యావరేజ్ స్టూడెంట్ నని ఆ అబ్బాయి నన్ను అలా వాడుకున్నాడు, ఇంటర్ అయిపోయాక ముఖం చాటేశాడు #mystory354

తదేకంగా అతడి చూపులు

ఎంతో ఆసక్తిగా పాఠం వింటున్న నాకు వెనక నుంచి ఎవరివో చూపులు గుచ్చుకుంటున్నట్లుగా అనిపించాయి. తిరిగి చూశాను. అంత వరకు నా వంకే తదేకంగా చూస్తున్న అతడి చూపులు ఒక్కసారిగా డెస్క్ లోని బుక్స్ వైపు వెళ్లాయి.

నాకు పండుగలాగానే ఉండేది

తను నన్ను ఇష్టపడుతున్నాడని నాకు అర్థమైంది. కానీ అర్థంకానట్లు కొన్నాళ్లు నటించాను. ఒక రోజు తనే ప్రపోజ్ చేశాడు. నేను ఒకే అన్నాను. ఇక ఆ తర్వాత ప్రతి రోజూ నాకు పండుగలాగానే ఉండేది.

మైమరిపించేదాన్ని

రోజుకొక డ్రెస్ స్టైల్ లో.. రోజొకొక హెయిర్ స్టైల్ తో తనని మైమరిపించేదాన్ని. ఒకరోజు మా ఊరిలో జాతర జరిగినప్పుడు తను సైకిల్ పై ఎక్కించుకుని నన్ను జాతరకు తీసుకెళ్లాడు. అతనితో ఉంటే ఏదో ఒక తెలియని ప్రపంచంలో విహరిస్తున్నట్లు ఉండేది.

ఇంటర్ రెండేళ్లు

నన్ను తను పొగిడినంతగా ఎవరూ పొగిడి ఉండరు. అలా ఇంటర్మీడియట్ రెండేళ్లు తెలియని లోకంలో విహరించాం. ఇంటర్ ఫైనల్ ఎగ్జామ్స్ పూర్తయ్యాక తను నీట్ కోచింగ్ కు అని విజయవాడ వెళ్లాడు. అంతవరకు నాతో బాగానే ఉన్నాడు.

Most Read :రోజుకొకరు నిన్ను డిస్ట్రబ్ చేస్తూనే ఉంటారు, వారినేమీ పట్టించుకోకు, నీ పని నువ్వు చేసేయ్, ఇది నీ లైఫ్

అక్కడికి వెళ్లాక

కానీ అక్కడికి వెళ్లిన తర్వాత నాకు ఫోన్ చేయలేదు. కోచింగ్ సెంటర్ లో ఫోన్ అలో చేయరనుకున్నాను. తనకోసం చాలా రోజులు ఎదురు చూశాను. ప్రతి రోజూ తనే గుర్తొచ్చేవాడు.

తను కాలేజీ ఫస్ట్

ఇంటర్ రిజల్ట్స్ వచ్చాయి. తను కాలేజీ ఫస్ట్ వచ్చాడు. పాంప్లేట్స్ లో తన ఫొటో చూసి ఎంతో సంతోషించాను. తను నా మనిషి అనే ఫీలింగ్ నా నరనరాల్లో ఉండేది. కానీ నాపై తనకున్న ప్రేమ చాలా తాత్కాలికమని చాలా రోజులకు తెలిసింది.

మంచి కాలేజీలో..

నేను డిగ్రీ మా ఊరి పక్కనే ఉండే చిన్నపట్నంలో చేరాను. తను మాత్రం నీట్ ర్యాంక్ కొట్టి మంచి కాలేజీలో జాయిన్ అయ్యాడు. డబ్బున్న వాళ్లకు పేదోళ్లు చులకన. బాగా చదివే వారికి యావరేజ్ స్టూడెంట్స్ అంటే చులకన.

వాడుకున్నాడు.. వదిలేశాడు

ఇంటర్ లో నేను యావరేజ్ స్టూడెంట్ ని. తను బాగా క్లెవర్. తను ట్రై చేస్తే నాలాంటి యావరేజ్ స్టూడెంట్ ఈజీగా పడిపోతుంది. అందుకే నాకు ట్రై చేశాడు. కొన్నాళ్లు వాడుకున్నాడు. తర్వాత వదిలేశాడు.

Most Read :నా లైఫ్ లో ద మోస్ట్ ఎఫెక్టెడ్ పర్సన్ ఒక్కడున్నాడు..పెళ్లి చేసుకుంటానని చాలా కలలుగన్నా #mystory352

మా బావకు ఇచ్చి పెళ్లి చేశారు

ఎప్పుడైనా సెలవులకు ఊరికొచ్చినా కూడా తనకు నేను అస్సలు పరిచయం లేనట్లు నటించేవాడు. కానీ నేను మాత్రం చాలా రోజులు అతన్నే తలుచుకున్నాను. తనతో గడిపిన క్షణాలు ఎప్పుడూ గుర్తొచ్చేవి. నేను డిగ్రీలో ఉండగానే మా వాళ్లు మా బావకు ఇచ్చి పెళ్లి చేశారు.

జ్ఞాపకాలన్నీ కదలాడుతుంటాయి

ఇప్పుడు నాకు పిల్లలు కూడా ఉన్నారు. కానీ ఇప్పటికీ స్టూడెంట్స్ ని చూసినా.. టీవీలో లవ్ ఫెయిల్యూర్ సినిమాలు చూసినా తనే గుర్తొస్తాడు. ఊరికెళ్లినప్పుడు మా కాలేజీ ముందే బస్ వెళ్తూ ఉంటుంది.. అప్పుడు ఆ

జ్ఞాపకాలన్నీ కళ్ల ముందు అలా కదలాడుతుంటాయి.

ప్రేమించి వారిని

అందరమ్మాయిలు ప్రేమించి వారిని గుర్తుపెట్టుకుంటారో లేదో నాకు తెలీదు కానీ నాలాంటి కొందరమ్మాయిలు చచ్చే వరకు గుర్తుపెట్టుకుంటారు.