మస్కుల్ : రైస్ విత్ ఆనియన్ రిసిపి: రంజాన్ స్పెషల్

రంజాన్ నెల ప్రారంభం కాబోతున్నది. రంజాన్ పీరియడ్ లో ముస్లీలందరూ పవిత్రంగా ఉపవాస దీక్షలు చేస్తారు. తర్వాత సాయంత్ర ఉపవాసదీక్ష విరమిస్తారు. ఇలా ప్రతి రోజూ ఒక నెలపాటు కొనసాగిస్తారు. ఇలా ఉపవాసం ఉన్నవారికోసం కొన్ని త్వరగా సింపుల్ గా, ఈజీగా తయారయ్యే వంటల గురించి మన వెంటనే తెలుసుకోవాలి. మీరు ఎప్పుడైన మస్కుల్ రిసిపి గురించి విన్నారా?ఇది నిజానికి ఇండియన్ రిసిపి కాదు, అయినా, మన ఇండియన్ స్టైల్లో ఈ వంటను తయారుచేసుకోవచ్చు.

మస్కుల్ రిసిపి సౌదీ అరేబియాన్ రిసిపి. బేసిక్ గా ఉల్లిపాయలతో కలిపి రైస్ ను వండుతారు . ప్లెయిన్ రైస్ కు బదులుగా ఈ మస్కుల్ రైస్ ను ఎక్కువగా వండుకుంటారు. మరి ఈ వెరైటీ డిష్ ను మీ ఇఫ్తార్ టేబుల్ మీద కలర్ ఫుల్ గా అరేంజ్ చేసి, టేస్ట్ ను ఎంజాయ్ చేయండి.

కావల్సిన పదార్థాలు:

బాస్మతి రైస్: 2cups
ఉల్లిపాయలు: 2
నెయ్యి: 1/2cup
నీళ్ళు: 3cups
కుంకుమ పువ్వు: కొద్దిగా
రోజ్ వాటర్: 3cups
ఉప్పు : రుచికి సరిపడా

తయారుచేయు విధానం:

1. ముందుగా ఒక పెద్ద గిన్నెలో నీళ్ళు పోసి బాగా మరిగించాలి. నీరు మరిగేటప్పుడు అందులో బాస్మతి బియ్యం కడిగి వేయాలి.
2. తర్వాత మూత పెట్టి 10నిముషాలు తక్కువ మంట మీద ఉడికించుకోవాలి.
3. అంతలోపు ఒక పాన్ లో కొద్దిగా నెయ్యి వేసి వేడయ్యాక అందులో ఉల్లిపాయ ముక్కలు వేసి మీడియం మంట మీద ఫ్రై చేసుకోవాలి .
4. ఇప్పడు బేకింగ్ డిష్ కు కొద్దిగా నెయ్యి రాసి, వేయించి పెట్టుకొన్న ఉల్లిపాయ ముక్కలు సగం వేసి బేకింగ్ డిష్ మొత్తం సర్ధాలి.
5. తర్వాత అన్నం సగం ఉడికిన తర్వాత అదనపు గంజి వంపి, అన్నంను ఉల్లిపాయల మీద సర్ధాలి.
6. అన్నం మీద కొద్దిగా రోజ్ వాటర్ మరియు కుంకుమ పువ్వును చిలకరించాలి.
7. తర్వాత అన్నం మీద మరో లేయర్ ఫ్రై చేసి ఉల్లిపాయలు వేసి సర్ధాలి తిరిగి అన్నం, అరకప్పు నీళ్ళ వేసి మూత పెట్టాలి.
8. చాలా తక్కువ మంట మీద 10నిముషాల పాటు ఉడికించుకోవాలి. అంతే మస్కుల్ రైస్ విత్ ఆనియన్ రిసిపి రెడీ. ఈ రుచికరమైన మస్కుల్ రైస్ ను చికెన్ కర్రీ లేదా కబాబ్స్ తో సర్వ్ చేస్తే చాలా టేస్టీగా ఉంటుంది.