ముద్దుల జల్లులు....మురిపాల వానలు!

Relationship

oi-Nageswara

By B N Sharma

Published: Tuesday, July 24, 2012, 12:31 [IST]

ఐ ....లవ్.....యూ...ఎలా చెప్పాలి? ఐ లవ్యూ అనేది అన్ని భాషలలో చెప్పండి. భాషలు వేరైనా, భావాలు ఒక్కటే.ఏ భాషా తెలియని వారు కూడా ప్రేమకు అర్హులే. ప్రేమను వ్యక్తం చేయటంలో ఉంటుంది. వ్యక్తపరచి మీ ప్రేయసి లేదా ప్రియుడినుండి తగిన స్పందన పొందటంలో ఆనందం ఉంటుంది. నిజం చెప్పాలంటే, ప్రేమకు అసలు భాష లేదు. ఏ భాష వారైనా సరే తమ ప్రేమను వ్యక్తం చేయటం ఒకే రీతిలో ఉంటుంది. అసలు వారు మాట్టాడుకునే భాషలు అర్ధంకాకపోయినా సరే వారి మధ్య ప్రేమ ఉంటే చాలు వారు జీవితాంతం కలసే ఉంటారు. గాఢంగా ప్రేమించుకుంటూ ఉంటారు. మరి మీ ప్రేయసి లేదా ప్రియుడితో కొత్త రకంగా సరసాలు, విరసాలు చేసి ప్రేమను వ్యక్తం చేయండి. ప్రేమకు పరిధులు లేవు. అన్ని భాషలలో ....ఐ ...లవ్....యూ అంటూ చెప్పేసి అతనిని లేదా ఆమెను విరహంలో ముంచేయండి.

తెలుగింటి ముద్దు గుమ్మ అయితే, ముందుగా తెలుగులో .....ప్రియా ...నేను నిన్ను గాఢంగా ప్రేమిస్తున్నా.....అని చెప్పేయండి. రాత్రయ్యే సరికి మీకు రుచులూరే డిన్నర్ గ్యారంటీ. అయితే, సాధారణ దుస్తులు ధరించకండి. డిన్నర్ లో చూడంగానే మెరిసిపోయే దుస్తులు వేసి ఆమెకు ఆకర్షణ కలిగించండి. మీరు ఇంత కష్టపడుతున్నందుకు ఆమె లేదా అతను తప్పక ప్రశంసిస్తారు.

హిందీలో - మిల మిల మెరిసే తెల్లటి శరీరం కల హిందీ అమ్మాయిని ప్రేమిస్తున్నారా? అలాగయితే...స్వీటీ...‘మై తుమ్ సే ప్యార్ కర్ రహాహూ ' అనేయండి. మీ భాష ఏదైనా, మీరు కష్టపడి తనపై ప్రేమ వెల్లడి చేసినందుకు ఎంతో ఆనందిస్తుంది. మీకు చెపటం సరిగా కుదరకపోతే, చేతులతో, ముఖంతో భావాలను తెలుపండి అంతే, ఆమె ముఖం వెలిగిపోతుంది. మీకు స్వాగతం పలికి మంచి స్వీట్ తినిపిస్తుంది.

మీరు కన్నడ హుడిగి ని ప్రేమిస్తున్నారా? అలాగయితే, ‘నాను నిన్న ఇష్టపడత్తిద్దిని' అని తెలుపండి. కన్నడ యువతి మీ భాషకు మెచ్చి తప్పకుండా వారి ప్రత్యేక వంటకమైన బిసి బెళి బాత్ మీకు తినిపించి మిమ్మల్ని సంతోష పెడుతుంది. ఆనందిస్తుంది.

మళయాళ కుట్టి అయితే, ‘నాన్ నిన్నే ఇష్టపెద్దున్ను' అని చెప్పేయండి. అంతే, ఈ సారి ఆమె కేరళనుండి మంచి అరటికాయ చిప్స్ తెచ్చి పెట్టి మీకు ఆనందం కలిగిస్తుంది. లేదా తాను తెచ్చిన కొబ్బరి నూనెతో తల మర్దన చేసి మీకు దిమ్మ తిరిగేలా చేస్తుంది.

మంచి తమిళ పొన్ను చిక్కిందా? ఆమెకైతే....‘నాన్ ఉన్నై కాధలిక్కిరేన్' అని తమిళ యాసలో హీరో ప్రశాంత్ చెప్పినట్లు చెప్పేయండి. మీరు చెపటం ఆలస్యం తాను తన తమిళ నాట్య భంగిమలు ఆచరించి మిమ్మల్ని ఆనందపెడుతుంది.

లేదా, వెరైటీగా ఉండాలంటే, మీరు ప్రేమించిన అమ్మాయి ఏ భాష యువతి అయినప్పటికి ఆమెకు అన్ని లాంగ్వేజీలలో ఈ రకంగా నేను నిన్ను ప్రేమిస్తున్నాను అని తెలుపుతూ ఆమెను ఆశ్చర్యంలో ముంచండి. మరి మిమ్మల్ని ఆమె తప్పక అభినందిస్తుంది. బహు భాషలు తెలిసిన వ్యక్తిగా ప్రశంసిస్తుంది. ఆమెతో గల మీ ప్రేమ సంబంధంలో ఈ రకంగా నవ్వులు పంచుకోండి. ఆనందించండి.