అంగారకుడు ఎరుపు రంగులో ఉండటానికి గల కారణాలేంటో తెలుసా...

శివుని వరం..

స్కందపురాణాలంలోని అవంతిక ఖండం ప్రకారం తన రక్తం నుండి వందలాది రాక్షసులు పుడతారని అంధకాసురడనే రాక్షసుడికి శివుడు వరం ఇచ్చాడు. అనంతరం భక్తుల బాధలను తొలగించేందుకు పరమేశ్వరుడు తానే స్వయంగా అంధకాసురుడితో యుద్ధం చేశారు. వారిద్దరి మధ్య పెద్ద యుద్ధమే జరిగింది. ఈ పోరాటం శివుని చెమట ధారలుగా ప్రవహించింది. ఆ చెమట వేడి కారణంగా ఉజ్జయినిలో నేల రెండుగా విడిపోయి అంగారక గ్రహం పుట్టింది. ఆ తర్వాత పరమేశ్వరుడు అసురుడిని మట్టుబెట్టి కొత్తగా క్రియేట్ చేసిన అంగారకుడు రాక్షసుని రక్తపు చుక్కలను గ్రహించాడు.

ఎరుపు రంగులో ఎందుకంటే..

ఆ సమయంలో అంగారక భూమి ఎరుపు రంగులో ఉందని చెబుతారు పండితులు. అంతేకాదు.. చాలా దేవాలయాల్లో అంగారకుడిని పరమేశ్వరుని అవతారంగా భావించి ఆరాధిస్తారు. ఇలా అంగారకుడిని ప్రార్థించడం వల్ల ఎవరి జాతకంలో అయినా మంగళ దోషమేదైనా ఉన్నట్లయితే తొలగిపోతుందని నమ్ముతారు. ఫలితంగా భక్తుల విపత్తులన్నింటినీ ఈ ఆలయం గ్రహిస్తుందని విశ్వసిస్తారు. అంగారకుడిని శివుడు-ప్రుధ్వీ పుత్రుడు అని కూడా అంటారు. అందుకే అంగారకుని ఆలయంలో పరమేశ్వరుడిని పూజిస్తారు.

ప్రత్యేక పూజలు..

ముఖ్యంగా అంగారక చతుర్థి రోజు పరమేశ్వరుని ఆలయంలో యజ్ణయాగాదులు నిర్వహిస్తారు. ఈరోజున అంగారకుడిని ఆరాధించడం ద్వారా ఆయన సంత్రుప్తి చెందుతాడు. అంగారకుని శాంతి కోసం చాలా మంది దూర ప్రాంతాల నుండి ఉజ్జయిని నగరానికి వస్తుంటారు.

ఉజ్జయిని ఎక్కడుందంటే..

పైన చెప్పిన ఉజ్జయిని నగరం మధ్యప్రదేశ్ రాష్ట్రంలోని ఆధ్యాత్మిక రాజధాని అయిన ఉజ్జయినిలో ఉంది. ఈ ఆలయాన్ని మంగళనాథ్ దేవాలయమని అంటారు. పురాణాల ప్రకారం ఉజ్జయిని నగరాన్ని అంగారకుడి తల్లి అని పిలుస్తారు. ఈ ఆలయానికి సరిగ్గా పైన ఉన్న ఆకాశంలో అంగారకుడు ఉన్నాడని చాలా మంది విశ్వసిస్తారు. మత్స్యపురాణం, స్కంద పురాణాలలో అంగారకుడి గురించి పూర్తి వివరాలు ఉన్నాయి. వీటి ప్రకారమే అంగారకుడు ఉజ్జయినిలో జన్మించాడు.