పెళ్ళికిముందు పురుషుడు వేసే ప్రశ్నలు!

Relationship

oi-Nageswara

By B N Sharma

Published: Saturday, June 2, 2012, 10:35 [IST]

పెళ్ళి చేసుకోవాలనే నిర్ణయానికి వచ్చేశారు. అందుకు ప్రణాళికకూడా వేశారు. చేసుకోవాలనే కోరిక మీకే కలిగిందో లేక తల్లితండ్రుల ఒత్తిడో కాని మీరు ఇక పెళ్ళికి సిద్ధమైపోయారు. కాని మీరు మీ భవిష్యత్ జీవితమంతా కలసి గడపబోయే పురుషుడి విఝయంలో చాలా జాగ్రత్తగా వుండాలి. మీరు ఎంతో సహనంగా ఈ ప్రక్రియ సాగించాలి. విశ్వాసం కలిగివుండాలి. సాధారణంగా పెళ్ళి చూపులలో సినిమాలలో మనం అమ్మాయి బాగా అలంకరించుకొని తలవంచుకొని వచ్చిన పురుషుడు (పెళ్ళి కొడుకు) ముందు కూర్చోవటం చూస్తాం. మీరు నమ్మండి నమ్మకపొండి, చాలామంది యువతులు అలా కూర్చున్నపుడు పురుషుడు వేసే ప్రశ్నలకు ఎంతో భయపడుతూంటారు. ఈ ప్రశ్నలు సమాధానాలు మొదటగా మీరిరువురికి అభిప్రాయాలు ఎలా వుంటాయనేదానికి మొదటి సమావేశంగా వుంటాయి. మరి ఈ పెళ్ళి చూపుల తతంగంలో సాధారణంగా పురుషులు యవతులకు వేసే ప్రశ్నలు ఎలా వుంటాయి?

నీకు వంట చేయటం వచ్చా? పెళ్ళి చూపులలో పురుషులు లేదా అతనివైపు నుండి వచ్చినవారు యువతిని మొదటగా వేసే ప్రశ్న ఇది. పురుషులు బాగా తనగలిగినవారు. ప్రతిరోజూ బయట తినటం అంటే వారు ఇష్టపడరు. కనుక మీరు చేసే వంట వారికి ప్రధానం అని గుర్తించండి. పెళ్ళితర్వాత వారు ప్రతిరోజూ భోజనం అంటూ రెస్టరెంట్లలో ఖర్చు చేయటానికి కూడా ఇష్టపడరు. అంతేకాదు మీరు బాగా వండితే చాలు అనుకుంటారు.

నా తల్లితండ్రులతో కలసి నువ్వు వుండగలవా? ఈ ప్రశ్నకు జవాబు క్లిష్టమే. వాస్తవానికి యువతులు తమ భర్తలతో కలసి వేరు ఇంట్లో వుండేందుకు ఇష్టపడతారు. అత్త, మామలు, మరుదులు వంటివారు వారి దాంపత్య జీవితానికిఅడ్డు అని భావిస్తారు. ఇది సాధారణమే....అందుకనే చాలామంది పురుషులు పెళ్ళికి ముందే ఇది నిర్ణయిస్తారు. మరి తన తల్లితండ్రులతో కలసిపోయి వుండాలని పురుషుడు ఈ ప్రశ్నకు పాజిటివ్ సమాధానం కోరతాడు.

ఉద్యోగం చేస్తావా? - నేటి పురుషులు, భార్యలు తమపై ఆధారపడరాదని కూడా భావిస్తారు. బాగా చదువుకున్న యువతి అయితే తేలికగా చేస్తాననేచెప్పేస్తుంది. పట్టణాలలో 80 శాతం మందిపురుషులు పెళ్ళికి ముందు ఈ ప్రశ్న వేస్తున్నారు. దీనిని మీరు వ్యతిరేకంగా తీసుకోకండి. ఒకవేళ అతను ఆర్ధిక ఇబ్బందులలో వుంటే, మీరు ఆదుకుంటారో లేదోనని కూడా పరీక్ష చేసే ప్రశ్న ఇది.

నాకొచ్చే సంపాదనతో సర్దుకుంటావా? పురుషులందరూ అత్యాశా పరులే. ఎంత సంపాదించినప్పటికి, పెళ్ళాం తక్కువ వ్యయంచేయాలంటారు. దానికి కారణం పొదుపు లేదా తమను తాము తక్కువగా అంచనా వేసుకోవడం. కనుక తనకు వచ్చే జీతంతో నీవు సంతోషంగా గడపగలవా అని అడుగుతాడు.

మార్పులకు నీవు ఇష్టపడతావా? ఆనందకరమైన వివాహ జీవితానికి చాలామంది పురుషులు ఈ ప్రశ్న వేస్తారు. సరళంగా వుండే యువతి, జీవితంలోని మార్పులకు సర్దుకుంటుంది. ఇద్దరూ కూడా మానసికంగా, శారీరకంగా సర్దుకుంటారు. ఈ ప్రశ్న పురుషుడు వ్యక్తిగత ఇష్టం చెపుతుంది. అంతేకాని పురుషులందరూ ఈప్రశ్న వేస్తారనటానికి వీలు లేదు.

ఈ ప్రశ్నలు సాధారణంగా పురుషులు పెళ్ళికి ముందుయువతికి వేస్తారు. మీరు కనుక ఈ రకమైన ప్రశ్నావళి ఎదుర్కొన్నట్లయితే, మరిన్ని వుంటే....మాతో పంచుకోండి.