మీకు ఈ అలవాట్లు ఉంటే మిమ్మల్ని ఇష్టపడే వారు కూడా ద్వేషించుకుంటారని మీకు తెలుసా...

సెల్ ఫోన్ వాడకం..

మీరు ఎవరితో ఫోన్ మాట్లాడటం ప్రారంభించినప్పుడు, మీకు అవతలి వారి మాటలపై ఏదైనా విషయంలో కోపం వస్తే, వారు కోపంగా మాట్లాడిన సమయంలో మీరు కూడా అలాగే మాట్లాడితే, ఇతరులు కూడా మీపై కోపం తెచ్చుకుంటారు. కారణం ఏమైనప్పటికీ, ఇలా చేయడం వల్ల ఇతరులకు మీపై గౌరవం తగ్గిపోతుంది. ఆశ్చర్యకరంగా అగౌరవం పెరుగుతుంది. కానీ మీరు శత్రువులను గౌరవిస్తే మాత్రం వారు కూడా మిమ్మల్ని ఇష్టపడతారు.

విచారకరమైన కథలు..

మీరు వ్యక్తిగతంగా ఎవరిని కలుసుకున్నా, మీ రహస్యాలను మీరు ఎంత పంచుకున్నా, మీరు స్నేహితులతో మీరు ఎంత సన్నిహితంగా ఉన్నా సరే అదంతా ఒక పరిమితిలో ఉండాలి. ఇందుకోసం కొంత సమయం సైతం కేటాయించండి. ప్రతిసారి మీ విచారకరమైన కథలు చెప్పే బదులు, వారి ఆందోళన గురించి మీరు దృష్టి పెట్టాలి. ఎల్లప్పుడూ మీ గురించి మీరు మాట్లాడటం మీతో ఉన్న వారికి బాధ కలిగిస్తుంది. దీని వల్ల మీపై ద్వేషం పెంచుకునే అవకాశం ఉంది.

గాసిప్స్...

మీరు తరచుగా పుకార్లను, గాసిప్స్ ను వ్యాపింపచేస్తే అది మీకు మంచిగా ఉండదు. గాసిప్స్ కు కూడా ఒక పరిమితి అనేది కచ్చితంగా ఉంటుంది. పెద్దవారు అయితే వాటి గురించి కొంత ఆలోచించి చర్చిస్తారు. మిగిలిన వ్యక్తులు ఇలాంటి సంఘటనలను హర్షించరు. అందుకే మీరు ఇతరుల గురించి గాసిప్స్ చెప్పడం వల్ల కూడా మిమ్మల్ని ద్వేషిస్తారు.

క్లారిటీ లేకుండా ఉండటం..

మీరు ఏదైనా విషయం గురించి ఇతరులతో చర్చించే సమయంలో మీరు క్లారిటీ లేకుండా ఉంటే, మీ అభిప్రాయాన్ని ఎవ్వరూ గౌరవించరు. ఎందుకంటే ఏదైనా విషయం చెప్పేటప్పుడు మీరు ఎప్పుడైతే క్లారిటీగా ఉంటారో అప్పుడే మీ మాటను ఇతరులు గౌరవిస్తారు. మీ మాటలను వింటారు. అయితే ఇతరులు చెప్పే ప్రతి దానితో మీరు ఏకిభవించాల్సిన అవసరం లేదు. కానీ వారు మాటలను వినడం మంచిది. ఇలా చేయకపోతే మిమ్మల్ని ఎవ్వరూ ఇష్టపడరు.

ఆసక్తి లేకపోవడం..

మీరు ఏదైనా విషయం గురించి మాట్లాడటం ప్రారంభించినప్పుడు ఇతరులు మీ మాటల పట్ల ఆసక్తి చూపకపోవచ్చు. అయితే మీరు వాటిని పట్టించుకోకూడదు. కానీ మీరు ఇతరుల చర్చలో మీరు ఆసక్తి చూపకపోయినా పర్వాలేదు కానీ, వారు ఏదైనా చెబితే విని విననట్టు నటిస్తే అలాంటి సమయంలో మిమ్మల్ని ఇతరులు ద్వేషిస్తారు.

గొప్పలు చెప్పుకోవడం..

ప్రస్తుత సమాజంలో అత్యంత మందికి ఉన్న ఒక పెద్ద చెడ్డ అలవాటు గొప్పలు చెప్పుకోవడం. మీరు ఎంతటి మంచి వారు అయినా, మీరు ఎంత నాలెడ్జ్ ఉన్నా సరే, మీరు ఇతరుల వద్ద ఎప్పుడైతే గొప్పలు చెప్పుకుంటారో అప్పుడు ఆటోమేటిక్ గా ఇతరులు మిమ్మల్ని ద్వేషించేలా చేస్తుంది.