మహిళలు అబద్ధాలు ఎందుకు చెపుతారు?

Relationship

oi-Nageswara

By B N Sharma

Published: Friday, June 1, 2012, 11:27 [IST]

కొన్ని విషయాలలో స్త్రీలు, పురుషులు కూడా అబద్ధాలు చెప్పేస్తారు. ఆ చెప్పే అబద్ధాలు వారిమధ్య గల సంబంధాలను మెరుగుపరచుకోవటానికి కావచ్చు. లేదా ఇతరులనుండి రహస్యాలు దాచటానికైనా కావచ్చు. మొత్తంగా ఏదో ఒక అంశంలో ఎపుడో ఒకపుడు అబద్ధాలుచెప్పేస్తూంటారు. వీరు అబద్ధాలు ఎందుకు చెపుతారు? దానికి కారణం ఏమిటి? అంటే....ఏదీ కూడానూటికి నూరు శాతం నిజంగా వుండదు. కాని మహిళలు అబద్ధాలు చెపుతారనే ప్రచారం పొందారు. అందరూ అబద్ధం అంటే మహిళ మాత్రమే చెపుతుందనే భావనతో వుంటారు. అసలు వారు పుడుతూనే అబద్ధాల కోరుగా పుట్టారని కూడా పరిగణిస్తారు. అబద్ధాలు చెపటంలో వారు చాలా తెలివైన వారుగా చెపుతారు. ఈ రకంగా వారి అబద్ధాల వెనుక అనేక కారణాలు వున్నాయి. అయితే మహిళలు అబద్ధాలు చెపుతున్నారంటే వాటి వెనుక కారణాలు ఏమై వుంటాయి? అనేది పరిశీలిద్దాం.

మహిళ అబద్ధం చెప్పే కారణాలు
మంచి కొరకు - మహిళలు కొన్ని సార్లు సంబంధాలను కాపాడాలనే కారణంగా అబద్ధాలు చెపుతారు. కొన్ని రహస్యాలు లేదా విషయాలు వెల్లడిస్తే సంబంధాలు చెడిపోతాయి. అది ప్రేమ, స్నేహం లేదా కుటుంబ సంబంధం ఏదైనా కావచ్చు. రహస్యం దాచటానికి అబద్ధం చెపటం అనేది చర్చించదగినదే. మహిళలు, రహస్యం పంచుకుంటే వారి సంబంధానికి హాని అని భావిస్తారు. కనుక అబద్ధం చెప్పేసి సురక్షితంగా వుందామనుకుంటారు.

స్వభావం - కొంతమందికి అబద్ధాలు చెప్పే స్వభావం వుంటుంది. కాని ఇది మొదటినుండి పుట్టినది కాదు. అది వారు సాధనమీద పొందేది. దీనికి కారణం సరైన స్నేహాలు లేకపోవటం, ఇంటిలో పెరిగిన వాతావరణం. కొంతమంది ఆడవారు ఏ కారణం లేకుండానే అబద్ధం చెపుతారు. కొన్నిమార్లు మహిళలు సానుభూతి కొరకు లేదా సమాజంలో వారు మంచివారుగా కనపడటానికి అబద్ధాలు చెపుతారు. ఉదాహరణగా చెప్పాలంటే పెండ్లి అయిన యువతి తాను ఇంకా కన్నె అనే చెప్పుకుంటుంది. పెళ్ళి సంబంధం తెగే విషయంలో ఇదిసరికావచ్చు. కాని ప్రేమ సంబందంలో ఇది పూర్తి అబద్ధమే.

తనను తాను కాపాడుకోవటానికి - మహిళలు కొన్ని విషయాలలో తమ ప్రశాంతతకు భంగం వాటిల్లుతోందనుకుంటే అబద్ధాలు చెపుతారు. అర్ధరాత్రి పార్టీలకు హాజరైన యువతులు, ఇంటివద్ద తమ గౌరవం పోతుందనుకొని అబద్ధం చెప్పేస్తారు. కొన్ని విషయాలలో వారి తప్పు లేకపోయినప్పటికి తప్పులు పడతారు కనుక వారు అబద్ధాలు చెప్పి తమను తాము కాపాడుకుంటారు.

ఆమె తప్పునుకప్పిపుచ్చుకోడానికి - ఆమెకు తనది తప్పు అని తెలుసు. అబద్ధం చెప్పేస్తుంది. సమస్యను దాచేస్తుంది. సమస్యకు తెరదించేస్తుంది. పొగతాగే అలవాటు. కాని లేదంటుంది. ఎందుకంటే అది తప్పని, హానికరమని చెపితే, తనని నిందిస్తారని భావించి అందంగా అబద్ధమాడేస్తుంది.