలు: 6-8
అల్లం ముక్క: చిన్నది
ధనియాలపొడి: 1/2kg
పచ్చిమిర్చి: 2
పసుపు: చిటికెడు
టమాటో గుజ్జు: కొద్దిగా
గరం మసాలా పొడి: 2tbsp
క్యారెట్, బీన్స్ ముక్కలు(సన్నగా తరిగినవి): 1/2cup
నెయ్యి లేక నూనె: తగినంత
కొత్తమీర తురుము: కొద్దిగా
ఉడకబెట్టిన పచ్చిబఠాణీ: 1cup
ఉప్పు: రుచికి సరిపడా

మసాలా తయారు చేయు విధానం
1. ఉడకబెట్టిన గుడ్డుపై పెంకు తీసి, మీడింసైజు ముక్కలుగా కట్ చేసుకుని పక్కన పెట్టుకోవాలి.
2. తర్వాత ఉల్లిపాయ ముక్కలుగా చేసుకుని, అల్లం, వెల్లుల్లి, పచ్చిమిర్చి అన్నీ కలిపి మెత్తగా పేస్ట్ చేసుకోవాలి. 3. పాన్ లో నూనె వేసి కాగిన తర్వాత అందులో మసాలా ముద్దను వేసి కొద్దిసేపు వేయించుకోవాలి. దీనికి మిగతా మసాలా పదార్థాలు కూడా కలిపి మరికొద్దిసేపు వేగనివ్వాలి.
4. తర్వాత టొమాటో గుజ్జు వేసి నూనె పైకి తేలే వరకు వేయించాలి. ఇప్పుడు కూరగాయ ముక్కలు, పచ్చిబఠాణీలు, చిన్న చిన్న ముక్కలుగా చేసుకున్న గుడ్లు కూడా వేసి కప్పు నీరు పోసి బాగా ఉడికించుకోవాలి.
దించే ముందు కొత్తిమీర తురుము గార్నిష్ చేసి పక్కన పెట్టుకోవాలి.
5. ఇక దోసె వేసే విధానం: పాన్ మీద తక్కువ నూనె వేసి దోశను పలుచగా పోసి దోరగా కాల్చుకోవాలి.
6. ఇప్పుడు దీనిపైన రెడీ చేసుకున్న ఎగ్ మసాలా కూర పలుచగా పరిచి, మధ్యకి మడచి కిందకు దింపేసుకోవాలి. దీనికి కొబ్బరి చట్నీ, సాంబారు మంచి కాంబినేషన్.

Comments

Story first published: Friday, April 13, 2012, 12:27 [IST]

Other articles published on Apr 13, 2012

Latest Updates

Masala Egg Dosa | మసాలా ఎగ్-దోసె