Shikhar Dhawan Divorce;భార్యకు విడాకులిచ్చిన స్టార్ బ్యాట్స్ మెన్.. 9 ఏళ్ల వివాహ బంధానికి వీడ్కోలు..

బ్రేకప్ ఆలోచనలు..

ఒకప్పుడు భార్యభర్తల బంధం అంటే.. జీవితాంతం బలంగా ఉండేవి. ఆలుమగలిద్దరూ కలకాలం ఆనందంగా జీవించేవారు. అయితే ప్రస్తుతం భార్యభర్తలు బంధాలు చాలా బలహీనంగా ఉంటున్నాయి. ఇవి చాలా సున్నితంగా ఉంటున్నాయి. కొన్నిసార్లు మనకు నచ్చిన వ్యక్తి జోడిగా దొరికినట్టు అనిపిస్తుంది. కానీ కొంత కాలం గడిచాక, అదే వ్యక్తితో విభేదాలు పడాల్సి వస్తుంది. దీంతో విడిపోవాలనే ఆలోచనలు వస్తుంటాయి.

సాన్నిహిత్యం లేకపోవడం..

చాలా మంది జంటలు తమ మధ్య బంధం బలంగా లేకపోవడానికి ప్రధాన కారణం ఆలుమగల మధ్య సాన్నిహిత్యం లేకపోవడం. కొన్ని సందర్భాల్లో వారి బంధం అచేతన స్థితిలోకి వెళ్లిపోతుంది. అది ఎంతలా అంటే చలనం లేని నీళ్ల మాదిరిగా మారిపోతుంది. దీంతో తామిద్దరం ఇక కలిసి జీవించలేమని భావిస్తారు. వెంటనే విడాకులు తీసుకుని విడిపోతూ ఉంటారు.

తరచుగా గొడవలు..

భార్యభర్తలు అన్నాక ఏదో ఒక సందర్భంలో గొడవలు అనేవి జరుగుతూ ఉంటాయి. కొన్నిసార్లు అలాంటి గొడవల వల్ల బంధం మరింత బలోపేతమవుతుంది. కానీ తరచుగా గొడవలు జరిగితే మాత్రం వారి మధ్య బంధం క్షీణించిందని అర్థం చేసుకోవచ్చు. కొన్ని సందర్భాల్లో మాట మాట పెరిగి భౌతిక దాడులు కూడా చేసుకునేంత దూరం వెళ్తుంది. ఈ నేపథ్యంలో జంటలు తమ బంధానికి బ్రేకప్ చెప్పాలనుకుంటాయి.

ఆర్థిక ఇబ్బందులు..

కొందరు జంటలు ప్రేమించి పెళ్లి చేసుకుంటారు. ఆవేశంలో అమ్మనాన్నలను ఎదిరించి.. పెద్దలను పట్టించుకోకుండా పెళ్లి చేసుకుని ఆనందంగా జీవించొచ్చని భావిస్తారు. కానీ పెళ్లి చేసుకున్నాక అసలు సమస్య మొదలవుతుంది. ముందుగా ఆర్థిక ఇబ్బందులు ప్రారంభమవుతాయి. ఎంత సంపాదించినా.. ఏదో ఒక ఖర్చు పెరుగుతూనే ఉంటుంది. ఖర్చులు, పొదుపు విషయంలోనూ భార్యభర్తల మధ్య గొడవలు రావొచ్చు. ఇలాంటి సమయంలో పంతాలకు పోయి తమ బంధానికి గుడ్ బై చెబుతుంటారు.

సుఖం దక్కకపోతే..

ఆలుమగల మధ్య అనుబంధం పెరగాలంటే.. పడకగదిలో ఆ కార్యం కీలక పాత్ర పోషిస్తుంది. ఎవరైతే తమ భాగస్వామిని పడకగదిలో సుఖపెడతారో అలాంటి వారి మధ్య బంధం బలపడే అవకాశం ఎక్కువగా ఉంటుంది. అయితే ఎవరైతే తమ భాగస్వామిని సుఖపెట్టడంలో విఫమలవుతారో.. అక్కడి నుండే అసలు సమస్య మొదలవుతుంది. ఈ నేపథ్యంలోనే తమ భాగస్వామి నుండి దూరం కావాలని భావిస్తారు.

ఇతరులపై ఆసక్తి..

భార్యభర్తల్లో చాలా మంది పెళ్లై పిల్లలు పుట్టాక.. ఇద్దరిలో ఎవరో ఒకరికి ఆ కార్యంపై ఆసక్తి తగ్గిపోతుంది. అందుకే పని ఒత్తిడి, ఇతర కారణాలు అనేకం ఉంటాయి. ఈ నేపథ్యంలోనే కొందరికి అనుకోకుండా ఇతరులపై ఆసక్తి పెరుగుతుంది. ఆ సమయంలో తమ భాగస్వామి దగ్గర లేకపోవడం.. ఇతరులపై మోజు పెరగడం వల్ల ప్రస్తుత భాగస్వామికి దూరంగా ఉండాలని భావిస్తారు. ఇలాంటి కారణాలతో తమ వివాహ బంధానికి వీడ్కోలు చెప్పాలని భావిస్తారు.