రిలేషన్ లో భరించలేని, భరించకూడని 10 విషయాలు..!

హింస

రిలేషన్ లో హింసను మాత్రం భరించకూడదు. మహిళ నుంచి అయినా, మగవాళ్ల నుంచి అయినా హింసను మాత్రం సహించకూడదు.

నిందించడం

శారీరకంగా హింసించినప్పుడు శరీరంపై గాయాలు ఉంటాయి. కానీ ఎమోషనల్ గా నిందించినప్పుడు దాని నుంచి కోలుకోవడం చాలా కష్టంగా ఉంటుంది. దాన్ని గుర్తించడం కూడా కష్టమే. చాలామందికి వాళ్లు ప్రతిరోజూ భరిస్తున్నారని తెలియదు. కాబట్టి ఇలాంటివి మొదట్లోనే గుర్తించాలి.

చీటింగ్

రిలేషన్ బలంగా ఉండాలంటే.. నమ్మకం అనేది పునాది లాంటిది. ఒకసారి ఇది బ్రేక్ అయింది అంటే.. మీ భాగస్వామిని మరోసారి నమ్మడం కష్టమవుతుంది. ఒకసారి మోసం చేసిన వ్యక్తిని మళ్లీ నమ్మడం చాలా కష్టమవుతుంది. వాళ్లు మారతారని మళ్లీ నమ్మకం కూడా ఉండదు.

ఫోర్స్డ్ సెక్స్

చాలామంది మ్యారిటల్ రేప్ అనే పదం విని ఉండరు. చాలామంది భర్తకు ఎప్పుడు కావాలంటే.. అప్పుడు భార్య రెడీగా ఉండాలని భావిస్తారు. కానీ.. వద్దు అనడానికి మీకు హక్కు ఉంటుంది. కాబట్టి మీరు ఇలాంటి పరిస్థితిని ఎదుర్కొంటున్నారంటే.. ఖచ్చితంగా చెప్పేయాలి.

దూకుడు స్వభావం

కొన్నిసార్లు చాలా మంది నిర్లక్ష్యం చేస్తారు. సహనం కోల్పోయినప్పుడు ఇలాంటి పరిస్థితిని ఓర్చుకోవడం కష్టమవుతుంది. అరవడం, తిట్టడం, కామెంట్స్ ఇలాంాటి మాటలను భరించడం కష్టంగా ఉంటుంది. వీటిని రిలేషన్ లో ఏమాత్రం భరించలేనివి.

బాడీ షేమింగ్

మీ ఫ్రెండ్ ముందు మీ భాగస్వామి ఫ్యాట్ గా కనిపిస్తున్నారా ? అప్పుడు మీ గురించి, మీరు కనపడే విధానం గురించి వాళ్లు హేళన చేసి మాట్లాడుతున్నారా ? ఇలాంటప్పుడు చాలా షేమింగ్ గా అనిపిస్తుంది. ఇలాంటి సందర్భాల్లో సహించడం ఎవరి వల్లా కాదు.

ప్రాధాన్యత

మీ భాగస్వామి మీకు మొదటి ప్రాధాన్యత ఇవ్వడం లేదంటే.. ఎవరూ భరించలేరు. మీ భాగస్వామి మీకున్న ఉన్న కమిట్ మెంట్స్ కి ప్రాధాన్యత ఇవ్వడం లేదంటే భరించడం చాలా కష్టంగా ఉంటుంది.

కంట్రోల్

మీరు ఎవరినైనా ప్రేమిస్తున్నారంటే.. మీ పేరెంట్స్, ఫ్రెండ్స్ ని వదులుకోవాల్సిన అవసరం లేదు. ఇలాంటి విషయాలు మీ రిలేషన్ లో ఎదురవుతున్నాయంటే.. ఖచ్చితంగా వాటి గురించి క్లియర్ గా మాట్లాడాలి. వీటిని సహించడం చాలా కష్టం.

మీ ఆశయాలను తప్పుదోవ పట్టించడం

మీ ఆశయాలు, మీ డ్రీమ్స్ ని పట్టించుకోని, గౌరవం ఇవ్వని భాగస్వామిని భరించడం చాలా కష్టం. ఒకవేళ మీ లక్ష్యాలను నెరవేర్చుకోవడానికి మీ పార్ట్ నర్ ఇష్టపడటం లేదంటే.. రిలేషన్ ని వదులుకోవడమే బెటర్. లేదంటే.. ఇద్దరు కూర్చుని క్లియర్ గా మాట్లాడుకోవాలి.

అపద్ధాలు

పైపైన చెప్పే అపద్ధాలను ఎట్టిపరిస్థితుల్లో నమ్మకండి. హెల్త్, ఫ్యామిలీ బ్యాక్ గ్రౌండ్, ఆర్థిక విషయాల్లో అపబ్ధాలు చెబితే.. సహించడం కష్టం. కాబట్టి ఈ విషయాల్లో ఎప్పటికీ భాగస్వామితో అపద్ధాలు చెప్పకండి.