స్వీట్ కార్న్- మెంతి పులావ్

Published: Tuesday, September 4, 2012, 8:57 [IST]

ఆరోగ్యానికి ఆకుకూరలు చాలా మంచిది. దీనిని కేవలం కూర, పప్పు కాకుండా వెరైటిగా తింటే రుచి, ఆరోగ్యం. వచ్చిన స్నేహితులు లేదా అతిథులకు ఆశ్చర్యం కల్గిస్తుంది.
మెంతికూరతో స్వీట్ కార్న్ కాంబినేషన్ చాలా బాగుంటుంది. ఆరోగ్యానికి మేలు చేసే పోషకాలు స్వీట్ కార్న్ లో ఉన్నాయి. విటమిన్ బి1, బి5, సి, ఫోలేట్, ఫాస్పరస్, పీచు పదార్థం,
మాంగనీస్, ఖనిజలవణాలు సమృద్ధిగా లభిస్తాయి. కాబట్టి ఆహారంలో వీటిని తరచూ తీసుకోవడం వల్ల కాలేయం సమస్యలను దరిచేరనివ్వదు. రకరకాల కాంబినేషన్స్ తో చేసే రైస్ ఐటమ్స్ ఎప్పుడూ నచ్చుతాయి. ఆకుపచ్చని మెంతికూర, స్వీట్ కార్న్ కలిపి చేసే ఈ పులావ్ కూడా ఈజీగా చేసెయ్యొచ్చు.పెరుగు చట్నీ దీనిలోకి బావుంటుంది.

కావలసిన పదార్థాలు:
స్వీట్ కార్న్ : 1cup
బాస్మతి రైస్ : 2cups
మెంతి కూర : 3కట్టలు
టమాటాలు : 2
ఉల్లిపాయ : 1
పచ్చిమిర్చి :4-8
కొత్తిమీర : ఒక కట్ట
అల్లంవెల్లుల్లి పేస్ట్: 1tsp
గరంమసాలా పొడి: 1tsp
ఉప్పు,కారం,పసుపు,నూనె: సరిపడా
లవంగాలు-4,చెక్క:చిన్న ముక్క,షాజీర, యాలకలు

తయారు చేసే విధానం:
1. ముందుగా బియ్యం కడిగి నానబెట్టుకోవాలి.
2. తర్వాత పాన్ లో నూనె వేసి వేడిచేసి అందులో చెక్క, లవంగాలు,యాలకులు, షాజీర వేసి వేగనివ్వాలి.
3. ఇప్పుడు మద్యలోనిక తరిగిన పచ్చిమిర్చి, సన్నగా కట్ చేసుకొన్న ఉల్లిపాయ ముక్కలు వేసి బ్రౌన్ కలర్ వచ్చేంత వరకూ వేయించుకోవాలి.
4. తర్వాత అందులోనే టమాటా ముక్కలు వేయాలి. టమాటాలు మెత్తగా ఉడికిన తరువాత పసుపు,కారం,ఒక టేబుల్ స్పూన్ అల్లంవెల్లుల్లి పేస్ట్ వేసి వేయించి, తరిగి పెట్టుకొన్న తికూర, స్వీట్
కార్న్, ఒక టేబుల్ స్పూన్ గరంమసాలా పొడి వేసి కలపాలి.
5. రెండు మూడు నిముషాలు వేయించి తగినన్ని నీళ్ళు, ఉప్పు వేయాలి. నీరు మరిగినప్పుడు బియ్యం వేసి కలిపి మూతపెట్టి రెండు విజిల్స్ వచ్చాక స్టౌఆఫ్ చెయ్యాలి.
6. కుక్కర్ లో ఆవిరి పోయిన తరువాత తీసి, మూత తీసి ఒకసారి కలిపి వేడిగా సర్వ్ చెయ్యాలి. వేడివేడిగా ఏదైనా రైతాతో తింటే బావుంటుంది. ఇందులో స్వీట్ కార్న్ బదులు మామూలు కార్న్ అయినా వాడొచ్చు.

Comments

Story first published: Tuesday, September 4, 2012, 8:57 [IST]

Latest Updates

Sweet Corn- Methi Pulao | మేథీ -స్వీట్ కార్న్ పులావ్