ముట్టుకుంటే ముడుచుకుంటావ్...?

By B N Sharma

Published: Thursday, May 31, 2012, 16:01 [IST]

సిగ్గు పడటమనేది మహిళ సహజ స్వభావం. మహిళలు ఏ వయసువారైనా సరే పురుషులను చూస్తేనే సిగ్గుపడతారు. ఇక స్పర్శిస్తే మరింత సిగ్గుల మొగ్గలవుతారు. యుక్తవయసు వచ్చిందంటే చాలు యువతి భావాలు మారిపోతాయి. అప్పటివరకు యువకులతో కలసి మెలసి సంచరించినప్పటికి, టీనేజ్ వచ్చిందంటే, వారి ప్రవర్తన పురుషుల పట్ల మారిపోతుంది. పురుషుడు కనపడితే కనుమరుగైపోతారు. ఇకపురుషుడు తనవాడవుతున్నాడంటే, ఆ సిగ్గు మొగ్గలై ఆమె చెంపల్లో ఎరుపు కనపడుతుంది. ముఖం కంద గడ్డలా ఎర్రగా మారిపోతుంది. రతిక్రీడ సమయం వచ్చిందంటే శరీరంలో ఉష్ణోగ్రత పెరగటం అందుకవసరమైన హార్మోన్లు రిలీజ్ కావటం జరుగుతుంది.

అయితే, తాజాగా మహిళ రతిక్రీడ వంటి చర్యలలోనే కాదు, కొద్దిపాటి స్ధాయిలో ఏ రకమైన సామాజిక సంఘటన నడిచినప్పటికి మహిళ ముఖ భాగం కొద్దిగా వేడెక్కుతుందని ఒక రీసెర్చి వెల్లడించింది. ఇంగ్లాండ్ లో ఫైఫ్ లోని సెయింట్ ఆండ్రూస్ యూనివర్శిటీ లోని ఆమందా హేన్ ఆమె సహచరులు చేసిన ఒక స్టడీలో యుక్త వయసు మహిళల ముఖాలపై ఒక హీట్ సెన్సిటివ్ కెమెరాను ముఖాలలోని ఉష్ణోగ్రత మార్పులను కొలిచేందుకు మరో సాధనాన్ని ముఖాన్ని స్పర్శించేందుకు వినియోగించారు.

ఈ రకమైన హీట్ సెన్సార్ కెమెరా ఫోకస్ మరియు స్పర్శలు శరీరంలోని ఏ భాగంలో చేసినప్పటికి వారు అతిగా స్పందించలేదని, ముఖ భాగాల బుగ్గలు, స్తనాల ఎముకలు మాత్రం బాగా ఎరుపెక్కి స్పందించటం, వారి కండ్ల చుట్టూ టెంపరేచర్ పెరగడం, ముఖ భాగాలైన నోరు, ముక్కు సుమారుగా 0.2 నుండి0.5 డిగ్రీ సెంటీగ్రేడులు సగటున మరి కొన్ని ఇతర భాగాలలో ఒకడిగ్రీ పూర్తిగా వేడెక్కినట్లు కనుగొన్నారు. గతంలోని ఒక స్టడీలో ఈ భాగాలు, పురుషులలో లైంగిక పర ఉద్రేకం కలిగితే మార్పులు సంతరించుకొనేవని తేలింది. కాని మహిళలలో మాత్రం, ఏ మాత్రం సోషల్ ఇంటర్ యాక్షన్ పురుషులతో జరిగినా ప్రస్తుత ఫలితాలు కనపడుతున్నాయని రీసెర్చి తెలుపుతోంది.

అయితే, మహిళలుమాత్రం తమలో కామానికి సంబంధించిన అంగాలలో ఏ మార్పులు, భావనలు కలగటంలేదని కాని ముఖ భాగాలలో మాత్రం టెంపరేచర్ పెరగటం, అదికూడా ఎదుటగా వున్నది యువకుడైతే మరింత ప్రభావం కనపడటం జరుగిందని రీసెర్చిలో తెలిపారట. ఆశ్చర్యకర పరిణామమేమంటే, నేటి సామాజిక పరిస్ధితుల కారణంగా మహిళలో యువకులను చూస్తే వచ్చే ముఖ మార్పులు అంటే టెంపరేచర్, ఎరుపెక్కటం వంటివి పురుషులలో కామోద్రేకం కలిగే లక్షణాలకు సమానమైపోతున్నాయని సైంటిస్టులు చెపుతున్నారు.