Mahashivratri 2022:ఈ ఏడాది శివరాత్రి ఎప్పుడు, శుభ ముహుర్తం, పూజా విధానాలివే...

శుభ సమయం..

2022 సంవత్సరంలో మార్చి 1వ తేదీన అంటే మంగళవారం నాడు ఉదయం 3:16 నుండి చతుర్దశి తిథి ప్రారంభమవుతుంది. ఆ మరుసటి రోజు అంటే మార్చి 2వ తేదీ బుధవారం ఉదయం 10 గంటలకు పూర్తవుతుంది.

పూజా సమయం..

మహా శివరాత్రి రోజున 2022లో మార్చి 1వ తేదీన మంగళవారం నాడు మొదటి ప్రహార్ పూజా సమయం మార్చి 1, 2022 సాయంత్రం 6:21 గంటల నుండి 9:27 గంటల వరకు ఉంటుంది.

రెండో ప్రహార్ యొక్క ఆరాధన సమయం మార్చి 1వ తేదీ రాత్రి 9:27 నుండి అర్ధరాత్రి 12:23 గంటల వరకు

మూడో ప్రహార్ పూజా సమయం మార్చి 2వ తేదీ అర్థరాత్రి 12:24 నుండి ఉదయం 3:39 గంటల వరకు

నాలుగో ప్రహార్ పూజా సమయం మార్చి 2వ తేదీ 3:40 నుండి ఉదయం 6:45 గంటల వరకు

పారాయణ సమయం : మార్చి 2, బుధవారం ఉదయం 6:45 గంటల తర్వాత

మహా శివరాత్రి పూజా విధానం..

దేవతలు మరియు దేవుళ్లందరిలో పరమేశ్వరుడిని ప్రసన్నం చేసుకోవడం చాలా సులభమని చాలా మంది నమ్ముతారు. కేవలం నీటిని సమర్పించడం ద్వారా పరమేశ్వరుడు సంతోషిస్తాడట. అందుకే శివుడిని బోలేనాథ్ అని కూడా పిలుస్తారు. ఫాల్గుణ మాసంలో వచ్చే మహా శివరాత్రి పండుగ కోసం ప్రతి ఒక్క శివ భక్తుడు ఆసక్తిగా ఎదురు చూస్తుంటారు. ఈ పవిత్రమైన రోజున బ్రహ్మ ముహుర్తంలోనే స్నానం చేయాలి. దీని తర్వాత, పూజా స్థలాన్ని శుద్ధి చేసిన తర్వాత, నీటితో నింపిన కలశం ఏర్పాటు చేయాలి. ఆ తర్వాత శివుడు, పార్వతి విగ్రహాలను ప్రతిష్టించాలి. అనంతరం గంధం, అక్షింతలు, లవంగం, యాలకులు, తమలపాకులు, మోలీ, దాతుర, బేలపత్రం, పాలు, పెరుగు, నెయ్యి, తేనే తదితర వాటిని సమర్పించాలి. అప్పుడు శివుడిని స్మరించుకుంటూ శివునికి హారతి ఇవ్వాలి.

శివ కథలు వింటూ..

మహా శివరాత్రి రోజున ‘ఓం నమః శివాయః' అనే మంత్రాన్ని జపిస్తూ శివునికి అభిషేకరం చేయాలి. చందన లేపనంతో ప్రారంభించి అన్ని ఉపాచారాలతో పరమేశ్వరుడిని పూజించాలి. అగ్నిలో నువ్వులు, బియ్యం, నెయ్యితో కలిపిన అన్నం వేయాలి. ఈ హోమం తర్వాత పూర్ణాహుతి నిర్వహించాలి. అలాగే శివకథలు వింటూ మరోసారి రథ రాత్రి, నాలుగో జాములో మరోసారి ఆహుతులను సమర్పించాలి. మౌనవ్రతం ఉండాలనుకుంటే మరుసటి రోజు సూర్యోదయం వరకూ ‘ఓం నమః శివాయ' మంత్రాన్ని మనసులో స్మరిస్తూ ఉండాలి. ‘పరమాత్మా మీ అనుగ్రహంతో నేను నిర్విఘ్ణ పూజ కొనసాగించి పూర్తి చేశాను అని వేడుకోవాలి.