మంచి ఆరోగ్యానికి...మంచి దినచర్య...!

Published: Wednesday, May 2, 2012, 15:31 [IST]

What to do...What not to do before Breakfast.

సాధారణంగా మహిళలలే కాదు పురుషులు కూడా తాము తీసుకునే ఆహారం పట్ల శ్రద్ధ తీసుకోరు. ఇక ఉద్యోతస్తులైతే, అశ్రద్ద మరింత ఎక్కువే. టైం లేదంటా ఏదో ఒక సమయంలో ఏదో ఒకటి తినేస్తుంటారు. ఇక సాయంత్ర అయ్యేటప్పటికి నీరసం పడిపోతుంటారు. మహిళలైనా, పురుషులైనా ప్రతి దినం తీసుకునే రెగ్యులర్ ఆహారంతోపాటు, అదనంగా కొన్ని పోషక విలువలు కల ఆహారం తీసుకుంటే, మలబద్ధకం, అజీర్ణం, ఎలర్జీలు, తలనొప్పులు రుతు సమస్యలు లాంటివి దరకి చేరవు. కాంతులీనే చర్మం, ఆరోగ్యగరమైన జుట్టు, శరీరం వారి సొంతమవుతుంది. ఉద్యోగ మహిళలకు పోషకవిలువలుకల ఆహార ప్రణాళిక:

ఉదయాన్నే టిఫిన్‌ చేసే సమయంలో స్నాక్స్‌, కాఫీ, టీ, పాలు, జ్యూస్‌ వంటిపలు రకాల పదార్ధాలు తీసుకుంటారు చాలామంది. అవి తాగిన తర్వాత టిఫిన్‌ సరిగ్గా తీసుకోలేకపోతారు. ఇలా ఏవో ఒకటి తాగేసి అల్పాహారం సరిగ్గా తినకపోవడం వలన అనారోగ్య సమస్యలు తలెత్తుతాయని వైద్య నిపుణులంటున్నారు. చాలామంది ఉద్యోగినులు ఉదయాన్నే 8 నుండి 9.30 గంటల లోపు అల్పాహారం తీసుకుంటారు. దానికి ముందు పాలు, టీ, బ్రెడ్‌, స్నాక్స్‌ వంటివి కూడా తింటారు. ముందుగా తిన్నవి జీర్ణమవ్వ మరలా వెంటనే టిఫిన్‌ చెయ్యడం వలన సరిపడి నంతగా తీసుకోలేరు. దాంతో మధ్యాహ్నం వరకూ పనిచేసే శక్తి ఉండదు.

ఏదైనా తిన్నా, తాగినా గంట తర్వాతే టిఫిన్‌ తీసుకోవాలి. లేదా అల్పాహారంతిన్న తర్వాత మిగతావాటికి ప్రాధాన్యత నివ్వాలి. అన్నీ ఒకేసారి తీసుకొని మధ్యాహ్నం వరకూ ఏమీ తిన కుండా ఉంటే గ్యాస్టిక్‌ సమస్య వచ్చే అవకాశం ఉంది. ఉదయాన్నే టిఫిన్‌‌‌ చేసిన తర్వాత ఆఫీసుకు డ్రైనట్స్‌, స్నా క్స్‌, బ్రెడ్‌ లాంటివి తీసుకొని వెళ్లండి. లంచ్‌ తీసుకొనే లోపు మీరు తీసుకెళ్లిన వాటిని తినండి. ఖర్చు అవుతున్న కేలరీలకు తగ్గట్టుగా తిరిగి శక్తిని పొందగలుగుతారు. ముఖ్యంగా పాలు, కాఫీ తాగిన వెంటనే టిఫిన్‌ చెయ్యకూడదు. అలాగే టిఫెన్‌ చేసిన వెంటనే వాటిని తాగకూడదు. మద్యలో గంట సమయాన్నయినా తీసుకోవాలి.

త్వరగా అరిగే ఇడ్లి, ఉప్మా లాంటిలి తీసుకున్నప్పుడు అరగంట తర్వాత ఏమన్నా తిన్నా, తాగినా పర్వాలేదు. నిద్రలేవగానే ఒక్కోసారి బయటికి వెళ్లాల్సివస్తే వెంటనే టిఫిన్‌ చేయకుండా ప్రయాణంలో తీసుకొనే ప్రయత్నం చేయండి. ప్రతిరోజూ ఒకే సమయానికి అల్పాహారం చేసే ప్రయత్నం చేయండి. దీని వలన మీ జీర్ణవ్యవస్థ సక్రమంగా, క్రమబద్ధంగా పనిచేస్తుంది.ఈ చిట్కాలు పాటిస్తే ఆరోగ్యాన్ని కాపాడుకోవచ్చు. జీర్ణ సంబంధ వ్యాధులకు దూరంగా ఉండవచ్చు.