Latest Updates
-
కార్తీకమాసం స్పెషల్.. ఘుమఘుమలాడే అసలైన బ్రాహ్మిణ్ స్టైల్ సాంబార్ మీ ఇంట్లోనే చేసుకోండిలా.. -
చలికాలంలో ఆరోగ్యానికి మేలు చేసే..విటమిన్ C, ప్రోటీన్లు మెండుగా ఉండే ఉసిరి కరివేపాకు పొడి ఎలా చేసుకోవాలంటే.. -
ప్రపంచంలోనే అత్యంత ఖరీదైన ఉప్పు ఇదే.. ధర ఎంతో తెలుసా..? -
గంటల సమయం పట్టకుండా.. కేవలం 20 నిమిషాల్లోనే రుచికరమైన నిమ్మకాయ పచ్చడి చేసుకోండిలా! -
రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్మెంట్ కి తీసుకెళ్లిన తండ్రి.. వీడియో వైరల్ -
మేఘన చికెన్ బిర్యానీ.. అస్సలు మిస్ అవ్వకండి! -
కేవలం వారం రోజుల్లో బరువు తగ్గడం ఎలా? ఈ సింపుల్ టిప్స్ పాటిస్తే చాలు.. -
బరువు తగ్గడానికి, షుగర్ కంట్రోల్ కు బెస్ట్..ఇంట్లోనే హై ప్రోటీన్ చపాతీ చేసుకోండిలా.. -
చలికాలంలో జలుబు, దగ్గు దరిచేరనివ్వని..ఇమ్యూనిటీని రెట్టింపు చేసే ఉసిరి చ్యవన్ ప్రాష్ ఎలా చేసుకోవాలంటే.. -
శీతాకాలపు పార్టీల్లో అతిగా తిని, తాగుతున్నారా? తీవ్రమైన ప్యాంక్రియాటైటిస్ ముప్పు!
ఆషాఢం అంటేనే అందరికీ అదే గుర్తొస్తుంది... అయితే అదొక్కటే కాదు.. ఇంకా ఎన్నో ప్రత్యేకతలున్నాయి...
ఆషాఢ మాసం యొక్క ప్రాముఖ్యత మరియు విశేషాలేంటో ఇప్పుడు తెలుసుకుందాం...
తెలుగు నెలలన్నీ ప్రకృతితో అనుబంధంగా ఉంటాయి. హిందూ క్యాలెండర్ కూడా రుతువుల ఆధారంగా, నక్షత్రాల ఆధారంగా నిర్ణయించబడుతుంది.

అలా పూర్వ ఆషాఢ నక్షత్రంలో పౌర్ణమి ఉన్న నెలను 'ఉత్తర ఆషాఢ' మాసంగా చెబుతారు పండితులు. ఈ ఆషాఢ మాసాన్ని శూన్య మాసం అని కూడా అంటారు. ఈ కాలంలో వర్షాలు ఎక్కువగా కురుస్తాయి.

ఈ మాసంలో నదీ, సముద్ర స్నానం చేయడం.. దానం చేయడం.. జపం, పారాయాణాలు వంటివి చేయడం వల్ల ఎన్నో ఫలితాలు లభిస్తాయని చాలా మంది నమ్ముతారు. అలాగే ఈ మాసంలో పాదరక్షలు, గొడుగు, ఉప్పును దానం చేస్తే మంచి ఫలితాలు వస్తాయి.

ఈ ఆషాఢ మాసంలోనే దక్షిణాయానం కూడా ప్రారంభమవుతుంది. కర్కాటకంలోని సూర్యుడు ప్రవేశించిన కాలంలోనే ఇది ఆరంభమవుతుంది. అంటే సూర్యుడు ఈ రాశిలో ప్రవేశించినప్పటి నుండి తిరిగి మకర రాశిలోకి ప్రవేశించే వరకు దక్షిణ యానం అంటారు. ఈ సమయంలో సూర్యుడు భూమధ్య రేఖకు దక్షిణంగా సంచరిస్తాడు. ఇది మన పూర్వీకులైన తండ్రులకు చాలా ఇష్టమైన సమయం అని పురాణాల ద్వారా తెలుస్తోంది. ఈ మాసంలో ఇంకా ఏయే ప్రత్యేకతలున్నాయో ఇప్పడు తెలుసుకుందాం...

వ్యాస పూర్ణిమ..
ఈ ఆషాఢ మాసంలోనే త్రిమూర్తి స్వరూపుడైన గురువుని ఆరాధించే పర్వదినం గురు పూర్ణమి కూడా వస్తుంది. దీనినే వ్యాస పౌర్ణమి అని కూడా అంటారు. అలాగే ఆషాఢ శుద్ధ విదియ నాడు పూరీ జగన్నాథ, బలభద్ర, సుభద్ర రథయాత్ర కూడా జరుగుతుంది.

బోనాల ఉత్సవాలు..
ఈ ఆషాఢ మాసంలోనే తెలంగాణ రాష్ట్రంలో సంప్రదాయ పండుగ అయిన బోనాల ఉత్సవాలను భక్తులందరూ ఎంతో భక్తి శ్రద్ధలతో జరుపుకుంటారు. మహంకాళి అమ్మవారి కోసం తయారు చేసే భోజనాన్ని బోనంగా చెప్తారు. దీనిని అమ్మవారికి నివేదన చేసే పర్వదినాన్నే బోనాలు అంటారు.

అనారోగ్య మాసం..
ఆషాఢ మాసాన్ని అనారోగ్య మాసం అని కూడా అంటారు. అందుకే వాటి నుండి తమను కాపాడమని భక్తులందరూ అన్నం, బెల్లం, పెరుగు, పసుపు నీళ్లు, వేపాకులు ఈ బోనం కలిపి అమ్మవారికి సమర్పిస్తారు. ఇలా చేయడం వల్ల తాము అనారోగ్యం నుండి బయటపడతామని వారి నమ్మకం.

తేడా లేని రాత్రి, పగలు
ఈ ఆషాఢంలోని సప్తమిని భాను సప్తమి అని అంటారు. సూర్యుడు ఉత్తరం నుండి దక్షిణం దిశకు పయనిస్తూ మూడు నెలల తర్వాత మధ్యలో చేరుకుంటారు. ఆ రోజున పగలు, రాత్రి అనే తేడా లేకుండా సరిసమానంగా ఉంటాయి.

మతత్రయ ఏకాదశి..
ఆషాఢ మాసంలోని వచ్చే ఏకాదశిని తొలి ఏకాదశి అని మరియు శయన ఏకాదశి అని కూడా అంటారు. ఈరోజు చాతుర్మాస వ్రతం ఆరంభమవుతుంది. దీనినే మతత్రయ ఏకాదశి అని కూడా అంటారు.

ఆషాఢ షష్టి రోజున..
ఈ మాసంలో ఆషాఢ శుద్ధ పంచమిని స్కంధ పంచమిగా చెబుతారు పండితులు. అలాగే ఆషాఢ షష్టిని కుమార షష్టిగా చెబుతారు. ఈ పవిత్రమైన రోజున సుబ్రహ్మాణ్య స్వామిని భక్తి శ్రద్ధలతో పూజిస్తారు. ఈరోజున నీటిని మాత్రమే తీసుకుని, కఠినమైన ఉపవాసం ఉండి, తర్వాతి రోజు ఆలయానికి వెళ్లి దర్శించడం వల్ల వ్యాధులన్నీ తొలగిపోయి ఆయురారోగ్యాలు దక్కుతాయని పురాణాల్లో చెప్పబడింది.

అందరికీ గుర్తుకొచ్చేదీ..
ఇవన్నీ ఇలా ఉండగా ఆషాఢ మాసం అంటేనే అందరికీ టక్కున గుర్తొచ్చేది అత్తా, కోడలు ఒకేచోట ఉండరాదు. అలాగే భార్య భర్తలు కూడా కలయికలో అస్సలు పాల్గొనకూడదు. ఈ సంప్రదాయం గురించి చాలా మందికి తెలుసు.

ఎండలకు తట్టుకోలేరని..
ఒక వేళ భార్యభర్తలు ఈ నెలలో కలయికలో పాల్గొని భార్య గర్భం దాలిస్తే.. 9 నెలల తర్వాత డెలివరీ అయ్యే అవకాశం ఉంటుంది. ఈ లెక్కన అది ఛైత్ర మాసం అంటే మార్చి, ఏప్రిల్ మధ్యన వస్తుంది. ఆ సమయంలో ఉండే వేడికి ఎండలకు తల్లీ,బిడ్డ ఇద్దరూ తట్టుకోలేరని భావించి, ఈ నియమాన్ని తీసుకొచ్చారు మన పూర్వీకులు.

ఎంత దూరంగా ఉంటే..
కొత్తగా పెళ్లి చేసుకున్న భార్యాభర్తల మధ్య ప్రేమ చాలా ఎక్కువగా ఉండటం అనేది చాలా సహజమే. ఈ మాసంలో దూరంగా ఉంటే దూరమైనా బాధ వారికి తెలుస్తుంది. దీనర్థం ఎంత దూరంగా ఉంటే అంత ప్రేమ పెరుగుతుందట. ఈ దూరం వల్ల వారి కష్ట సుఖాలు పంచుకుని తర్వాత మరింత అన్యోన్యంగా నవ దంపతులు సుఖంగా జీవిస్తారనే ఒక ఆచారాన్ని తీసుకొచ్చారు. అందుకే మన పెద్దలు చెప్పిన ప్రతి ఒక్క మాటలోనూ ఏదో ఒక పరమార్థం దాగి ఉంటుందని చాలా మంది నమ్మకం.



Click it and Unblock the Notifications
