నిద్ర విషయంలో పొరపాటు చేస్తే..?

రాత్రి మేల్కొని పగలు నిద్ర పోవడం మంచి పద్దతి కాదు. పగటి నిద్రపోవడం వల్ల జీర్ణ ప్రక్రియలో లోపాలు తలెత్తటంతో పాటు శరీరంలో కొవ్వు శాతం పెరుగుతుంది. సాధ్యమైనంత వరకు రాత్రి 10 గంటలలోపు నిద్రపోవటంతో పాటు, ఉదయం 6 గంటల లోపు నిద్ర లేవాలి. అందంగా ఉండాలన్నా, ఆరోగ్యంగా మెలగాలన్నా నిద్ర విషయంలో ఏమాత్రం ఆశ్రద్ధ వహించకూడదు.

సంపూర్ణ ఆరోగ్యం కోరకునే ప్రతి వ్యక్తి తెల్లవారు ఘామున 4 గంటల తరువాత నిద్రలేవాలి. ఎందుకంటే ఈ సమయంలో ప్రకృతిలో ఆహ్లాదభరితమైన సత్వ కాల స్వభావం ఉంటుంది. ఆ సమయంలో నిద్రలేస్తే శరీరానికి మనసుకు ఎంతో ప్రశాంతత లభిస్తుంది. రాత్రంతా విశ్రాంతి తీసుకున్న శరీరానికి చైతన్య కలుగుతుంది.