కళ్ల కింద క్యారీ బ్యాగులు మీ అందాన్ని దెబ్బతీస్తున్నాయా ?

బంగాళదుంప

బంగాళదుంప తినడానికి చాలా మంది ఇష్టపడతారు. ఇది రుచినే కాదు.. మీ కళ్ల కింద ఉండే డార్క్ నెస్ ని కూడా ఈజీగా తొలగిస్తుంది. కొన్ని నిమిషాలు బంగాళదుంపను ఫ్రిజ్ లో ఉంచాలి. తర్వాత రెండు ముక్కలుగా కట్ చేయాలి. తర్వాత కళ్లు మూసుకుని.. కళ్ల కింద ఈ బంగాళదుంప ముక్కతో మసాజ్ చేయాలి. కాసేపటి తర్వాత ఒక్కో కంటిపై ఒక్కో బంగాళదుంపను పెట్టుకోవాలి. అలాగే 20 నిమిషాలు పెట్టుకోవాలి.

గుడ్డులోని తెల్లసొన

కొంచెం గుడ్డులోని తెల్లసొన తీసుకోవాలి. దాన్ని కళ్ల కింద నల్లగా ఉన్న ప్రాంతంలో రాసుకోవాలి. అది ఆరిపోయిన తర్వాత గోరువెచ్చని నీటితో శుభ్రం చేసుకోవాలి. ఇలా చేయడం వల్ల వెంటనే ఫలితం ఉంటుంది.

పాలు

ఫ్రిజ్ లో పెట్టి తీసిన పాలు కొన్ని తీసుకోవాలి. అందులో దూది ముంచి తీసి.. దాన్ని కళ్లపై పెట్టుకోవాలి. అలా 20 నుంచి 30 నిమిషాలు పెట్టుకోవడం వల్ల మంచి రిజల్ట్స్ కనిపిస్తాయి.

టీ బ్యాగ్స్

చల్లటినీటిలో రెండు బ్యాగులు ఉంచాలి. తర్వాత కొన్ని నిమిషాలు ఫ్రిజ్ లో పెట్టాలి. తర్వాత వాటిని కళ్లపై పెట్టుకుని 25 నుంచి 30 నిమిషాల తర్వాత తీసేసి.. చల్లటినీటితో ముఖం కడుక్కోవాలి. అయితే ముఖం తుడవడానికి టవల్ ఉపయోగించకుండా అలానే ఆరనివ్వాలి.

స్పూన్స్

స్పూన్ ఎలా కళ్లకింద నలుపుని పోగొడతాయి అనుకుంటున్నారా ? నిజమే ఇవి చాలా ఎఫెక్టివ్ గా పనిచేస్తాయి. రెండు స్పూన్లు తీసుకుని చల్లటి ఐస్ వాటర్ లో పెట్టాలి. తర్వాత స్పూన్లు తీసి కళ్లపై పెట్టుకోవాలి. కళ్లపైపెట్టుకున్నప్పుడు మరో రెండు స్పూన్లను ఐస్ వాటర్ లో ఉంచాలి. ఇలా అరగంటపాటు కళ్లపై ఈ స్పూన్స్ పెట్టుకోవడం వల్ల మంచి ఫలితం ఉంటుంది.

టమోటారసం

రెండు స్పూన్ల టమోటా రసంలో ఒక స్పూన్ నిమ్మరసం కలిపి నల్లమచ్చలపై రాసుకుని 15 నిమిషాల తర్వాత కడిగేసుకుంటే మంచి ఫలితం ఉంటుంది.

రోజ్ వాటర్

రోజ్ వాటర్ లో దూదిని ముంచి అప్పుడప్పుడు కళ్లకింద తుడుస్తూ ఉంటే నల్లమచ్చలు క్రమంగా తగ్గిపోతాయి.

ఎర్రకందిపప్పు

ఎర్రకందిపప్పును పొడిగా చేసి అందులో చిటికెడు పసుపు, టమోటా, నిమ్మరసం కలిపి మిశ్రమంలా తయారు చేసుకుని కళ్లకింద అప్లై చేయాలి. 20 నిమిషాల తర్వాత కడిగేసుకుంటే.. కళ్లకింద నలుపుదనం తగ్గిపోతుంది.

బాదం ఆయిల్

బాదం ఆయిల్ ని రోజూ రాత్రి పడుకునే ముందు కళ్ల కింద రాసుకుని మర్దనా చేసుకుంటే క్రమంగా నల్లటి వలయాలు తగ్గుతాయి.