కరోనా నుండి కోలుకున్న వెంటనే ఆ కార్యంలో పాల్గొనొచ్చా?

మగవారి వీర్యంలో..

కొన్ని పరిశోధనల్లో కొందరు శృంగారం వల్ల కరోనా వైరస్ రాదని తేలింది.. కానీ ఇతర పరిశోధనల్లో మాత్రం మగవారి వీర్యంలో కరోనా వైరస్ ను కనుగొన్నట్లు నిపుణులు చెబుతున్నారు.

కరోనా సోకితే..

అయితే కరోనా మహమ్మారి విలయతాండవం చేస్తున్నప్పటి నుండి ఇప్పటివరకు చాలా మంది కరోనా రానివారు దీని గురించి ఆన్ లైనులో తెగ అన్వేషించారు. ఎలాంటి జాగ్రత్తలు తీసుకోవాలో తెలుసుకునే ప్రయత్నం చేశారు. ఇదిలా ఉండగా కరోనా సోకిన వారి పరిస్థితి ఏంటి? ఒక వ్యక్తి కరోనా బారిన పడి కోలుకున్న తర్వాత మళ్లీ శృంగారంలో పాల్గొనాలంటే ఎంతకాలం వేచి ఉండాలి అనే విషయాలను కూడా తెలుసుకుందాం.

సుమారు 30 రోజుల వరకు..

ఈ అంశంపై కూడా ఓ సంస్థ పరిశోధనలు చేసింది. వారి పరిశోధన ప్రకారం కరోనా నుండి కోలుకున్న వెంటనే శృంగారంలో పాల్గొంటే చాలా ప్రమాదకరమంట. అందుకనే కరోనా నుండి కోలుకున్న వ్యక్తులు కలయికలో పాల్గొనేందుకు కనీసం 30 రోజుల పాటు గ్యాప్ ఇవ్వాలని నిపుణులు చెబుతున్నారు.

భాగస్వామికి కరోనా..

కరోనా సోకిన వ్యక్తికి సుమారు 30 రోజుల పాటు వారి శరీరంలో కోవిద్ లక్షణాలకు సంబంధించిన ఆనవాళ్లు ఉండే అవకాశం ఉందని, ఆ సమయంలో వారు కలయికలో పాల్గొంటే, దాని వల్ల వారి భాగస్వామికి కూడా ఈ మహమ్మారి సోకే ప్రమాదం ఉందని హెచ్చరిస్తున్నారు.

16 శాతం మంది..

ఈ విషయంపై థాయిలాండ్ దేశంలో కరోనా మహమ్మారి నుండి కోలుకున్న సుమారు 38 మంది వ్యక్తులకు సంబంధించిన వీర్యాన్ని సేకరించి పరిశోధనలు చేశారు. వీరిలో 16 శాతం మంది వీర్యంలో కరోనా వైరస్ ఉన్నట్లు గుర్తించారు.

నెల రోజుల తర్వాత..

వీరందరినీ 30 రోజుల పాటు పరిశీలించామని.. వీరు కరోనా నుండి కోలుకున్న నెల రోజుల తర్వాత వీరిలో కరోనా వైరస్ లక్షణాలు ఏమీ కనబడలేదని పరిశోధకులు చెబుతున్నారు. అందుకనే కరోనా సోకిన వారు ఆ కార్యంలో పాల్గొనేందుకు కనీసం ఒక నెల రోజులు దూరంగా ఉండాలి.

కండోమ్ బెటర్..

అయితే నెలరోజుల తర్వాత కలయికలో పాల్గొనేవారు కండోమ్ వాడటం బెటర్ అని నిపుణులు చెబుతున్నారు. ఒక భాగస్వామికి కరోనా లక్షణాలు కనబడితే.. మీరు ముందు జాగ్రత్తలు తీసుకోవడం కూడా చాలా మంచిది.

శృంగారం వల్ల..

అయితే మీరు ఒక్క విషయం గుర్తుంచుకోవాలి. కరోనా శృంగారం వల్ల రాదు. కానీ మీ భాగస్వామికి అలాంటి లక్షణాలు ఉంటే.. వారితో మీరు సాన్నిహిత్యంగా ఉండటం.. కిస్ చేయడం వంటి పనుల వల్ల మీరు కూడా కరోనా బారిన పడే అవకాశం ఉంది.

శృంగారానికి దూరంగా..

ఒకవేళ కరోనా లక్షణాలున్నాయని అనుమానం ఉంటే కూడా, మీరు శృంగారానికి దూరంగా ఉండటం మంచిది. ముఖ్యంగా మీరు ముద్దులకు ఎంత దూరంగా ఉంటే, అంత మంచిదని నిపుణులు చెబుతున్నారు.