Maha Shivratri 2023: ఆంధ్రప్రదేశ్‌లోని ప్రసిద్ధ శివాలయాలు, మహా శివరాత్రికి తప్పక వెళ్లండి

శ్రీశైలం మల్లికార్జున ఆలయం:

ఆంధ్రప్రదేశ్ లో శ్రీశైలం మల్లికార్జున ఆలయం చాలా ప్రసిద్ధి చెందింది. శ్రీ భ్రమరాంబికా మల్లికార్జున దేవాలయాన్ని శ్రీశైలం దేవాలయం అంటారు. శ్రీశైలం మల్లికార్జున ఆలయం శివుని 12 జ్యోతిర్లింగాలలో ఒకటి. పార్వతీ దేవి యొక్క 18 శక్తి పీఠాల్లో శ్రీశైలం ఒకటి.

నల్లమల కొండల అద్భుతమైన దృశ్యాలు కనువిందు చేస్తాయి. ప్రధాన మందిరం చుట్టూ అనేక చిన్న దేవాలయాలు ఉంటాయి. ఆలయ సముదాయంలో అనేక మందిరాలు, మండపాలు ఉంటాయి.

శ్రీకాళహస్తి:

శ్రీ కాళేశ్వర ముక్తేశ్వర స్వామి ఆలయాన్ని శ్రీకాళహస్తి ఆలయమని అంటారు. చిత్తూరు జిల్లాలో ఉంటుంది. శివుని అత్యంత పవిత్రమైన పుణ్యక్షేత్రాల్లో ఒకటిగా పరిగణించబడుతోంది. ఈ ఆలయాన్ని కాళా ఋషి నిర్మించాడని చెబుతారు.

శ్రీకాళహస్తి ప్రత్యేకత స్పటిక లింగం. ఈ స్పటిక లింగం సహజంగా ఏర్పడిందని చెబుతారు. దక్షిణ భారత్ లోని అత్యంత ముఖ్యమైన పుణ్యక్షేత్రాల్లో ఒకటి.

శ్రీభీమేశ్వర స్వామి దేవాలయం, ద్రాక్షారామం:

ద్రాక్షారామంలో శ్రీభీమేశ్వర స్వామి దేవాలయం. తూర్పు గోదావరి జిల్లాలో ఉంటుంది. ప్రధాన క్షేత్రాల్లో ఒకటిగా పరిగణించబడుతోంది. పంచారామ క్షేత్రాల్లో ద్రాక్షారామం ఒకటి. పురాణాల ప్రకారం భీముడు ఈ ఆలయాన్ని నిర్మించాడని చెబుతారు. ఆంధ్రప్రదేశ్ లోని అత్యంత ముఖ్యమైనక పుణ్య క్షేత్రాల్లో ఒకటి ఈ శ్రీ భీమేశ్వర స్వామి ఆలయం.

నీలకంఠేశ్వర ఆలయం, అంతర్వేది:

తూర్పుగోదావరి జిల్లాలోని అంతర్వేది నీలకంఠేశ్వర స్వామి దేవాలయం దక్షిణ భారతదేశంలో పవిత్రమైన పుణ్యక్షేత్రం పరిగణిస్తారు. అంతర్వేది వద్ద ప్రకృతి రమణీయత కట్టిపడేస్తుంది. ఇక్కడ ప్రాణహిత పుష్కరిణి చాలా ప్రసిద్ధి చెందినది. ఇక్కడ పుణ్యస్నానాలు ఆచరించి తమ కోర్కెలు నెరవేరాలని శివుడిని ప్రార్థిస్తారు.

కపిల తీర్థం, తిరుమల:

తిరుమల కొండపై ఉంటుంది కపిల తీర్థం. పవిత్రమైన శైవ పుణ్యక్షేత్రాల్లో కపిల తీర్థం కూడా ఒకటి. ఇక్కడి ప్రకృతి రమణీయత ఆకట్టుకుంటుంది. శివుడు కపిల తీర్థం వద్ద వేల సంవత్సరాల పాటు ధ్యానం చేసినట్లు చెబుతారు. ఇక్కడి ప్రశాంతమైన వాతావరణం చాలా మందిని ఆకట్టుకుంటుంది. పిక్నిక్ లు, ప్రకృతి నడకలకు ప్రసిద్ధి చెందిన ప్రదేశం ఇది.