శివుడికి సోమవారం నాడు బిల్వపత్ర ఆకులు సమర్పించేందుకు గల కారణాలేంటో తెలుసా...

బిల్వ పత్ర ఆకులు...

బిల్వపత్ర ఆకులను చూస్తే బ్రహ్మ, విష్ణు మరియు శివుడు అనే ముగ్గురు త్రిమూర్తులు ఉన్నారని అనేక మంది హిందూ భక్తులు నమ్ముతారు. అలాగే ఈ బిల్వ పత్రాలలో ముందు భాగంలో అమృతం, వెనుక భాగంలో యక్షులు ఉన్నాయి అని కూడా పురాణాలలో పేర్కొనబడింది. అందుకే ఈ మారేడు చెట్టును ఒక దైవంగా భావించి ఆ చెట్టును కూడా అనేక మంది హిందువులు కొలుస్తారు.

శివుడిని ప్రేమించే ఆకులు..

హిందూ పురాణాల ప్రకారం ఈ బిల్వ పత్ర ఆకులు శివుడిని ప్రేమిస్తాయట. దీని గురించి మూలస్కంద పురాణంలో కూడా ప్రస్తావించబడింది. పార్వతీ దేవి చెమట హనీ మందారా పర్వతం మీద పడినప్పుడు ఈ పవిత్రమైన మారెడు చెట్టు పుట్టింది. పార్వతీ దేవి ఈ చెట్టు యొక్క మూలంలో ఉంది. అందుకే ఈ చెట్టు ఆకులు శివుడిని ప్రేమిస్తాయని పురాణాలలో పేర్కొనబడింది.

శివుని అనుగ్రహం..

బిల్వ పత్ర ఆకులతో, ఎంతో భక్తి శ్రద్ధలతో శివుడికి పూజ చేస్తే భక్తుల కోరికలను త్వరగా నెరవేరతాయని అనేకమంది హిందువుల నమ్మకం. హిందూ పురాణాల ప్రకారం శివుడి ప్రత్యేకత ఏంటో తెలుసుకోండి. శివ అనే పేరులోనే ప్రత్యేకమైన అంతరార్థం దాగుంది. ‘శి‘ అంటే శాశ్వత ఆనందం. పురుషుల శక్తి అని, ‘వ‘ అంటే మహిళల శక్తి అర్థం. శివుడిని లింగ రూపంలో పూజించడం వల్ల ఆ వ్యక్తి తన జీవితంలో ఉన్నతస్థాయికి చేరుకుంటారని వేదాలు వివరిస్తాయి.

శివాలయాల వద్ద బిల్వ మొక్కలు...

శివుడిని ఆరాధించే అనేక మంది భక్తులు, శివాలయాల వద్ద బిల్వ మొక్కను ఎక్కువగా పెంచుతారు. బిల్వ చెట్టు శివుని రూపం అని కూడా చాలా మంది నమ్ముతారు. బిల్వ ఆకులు మూడు వేదాలు అని, వాటి కొమ్మలు ఉపనిషత్తులు, బిల్వ పత్ర చెట్టు రాజు అని అనేక మంది హిందువుల నమ్మకం. అలాగే మారెడు చెట్టును ఆరాధిస్తే పేదరికం నుండి విముక్తి లభిస్తుందని పురాణాలలో చెబుతున్నాయి.

బిల్వపత్రంలో ఇవి ఉండకూడదు...

శివుని పూజ కోసం బిల్వపత్ర ఆకులలో తెల్లని మచ్చలు ఉండకూడదు. అలాగే ఆకులు చిరిగిపోయి ఉండకూడదు. అలాగే ఈ బిల్వపత్ర ఆకుల మీద ఎలాంటి పురుగులు ఉండకూడదు. అందుకే శివుని పూజకు ఈ ఆకులను తీసుకునేటప్పుడు వీటిని దృష్టిలో ఉంచుకోవాలి.

బిల్వపత్రాలతో సానుకూల శక్తి...

బిల్వపత్రంలోని మూడు ఆకుల నుండి వచ్చే శక్తి మనకు కూడా లభిస్తుందని పురాణాలు చెబుతున్నాయి. శివతత్వ ఆకుల చివర నుండి వాతావారణంలోకి వ్యాపించి సానుకూల శక్తిని ఇస్తుంది.

బిల్వ పత్రాలతో పాటు...

శివుడికి ఎంతో ఇష్టమైన సోమవారం నాడు బిల్వప్రతాలతో అనేక మంది పూజ చేస్తారు. శివుడికి బిల్వపత్ర ఆకులతో పాటు గంధపు చెక్క, పువ్వులు, పండ్లు, నువ్వులు కూడా సమర్పించవచ్చు. అలాగే శివుడికి పూజ చేసే సమయంలో ‘ఓం నమః శివాయ‘ అనే మంత్రాన్ని జపించాలి. ఈ మంత్రం చాలా శక్తివంతమైనది.

మారెడు చెట్టు ప్రాముఖ్యత...

మారెడు చెట్టు ఎలాంటి వాతావరణంలో అయినా పెరుగుతుంది. ఈ చెట్టు కరువు కాటకాలతో సంబంధం లేకుండా ఎంతటి ఉష్ణోగ్రతను అయినా తట్టుకుని పెరుగుతుంది. ఈ చెట్టుకు గల ఆకులను కోసిన తర్వాత ఏడు రోజుల వరకు పాడవకుండా ఉంటాయి. ఇంతటి పవిత్రత గల ఈ పత్రాలను శివలింగం సన్నిధిలో ఉంచితే వాటి పరిమళం, ఔషధి తత్వాలతో భక్తులకు ఆరోగ్యాన్ని అందిస్తాయని పురాణాలలో పేర్కొనబడింది. అంతేకాక వీటి వల్ల ఇంకా ఎన్నో ప్రయోజనాలున్నాయని పేర్కొనబడింది. ఇవి తమ పరిమళంతో చుట్టూ ఉండే వాతావరణాన్ని ఇట్టే మార్చేస్తాయని ఇంతటి విశేషాలున్న మారెడు పత్రాలను శివుడు ఎక్కువగా ఇష్టపడతాడని వేద పండితులు చెబుతున్నారు.

ఈ ఆర్టికల్ మీకు నచ్చినట్లయితే బంధు మిత్రులకు, మీ ప్రియమైన వారికి షేర్ చేయండి. ఇలాంటి అనేక ఆధ్యాత్మిక, ఆరోగ్య, సౌందర్య, జీవనశైలి, ఆహార, లైంగిక, వ్యాయామ, జ్యోతిష్య, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ ఆర్టికల్ పై మీ అభిప్రాయాలను కామెంట్స్ విభాగంలో తెలియజేయండి.