స్నేహాలు ఎందుకు దూరం అవుతాయి?

Relationship

oi-Nageswara

By B N Sharma

Published: Monday, July 2, 2012, 13:10 [IST]

మనం చిన్నతనంనుండి ఎంతమందితోనో స్నేహాలు చేస్తూవుంటాం. ఎప్పటికి మన స్నేహం కొనసాగాలని వాంఛిస్తాం.కాని స్కూలు లేదా కాలేజ్ నుండి బయటకు రాగానే ఆ కోరికలు, ఉత్సాహం నశించిపోతాయి. కొత్త కొత్త వాస్తవాలు కంటికి కనపడుతూ, పాత స్నేహాలను మరచిపోయేలా చేస్తాయి. మన జీవితంలో ఎంతోమందిని స్నేహం చేసుకుంటాం. కొంతమంది కొద్దిమందిని స్నేహితులుగా చేసుకుంటే మరికొందరు ఎంతో మందిని స్నేహితులుగా సంపాదించుకోగలుగుతారు. అయితే, వీరిలో ఎంతమంది జీవితాంతం మీకు స్నేహితులుగా కొనసాగుతారనేది ఒక ప్రశ్న?

చాలామంది స్నేహితులు స్కూల్ మరియు కాలేజ్ చదువులనుండి బయటకు రాగానే తగ్గిపోతారు. మరికొందరు సమయం గడిచే కొలది దూరమైపోతూంటారు. మరి ఈరకంగా స్నేహాలు ఎందుకని దూరం అయిపోతుంటాయనేది పరిశీలించండి.

కన్పించకపోతే దూరమవుతారు - స్నేహాలలో కూడా, రొమాంటిక్ సంబంధాలవలెనే దూరం అనేది ఒకరికొకరిని దూరం చేస్తుంది. మనలో చాలామందికి కాలేజ్ లో స్నేహితులుంటారు. కాని మనం చదువులు పూర్తిచేసి బయటకు వచ్చే సరికి వారితో సంబంధం కోల్పోతాము. దానికి కారణం మనం వారిని ఎపుడూ కలిసే కాలేజ్ కేంపస్ లో కలవలేకపోవటం రోజువారీ జీవితంలో కొత్త కార్యకలాపాలలో ముణిగిపోవటం. అయితే, కొన్నిసార్లు, ఎన్నో సంవత్సరాల తర్వాత గతంలోని క్లాస్ మేట్ ని చూస్తాం. కనీసం అతని పేరు కూడా గుర్తుకు తెచ్చుకోలేము. మనిషి జ్ఞాపక శక్తి త్వరగా తగ్గిపోతుంది. మనిషి కనిపించకపోతే చాలు, అతడు మన మైండ్ నుండి కూడా దూరం అయిపోతాడు.

దూర ప్రదేశ స్నేహాలు మెయిన్టెయిన్ చేయడం - దీనిలో చాలా అడ్డంకులు వుంటాయి. సొమ్ము వ్యయం చేసి స్నేహితులకు దూర ప్రదేశాలకు టెలిఫోన్లు చేయాలి. ఎంతో బిజీగా వుండే వారాంతపు సెలవులలో కూడా వీటికి సమయం చేసుకోవాలి. వీడియో ఛాటింగ్ చేయాలి. మరీ మంచి స్నేహం అనుకుంటే, సంవత్సరానికొకసారి వెళ్ళి కలవాలి. కాని ఇంత రిస్కు తీసుకొని చేయలేక మన స్నేహాలను దూరం చేసుకుంటాం.

ఎదగటంలో బాధలు - స్కూలు, కాలేజీలలో చక్కటి స్నేహ బంధాలుంటాయి. కాని మనం పెద్దవారమయ్యే సరికి అభిరుచులు కూడా మారతాయి. ఎంతో మంచి స్నేహాలు సైతం విభిన్న మార్గాలలో సాగి దూరం అయిపోతాయి. చివరకు ఒకరినొకరు తెలుసుకోలేని దశకు కూడా వచ్చేస్తారు.

ప్రత్యేక భాగస్వామి - వయసు పెరిగే కొలది ప్రతివారికి పెళ్ళి జరిగిపోతుంది. భాగస్వామి వచ్చేస్తారు. ఆపై పిల్లలు వచ్చేస్తారు. కుటుంబం ఏర్పడుతుంది. ఇక వారి జోక్యం కారణంగా కూడా స్నేహాలు దూరమైపోతాయి. కాలేజీలో ఎంతో సన్నిహితంగా సోదరులుగా, లేదా సోదరిగా వున్న వారు సైతం ఈ దశలో గుర్తుకురారు. వివాహం తర్వాత దశాబ్దాలకు కూడా వారు కనపడరు.

స్నేహం ముగియటం అనేది ఒక్క సారిగా ముగించేసేది కాదు. చాలామంది విషయంలో అనేక సంవత్సరాలు సైలెంట్ గా ఏ రకమైన సంబంధం లేకుండా సాగిపోతుంది. మరి ఇదే సమయంలో మనం మన జీవితంలో కొత్త స్నేహితులను సంపాదించుకుంటాం. అయినప్పటికి పాతవారిలో కొంతమంది ప్రత్యేక స్నేహితులను కొనసాగిస్తాం.