వర్షాకాలంలో ఎటువంటి ఆహారం తీసుకోవాలి....?

Body Care

oi-Saraswathi

By Sindhu

Published: Saturday, July 21, 2012, 16:53 [IST]

సాధారణంగా వర్షంకాలంలో శరీరం బద్దకిస్తుంది. చలికి ఏపని చేయాలనిపించదు. ఆఫీసులకు, కాలేజీలకు వెళ్ళలనిపించదు. ఒక్క రోజన్నా డుమ్మా కొట్టాలినిపిస్తుంది. బద్దకంగా చలికి వెచ్చగా ఇంట్లోనే పడుకొని సేదాతీరాలని చాలా మందికి ఈసీజ్ అలా అనిపించడం చాలా సహజం. దాంతో జీర్ణ వ్యవస్థ కూడా చాలా మందిగించి జీర్ణం అవ్వడం ఆలస్యం అవుతుంది. దాంతో శరీరంలో కొన్ని మార్పులు ఏర్పడి అలసట, చల్లటి వాతావరణం కారణంగా జలుబు, దగ్గు, చలిగా ఉండటం, చర్మంలో ఇన్ఫెక్షన్, డయేరియా, వామిటిగ్, బాడీపెయిన్స్, ఇన్ బ్యాలెన్స్ హార్మోన్స్ వీటన్నింటితో శరీరం చాలా వీక్ అవుతుంది. వీటన్నింటి నుండి బయటపడాలంటే తీసుకొనే ఆహారంలో కూడా తగిన జాగ్రత్తలు పాటించాలి.

వర్షాకాలంలో మన ఆహారపు అలవాట్లపై ఒక కన్నేసి వుంచాలి. ఏదైనా వేడి వేడిగా చూసిన వెంటనే నోరూరి మనసు లాగినా ఏదిపడితే అది ఎక్కడపడితే అక్కడ తినకూడదు. కూసింత కళ్లెం వేయాలి. ఆహారం విషయంలో పరిశుభ్రతకు, పౌష్టికతకు ఎక్కువ ప్రాధాన్య ఇవ్వాలి. శుభ్రమైన వాతావరణంలో వండిన పదార్థాలను తీసుకోవడమే మంచిది. లేకపోతే జబ్బున పడేది మనమేకదా. రోడ్లమీద నడుస్తున్నప్పుడు, చిరుజల్లులు కురుస్తున్నప్పుడు బయట బళ్లమీద వేడివేడిగా వేస్తున్న బజ్జీలు చూస్తే నోరూరుతుంది. తినాలనిపిస్తుంది. వెంటనే అక్కడికెళ్లిపోతాం. పొగలుకక్కే బజ్జీలను ఊదుకుంటూ లాగించేస్తాం. అప్పుడు బాగానే వుంటుంది. తర్వాత వచ్చే ఆరోగ్య సమస్యలతోనే సతమతమౌతాం. అందుకే చిన్ని చిన్ని జాగ్రత్తలతో ఆరోగ్యాన్ని కాపాడుకుందాం.

ముఖ్యంగా రోడ్లమీది ఆహారాన్ని పూర్తిగా నిరాకరించి వీలైతే ఇంట్లోనే తయారు చేసుకొని తినడం మంచిది. టీ, కాఫీ, బజ్జీ, పకోడీ, చాట్‌ వంటివి తినాలనిపించినా ఆగక తప్పదు. ఒకవేళ బయట తినాలనుకుంటే పరిశుభ్రమైన వాతావరణంలో వండే వాటిని ఎంపిక చేసుకోవడం ఉత్తమం.

బయట తయారుచేసే పళ్లరసాలకు దూరంగా వుండాలి. అందులో కలిపే ఐస్‌ ఒంటికి అంత మంచిది కాదు.

పచ్చి కూరగాయలు, పళ్లు తినాలనుకుంటే వాటిని శుభ్రంగా కడిగి తొక్క తీసుకుని తినాలి. తేలిగ్గా జీర్ణమయ్యే వాటిని తినడం ఉత్తమం.

విటమిన్‌ 'సి' వున్న పదార్థాలను ఎక్కువగా తీసుకోవాలి. దీనివల్ల వానాకాలం తరచూ వచ్చే జలుబు వంటి వాటిని దూరంగా పెట్టవచ్చు.

వర్షంలోంచి ఇంటికి చేరాక వేడివేడిగా ఏదైనా తీసుకోవాలి. ఓ కప్పు వేడి పాలు, కాఫీ, టీ, గ్రీన్‌ టీ, సూపు తీసుకోవచ్చు. ఉడికించని పదార్థాలు, సలాడ్‌ వంటి వాటికి దూరంగా వుంటేనే మంచిది.

త్వరగా జీర్ణం అయ్యే తాజా పళ్లు, పాలు, మజ్జిగ వంటివి తీసుకుంటే తేలిగ్గా వుంటుంది. ఉప్పు, తీపి ఎక్కువగా వున్న పదార్థాలను దూరంగా పెట్టాలి. ముఖ్యంగా పచ్చళ్లు, స్వీట్లు తగ్గించాలి.

మాంసాహార ప్రియులు కూడా సూపులు తాగితే మంచిది. దాంతో ఆరోగ్యం కూడా తేలిగ్గా వుంటుంది. పచ్చి మాంసాన్ని ఎక్కువసేపు బయట వుంచకూడదు. ఒకవేళ వండడానికి బాగా ఆలస్యమౌతుందనుకుంటే ఫ్రిజ్జులో పెట్టేయాలి.

తరచూ కరెంటు పోవడం వల్ల రిఫ్రిజిరేటర్‌ లో నిల్వ వుంచిన ఆహార పదార్థాలు కూడా త్వరగా పాడయ్యే అవకాశముంది. అందుకే అవసరమైనంత మేరకే వండుకొని వేడివేడిగా తినాలి. ఫ్రిజ్జులో నిల్వ చేసే అవసరం లేకుండా తగినంత వండుకోవడం ఈ సీజన్ కు చాలా మంచిది. ఒకవేళ పెట్టినా మరలా దాన్ని తినబోయేముందు బాగా వేడి చేసుకోవడం మర్చిపోకూడదు.