‘పెళ్లి జరిగి పదిరోజులవుతున్నా.. నన్ను తాకనివ్వడం లేదు...’

ఏవేవో ఊహాలు..

హాయ్ ‘నా పేరు రాజేష్ (పేరు మార్చాం). చాలా కాలం తర్వాత నాకు పెళ్లి జరిగింది. నాకేమో కోరికలు చాలా ఎక్కువ. ప్రస్తుతం నేను నా భాగస్వామితో ఎంజాయ్ గురించి ఎన్నెన్నో ఊహించుకున్నాను. ఏవేవో కలలు కన్నాను. అయితే తను మాత్రం ప్రతిరోజూ ఏదో ఒక కారణం చెప్పి నా నుండి దూరం వెళ్తోంది.

ఇలాగే గడపాలా?

ప్రస్తుతం మా పెళ్లి జరిగి పది రోజులు పూర్తయ్యింది. ఎందుకని తను నా నుండి దూరంగా వెళ్తోందో అర్థం కావట్లేదు. ఇంతకీ సమస్య తనలోనేనా? లేదా తనకు ఏదైనా భయం ఉందా అర్థం కావట్లేదు. పడకగది నుండి బయటికొచ్చేసరికి బంధువులు మాత్రం నేనేదో సాధించినట్లు ఓర చూపులు చూస్తున్నారు. ఇక పెద్దవారైతే తమకు మనవడిని లేదా మనవరాలిని ఎప్పుడిస్తున్నావంటూ ఒకటే గోల పెడుతున్నారు. కానీ తను మాత్రం నన్ను తాకనివ్వడం లేదు. నాకు తనతో లైఫ్ మొత్తం ఇలాగే గడపాలా? అనే సందేహం కలుగుతోంది' అంటూ తన సమస్య చెప్పుకున్నాడు.

అంత సులభం కాదు..

మనలో చాలా మంది ఆ కార్యంలో పాల్గొనడం చాలా సులభం అని భావిస్తూ ఉంటారు. కానీ అది అంత సులభం కాదు. ఎందుకంటే చాలా మంది జీవితాల్లో ఇలాంటివే ఎక్కువగా రిపీట్ అవుతూ ఉంటాయి. అయితే ఈ పరిస్థితి నుండి బయటపడటానికి కొన్ని రకాల మార్గాలున్నాయి. వాటిని ప్రయత్నిస్తే చాలు.. మీ సమస్యకు పరిష్కారం తప్పక లభిస్తుంది.

మీరే చొరవ తీసుకోవాలి..

మీ భాగస్వామి మీతో ఆ కార్యానికి సిద్ధంగా ఉన్నారా లేదా అనే విషయాలను తెలుసుకునేందుకు ముందుగా మీరే చొరవ తీసుకోవాలి. ముందుగా మీ భార్య మిమ్మల్ని ఇష్టపడుతుందా లేదా అనే విషయాన్ని తెలుసుకోవాలి. అందుకోసం మీరే చొరవ తీసుకుని తనతో ప్రేమగా ఉండటం ప్రారంభించాలి.

మంచిగా మాట్లాడాలి..

ముందుగా మీరు తనతో చాలా ప్రేమగా మాట్లాడాలి. తనతో చాలా విభిన్నంగా ప్రవర్తించాలి. అలా నెమ్మదిగా శృంగార విషయాల్లోకి తీసుకెళ్లాలి. తనకు ఏమంటే ఇష్టం.. ఏమంటే ఇష్టం లేదనే విషయాల గురించి తెలుసుకోవాలి. తనకు మీలో నచ్చనవాటిని వదిలేస్తానని చెప్పాలి. అలా తనతో సాన్నిహిత్యం పెంచుకునే ప్రయత్నం చేయాలి. తనతో భావోద్వేగ బంధాన్ని ఏర్పరచుకోవాలి.

ఒత్తిడి వల్ల..

కొన్నిసార్లు ఏదైనా విషయంలో ఒత్తిడి వల్ల అమ్మాయిలు శారీరకంగా కలవడానికి ఇష్టపడకపోవచ్చు. లేదా వారికి కోరికలు తక్కువగా ఉండటం వల్ల ఆ కార్యంపై ఆసక్తి చూపకపోవచ్చు. లేదా తను ఏదైనా శృంగార పరమైన సమస్యలతో ఇబ్బంది పడుతుందా అనే విషయాల గురించి తెలుసుకోవాలి. అప్పటికీ తను మీకు కోఆపరేట్ చేయకపోతే నిపుణులను సంప్రదించడం మంచిది.