వేగంగా నడిస్తే ఆయుష్షు పెరుగుతుందా..?

ఈ నిపుణుల అధ్యయనంలో భాగంగా 65 అంతకన్నా వయసు పైబడిన 34వేల మంది పై పరిశోధన జరిపారు. నడక వేగం ఏటా నిమిషానికి 5 మీటర్లు పెరిగితే జీవితకాలం 12 శాతం పెరుగుతున్నట్లు వీరు గుర్తించారు.

75 నుంచి 84 సంవత్సరాల మధ్య వయసులో ఉంటూ గంటకు 5 కిలోమీటర్లు వేగంతో నడిచే వారిలో 92 శాతం మంది మరో పది సంవత్సరాలు అదనంగా బతికారట. అదే గంటకు 1.5 కిలోమీటర్లు నడిచేవారిలో కేవలం 30 శాతం మాత్రమే ఆ వయసు వరకు జీవిస్తున్నట్లు పరిశోధకులు కనుగొన్నారు.

వేగంగా నడవటం వల్ల శరీరంలోని అన్నిఅవయవాలు చురుకైన పనితీరు కలిగి ఉండటం కారణంగా జీవిత కాలం పెరుగుతుందట. ముఖ్యంగా 65 పై బడినవారు తరచూ తమ నడక వేగాన్నిపరీక్షించుకోవాలని నిపుణులు సూచిస్తున్నారు.