ఎప్రిల్ 2024లో పండగలు, వ్రతాలు, పూజలు, శ్రీరామనవమి, హనుమాన్ జయంతి

ఎప్రిల్ నెలలో విశిష్టమైన హిందూ పండుగలున్నాయ్. తెలుగు నూతన సంవత్సరమైన ఉగాది ప్రారంభమయ్యేది కూడా ఈ నెలలోనే. దీంతోపాటు శ్రీరామ నవమి, హనుమాన్ జయంతి కూడా ఇదే నెలలో జరగనున్నాయ్. హిందువుల పవిత్రపండగలే కాదు ముస్లిముల పవిత్ర పండగైన రంజాన్ కూడా ఇదే నెలలో జరుపోకున్న విషయం తెలిసిందే. పండగలే కాదు.. ఈ నెలలో పవిత్రంగా జరుపుకునే ఇతర వ్రతాలు, ఉపవాసాల గురించి తెలుసుకుందాం.

శీతల అష్టమి:

ఎప్రిల్ 2వ తేదీన శీతల అష్టమిని జరుపుకుంటాం. ఆ రోజున శీతల మాతను పూజింజి దీక్ష తీసుకున్నవారు ఉపవాసం ఉంటారు. శీతల మాతను పూజించి పిల్లలను ఆరోగ్యంగా వుంచాలని కోరుకుంటారు. శీతలమాత ఆశిస్సులు ఉంటే పిల్లలకు ఎలాంటి అనారోగ్యాలు రావని భక్తుల అపార నమ్మకం.

ఏకాదశి:

ఎప్రిల్ 5న ఏకాదశి వస్తోంది. ఆరోజు విష్ణుమూర్తికి పూజ చేసి ఉపవాస దీక్షను ఆచరిస్తే కష్టాలు, బాధలు ఉంటే తొలగిపోతాయ్ సుఖసంతోషాలు కలుగుతాయ్.

చతుర్ధశి శివపూజ:

శివభక్తులు ఈ నెలలో ఎప్రిల్ 7వ తేదీన వచ్చే చతుర్ధశికి ఉపవాసదీక్షను ఆచరిస్తారు. ఇలా చేస్తే ఆ మహాశివుడు తమని కష్టాల నుంచి తొలగిస్తాడని భక్తుల అపార విశ్వాసం.

సోమవతి అమావాస్య:

ఎప్రిల్ 8న సోమవతి అమావాస్యను జరుపుకుంటారు. సోమవారం నాడు అమావాస్య వస్తుంది కాబట్టి ఆరోజును సోమవతి అమావాస్యగా పిలుచుకుంటారు.

రంజాన్:

ముస్లిముల పవిత్ర పండగ రంజాన్ ఎప్రిల్ 12న జరుపుకోనున్నారు. దానికి ముందు రోజు ఎప్రిల్ 11న నెలవంక దర్శనం కానుంది. పంగకి నెల రోజుల ముందు నుంచే ముస్లిములు ఉపవాస దీక్షలు పాటించి ప్రార్థనలు చేస్తారు.

మేష సంక్రాంతి:

ఎప్రిల్ 13న మేష సంక్రాంతి జరుపుకుంటారు. సూర్యుడు మీనం నుంచి మేషంలోకి సంచరిస్తారు. కాబట్టి అదే రోజు మేష సంక్రాంతి జరుపుకుంటారు. స్యుర్య క్యాలెండర్‌ను బట్టి హిందూ నూతన సంవత్సరం ప్రారంభయ్యేది కూడా ఈ మేష సంక్రాంతి నుంచే.

శ్రీరామనవమి:
ఇక చైత్ర నవరాత్రల్లో నవమి రోజున అంటే ఎప్రిల్ 17వ తేదీన శ్రీరామనవమిని భక్తులు జరుపుకోనున్నారు. అయోధ్యలో శ్రీరామనవమి ఉత్సవాలు మందెన్నడూ లేనంత ఘనంగా జరగనున్నాయ్. వీధుల్లో, గుళ్లో శ్రీ సీతారాముల కళ్యాణాలు ఘనంగా జరుపుతారు.

కామద ఏకాదశి:

ఎప్రిల్ 19వ తేదీన కామద ఏకాదశిని జరుపుకుంటారు. చైత్ర మాసంలో శుక్ల పక్షంలో వచ్చే ఏకాదశిని కామద ఏకాదశిగా పిలుస్తారు. ఆరోజు ఉపవాస దీక్షతో విష్ణుమూర్తిని పూజిస్తే సకల శుభాలు జరుగుతాయని భక్తుల నమ్మకం.

శ్రీ హనుమాన్ జయంతి:

హిందువులు ఘనంగా జరుపుకునే పండగల్లో శ్రీ హనుమాన్ జయంతి గురించి ప్రత్యేకంగా చెప్పనవసరం లేదు. హైదరాబాద్‌లో జులూస్‌లు, హనుమాన్ రథయాత్రలు పెద్ద ఎత్తున జరుగుతుంటాయ్. చైత్ర మాసంలో పౌర్ణమి రోజున ఎప్రిల్ 23వ తేదీన హనుమాన్ జయంతిని జరుపుకోనున్నారు.