పెదాల ఆకర్షణకు ఇంట్లోనే ఉందిగా ఓ బ్యూటీ కిట్....!

కొబ్బరి నూనె లేదా కోకోనట్ బట్టర్: పెదాల మీద పగుళ్ళు ఉన్నా లేకున్నా కూడా ప్రతి రోజూ పడుకోబోయే ముందు కొబ్బరినూనె లేదా కొబ్బరి వెన్న ను పెదాలకు రాసుకోవాలి. దాంతో పెదాలు పొడిబారనియకుండా చేస్తుంది. కొబ్బరి నూనెలో ఉండే ఫ్యాటీ యాసిడ్స్ పెదాలు, చర్మంమీద మంచి ప్రభావం చూపించి మాయిశ్చరైజర్ గా పనిచేస్తుంది.

తేనె: రెండు మూడు చుక్కలను మీ చేతి వేళ్ళతో తేనె తీసుకొని, పెదాల మీద సమంగా మర్ధన చేయాలి. తేనె పెదాలను మాయిశ్చరైజ్ చేసి పెదాలను సున్నితంగా ఉంచి, పగుళ్ళ నుండి కాపాడుతుంది.

కీరదోసకాయ: కీరదోసకాయ ముక్కలు ఎక్కువగా నీటి శాతాన్ని కలిగి ఉంటుంది. ఇది కూడా ఒక బెస్ట్ రెమడీగా చెప్పొచ్చు. ఇది పెదాల పగుళ్ళను బాగుచేయడమే కాకుండా చర్మసమస్యలను కూడా నివారిస్తుంది. తాజా కీరదోసకాయను స్లైస్ గా కట్ చేసి రోజులో రెండు సార్లు పెదాలు, ముఖం మీద మసాజ్ చేసినట్లైతే మంచి ఫలితం ఉంటుంది.

అలోవెరా: అలోవెరా పొడచర్మం బారీ నుండి కాపాడటమే కాకుండా పొడిబారిన పెదాలను, పగిలిన లేదా చీలిన పెదాలను సున్నితంగా మార్చుతుంది.

టమోటో: ప్రతి రోజూ టమోటోలను వివిధ రాకలు గా వినియోగిస్తుంటాం. టమోటోను చిన్న ముక్కగా కట్ చేసి పెదాల మీద రుద్దాలి. టమోటోలో ఉన్న జ్యూస్ పెదాల పగుళ్ళను నేచురల్ గా అరికడుతుంది.

లిప్ స్టిక్స్: పెదాలు పగలగానికి లేదా చీలడానికి లిప్ స్టిక్స్ కూడా కారణమే. ఒక వేళ మీ పెదాలు పొడిగా అనిపిస్తుంటే అటువంటి సమయంలో లిప్ స్టిక్ వాడకాన్ని తగ్గించండి లేదా మానేయండి. లిప్ స్టిక్ కు బదులు నేచురల్ లిప్ గ్లాస్ ఉపయోగించండి.

నీళ్ళు: పెదాల పగుళ్ళు, పొడిబారడం, చీలడం వంటి వాటికి డీహైడ్రేషన్ కూడా ఒక కారణమే. అందుకు ప్రతి రోజూ తగినన్ని నీటిని తాగుతుండాలి.

లెమన్-హనీ బామ్: పగిలిన లేదా చీలిన పెదాలకు ఇది చాలా ప్రభావవంతమైన హోం రెమడీ. నిమ్మరసం చర్మం మీద ఉన్న మలినాలను తొలగిస్తుంది. డెడ్ స్కిన్ తొలగిస్తుంది. తేనె మాయిశ్చరైజర్ గా ఉపయోగపడుతుంది. కాబట్టి ఈ రెండింటి కాంబినేషన్ తో పెదాలపై మర్దన చేయడం వల్ల పెదాలు సున్నితంగా, ఆకర్షణీయంగా మారుతాయి. దీన్ని రోజుకు రెండు సార్లు అప్లై చేసినట్లైతే మంచి ఫలితాలు పొందవచ్చు.

పెరుగులేదా వెన్న లేదా వెన్న: మీగడ, పెరుగులాంటి వాటిలో ఏదైనా ఒకదానిని పెదవుల మీద రాసుకున్నట్లయితే పెదవులు మృదువుగా నిగనిగలాడుతూ వుంటాయి.

గులాబీ రేకులు: పెదవులు నల్లగా వున్నవారు. గులాబీ రేకు లను నీటిలో నానపెట్టి రాత్రి పడుకునే ముందు పదే పదే రాస్తూ వుంటే పెదవులు ఎర్రగా వుంటాయి. ఇలా చేయటం వలన పెదవులకు మంచి రంగు వస్తుంది.

ఆలివ్ ఆయిల్: పెదవులపై ఆలివ్ ఆయిల్ ని రోజుకి రెండుసార్లు రాసుకున్నా మంచి ఫలితం ఉంటుంది.

బీట్ రూట్: పెదవులు నల్లగా అందవిహీనంగా ఉంటే బీట్ రూట్ ముక్కతో పెదవులను బాగా రుద్దితే మెరుపు సంతరించుకుంటాయి.