స్వీట్ కార్న్(మొక్కజొన్న) రైస్

Published: Thursday, August 23, 2012, 9:42 [IST]

మొక్కజొన్న గింజలు ఒక మంచి బలమైన ఆహార పదార్ధము. దీని గింజలను పచ్చిగా గాని, కాల్చుకొని లేదా ఉడకబెట్టుకొని తింటారు. మొక్కజొన్న గింజలనుండి పేలాలు 'పాప్ కార్న్', 'కార్న్ ఫ్లేక్స్' తయారుచేస్తారు. లేత 'బేబీకార్న్' జొన్న కంకులు కూరగా వండుకుంటారు. మొక్కజొన్న పిండితో రొట్టెలు చేసుకుంటారు. కొంచెం వెరైటీగా వెజిటేబుల్స్ చేర్చి పాప్ కార్న్ రైస్ రుచి చూడండి. పిల్లలకు, పెద్దలకు ఇష్టమైన స్వీట్ కార్న్ రైట్ టేస్టీ మరియు ఆరోగ్యం కూడా...

కావలసిన పదార్దములు :
మొక్కజోన్నగింజలు (స్వీట్ కార్న్) : 2cups
క్యారెట్: 1/4cup(చిన్న ముక్కలుగా కట్ చేసుకోవాలి)
పచ్చిబఠాని: 1/2cup
ఉల్లిపాయ: 1((చిన్న ముక్కలుగా కట్ చేసుకోవాలి)
అల్లం వెల్లుల్లి పేస్ట్: 2tsp
పచ్చిమిర్చి: 4-6
నూనె: వేయించడానికి సరిపడా
జీలకర్ర: 1tsp
పంచదార: 1tsp
ఉప్పు: రుచికి తగినంత
బాస్మతి బియ్యం : 3cups(ఉడికించిన అన్నం)
జీడిపప్పు: 3tbsp
కిస్ మిస్: 2tbsp
కొబ్బరిపాలు : 3cups

తయారు చేయు విధానం :

1. బియ్యం కడిగి కొబ్బరి పాలలో అరగంట నానబెట్టాలి. తర్వాత కొబ్బరి పాలతో సహా బియ్యం వేసి అవసరమనుకుంటే కొద్దిగా నీళ్ళు కలిపి మూతపెట్టి పది నిముషాలు వుడకనివ్వాలి. ఇప్పుడు మూతతీసి ఉప్పు వేసి కలిపి, అన్నం ఉడికేంతవరకు వుంచి స్టౌ కట్టేయాలి.
2. తర్వాత పాన్ లో నూనె వేసి వేడయ్యాక అందులో జీలకర్ర వేసి చిటపటలాడాక, అందులో ఉల్లిపాయ ముక్కలు వేసి వేయించాలి.
3. తర్వాత అందులో పంచదార వేసి కరగనివ్వాలి. తర్వాత అల్లం వెల్లుల్లి పేస్ట్ వేసి రెండు నిమిషాల పాటు తక్కువ మంటలో వేయించుకోవాలి.
4. తర్వాత పచ్చిమిర్చి, క్యారెట్, పచ్చిబఠానీ, స్వీట్ కార్న్(మొక్కజొన్న గింజలు) ఒక దాని తర్వాత ఒకటి వేసి బాగా వేయించి కొద్దిసేపు మూత పెట్టి, ఆవిరి మీద ఉడికించుకోవాలి.
5. తర్వాత మూత తీసి వెజిటేబుల్స్ ఉడికాయో లేదా చూసుకొని తర్వాత ఉడికించిన అన్నం అందులో కలుపుకొని బాగా మిక్స్ చేయాలి.
6. చివరగా వేయించుకొన్న జీడపప్పు, కిస్ మిస్ ను గార్నిష్ చేసి వేడి వేడిగా సర్వ్ చేయాలి. అంతే స్వీట్ కార్న్ రైస్ రెడీ....