భార్యాభర్తలు ఉదయం లేవగానే ఇలా చేస్తే బంధం బలోపేతం అవుతుంది.. కలహాలు రావు

గ్రీటింగ్స్

ఉదయం లేవగానే మీ భాగస్వామికి నవ్వుతూ గుడ్‌ మార్గింగ్ చెబితే వాళ్లు ఎంతో సంతోషిస్తారు. హగ్ ఇవ్వడం, కిస్ చేయడం, శరీరాన్ని తాకడం లాంటివి చేస్తూ గుడ్ మార్నింగ్ లాంటి విషెస్ చెబితే రోజు ఆహ్లాదకరంగా ఎందుకు మొదలు కాదు చెప్పండి.

కాంప్లిమెంట్స్

కాంప్లిమెంట్స్ ఆనందాన్ని, సెరోటోనిన్‌ను పెంచుతాయని నిరూపించబడింది. కాబట్టి, మీరు మీ భాగస్వామిని వారి రోజు ప్రారంభంలో అభినందించినట్లైతే, అది స్వయంచాలకంగా వారిని ఉత్సాహపరుస్తుంది. వారికి మంచి ప్రారంభాన్ని ఇస్తుంది. కాంప్లిమెంట్స్ ద్వారా మీరు మీ భాగస్వామిని ఎంతగా ప్రేమిస్తున్నారో కూడా చెప్పవచ్చు.

కాఫీ అండ్ లవ్

త్వరగా నిద్రలేచి, కలిసి అల్పాహారం చేయడం అలవాటు చేసుకోండి. కాఫీ, టిఫిన్, టోస్టు లాంటివి ఇద్దరూ కలిసి తయారు చేయండి. వంట పూర్తి అయిన తర్వాత దంపతులు ఇద్దరూ కలిసి తినండి. ఇలాంటి చిన్న చిన్న పనులే దంపతుల మధ్య బంధాన్ని బలోపేతం చేస్తాయి. వారి మధ్య ప్రేమను పెంచుతాయి.

ఐ కాంటాక్ట్

భాగస్వామిని చూడటం నేర్చుకోండి. అదేంటి చూడటం కూడా నేర్చుకోవాలా అని అనుకోవద్దు. వారు మాట్లాడుతున్నప్పుడు, వారితో మీరు మాట్లాడుతున్నప్పుడు వారి ముఖం చూసి, కళ్లల్లో చూస్తూ మాట్లాడటం అలవాటు చేసుకోవాలి. ఇది వారిపై మీకు ఉన్న ప్రేమను, బంధాన్ని చూపిస్తుంది. మీరు ఏటో చూస్తూ మాట్లాడటం, వారు మాట్లాడుతున్నప్పుడు పట్టించుకోనట్లుగా ఏటో చూస్తూ ఉండటం వల్ల వారిని మీరు పట్టించుకోవట్లేదని, గౌరవం ఇవ్వట్లేదని అనిపించే అవకాశం ఉంది.

మీరు వారికి లవ్యూ చెబుతున్నప్పుడు లేదంటే ఏదైనా ముఖ్యమైన విషయంలో చెబుతున్నప్పుడో కళ్లల్లోకి చూస్తూ మాట్లాడండి.

జోకులు

నవ్వుతూ ప్రారంభించడం కంటే ఒక రోజును మొదలు పెట్టేందుకు ఇంకేం కావాలి. నవ్వు 40 విధాలుగా మేలు చేస్తుందని అంటారు. నవ్వడం వల్ల ఆనందాన్ని కలుగజేసే హార్మోన్ విడుదల అవుతుందని అధ్యయనాలు చెబుతున్నాయి. ఇది మంచి మూడ్‌ను తీసుకువస్తాయని అంటారు. కాబట్టి చిన్న జోకులు వేయడానికి, భాగస్వామిని నవ్వించడానికి ప్రయత్నించండి.

వ్యాయామం

ఇద్దరు వేర్వేరు వ్యాయామాలు చేస్తున్నప్పటికీ కలిసి జిమ్‌కు వెళ్లడమో లేదంటే ఇంట్లోనే కలిసి వర్కవుట్స్ చేయడమో చేస్తుంటే ఇద్దరి మధ్య సాన్నిహిత్యం పెరుగుతుంది. బంధం బలోపేతం అవుతుంది.

తరచూ తాకడం

మీ భాగస్వామిని తాకే అవకాశం వస్తే అస్సలే వదులుకోవద్దు. ఉదయం లేవగానే ఆఫీసుకు వెళ్లాలన్న తొందర, స్నానం, రెడీ కావడం, అల్పాహారం చేయడం, లంచ్ బాక్స్ సిద్ధం చేసుకోవడం ఇలాంటి చాలా పనులతో ఉదయం అంతా హడావిడిగా ఉంటుంది. అలాంటి సమయంలో మీ భాగస్వామిని తాకే అవకాశం వస్తే అస్సలే వదులుకోవద్దు.

ఏదైనా పని చేస్తున్నప్పుడో, మీరు ఏదైనా పని చేస్తున్నట్లుగా నటిస్తూనో మీలోని రొమాంటిక్‌ యాంగిల్‌ను బయటకు తీయండి. కొద్దిగా రొమాంటిక్‌గా మారండి. ఇలాంటి చిన్న చిన్న పనులే మీకు వారిపై ఉన్న ఇష్టాన్ని, ప్రేమను వ్యక్తం చేస్తాయి. కాబట్టి భాగస్వామి విషయంలో అవకాశవాదిలా మారడంలో తప్పులేదు.