కళ్ల కింద క్యారీ బ్యాగులు తొల‌గించే ఎఫెక్టివ్ రెమిడీస్..

ఎరుపెక్కిన బుగ్గలు, పదనిసలు పలికే పెదాలు, సూటిగా ముక్కుతో చందమామలా ముఖమంతా మెరిసిపోయే ముఖం అందరి చూపుని ఆకర్షిస్తుంది. కానీ కలువల్లా రెపరెపలాడాల్సిన కళ్లు మాత్రం నల్లటి వలయాలతో అందవిహీనంగా కనిపిస్తూ ఉంటాయి. కళ్ల కింద క్యారీ బ్యాగ్ లు వయసుని, అందాన్ని దెబ్బతీసేలా కనిపిస్తూ ఉంటాయి. కళ్ల కింద ఏర్పడే ఈ నల్లటి వలయాలు పోగొట్టుకోవడానికి చేయని ప్రయత్నమంటూ ఉండదు. కానీ ఫలితం మాత్రం దొరకలేదు అని చాలా మంది ఢీలాపడుతుంటారు.

క్రీములు, ఆయింట్ మెంట్స్ వాడినా ఫలితం కనిపించక విసిగిపోయింటారు. అయితే ఖర్చు పెట్టి బ్యూటీ ప్రాడక్ట్స్ తో కళ్ల కింద క్యారీ బ్యాగ్ లు తొలగించే ప్రయత్నం కంటే.. ఇంట్లోనే ఉండే చక్కటి చిట్కాలు ఫాలో అవడం మంచిది. హోం రెమిడీస్ వల్ల సులభంగా, త్వరగా కళ్ల కింద నల్లటి వలయాలు తొలగించుకోవచ్చు. అలాంటి ఈజీ టిప్స్ ఏంటో మీరే చూడండి.

బంగాళదుంప
బంగాళదుంప తినడానికి చాలా మంది ఇష్టపడతారు. ఇది రుచినే కాదు.. మీ కళ్ల కింద ఉండే డార్క్ నెస్ ని కూడా ఈజీగా తొలగిస్తుంది. కొన్ని నిమిషాలు బంగాళదుంపను ఫ్రిజ్ లో ఉంచాలి. తర్వాత రెండు ముక్కలుగా కట్ చేయాలి. తర్వాత కళ్లు మూసుకుని.. కళ్ల కింద ఈ బంగాళదుంప ముక్కతో మసాజ్ చేయాలి. కాసేపటి తర్వాత ఒక్కో కంటిపై ఒక్కో బంగాళదుంపను పెట్టుకోవాలి. అలాగే 20 నిమిషాలు పెట్టుకోవాలి.

గుడ్డులోని తెల్లసొన
కొంచెం గుడ్డులోని తెల్లసొన తీసుకోవాలి. దాన్ని కళ్ల కింద నల్లగా ఉన్న ప్రాంతంలో రాసుకోవాలి. అది ఆరిపోయిన తర్వాత గోరువెచ్చని నీటితో శుభ్రం చేసుకోవాలి. ఇలా చేయడం వల్ల వెంటనే ఫలితం ఉంటుంది.

టీ బ్యాగ్స్
చల్లటినీటిలో రెండు బ్యాగులు ఉంచాలి. తర్వాత కొన్ని నిమిషాలు ఫ్రిజ్ లో పెట్టాలి. తర్వాత వాటిని కళ్లపై పెట్టుకుని 25 నుంచి 30 నిమిషాల తర్వాత తీసేసి.. చల్లటినీటితో ముఖం కడుక్కోవాలి. అయితే ముఖం తుడవడానికి టవల్ ఉపయోగించకుండా అలానే ఆరనివ్వాలి.

టమోటారసం
రెండు స్పూన్ల టమోటా రసంలో ఒక స్పూన్ నిమ్మరసం కలిపి నల్లమచ్చలపై రాసుకుని 15 నిమిషాల తర్వాత కడిగేసుకుంటే మంచి ఫలితం ఉంటుంది.