రకరకాల హెయిర్ డైలతో కేశ సౌందర్యం....

Hair Care

oi-Saraswathi

By Sindhu

Published: Saturday, February 11, 2012, 16:37 [IST]

అందమైన జుట్టుకోసం ఆరాటపడినివారు ఉండరంటే అతిశయోక్తి కాదు. నల్లని నిగనిగలాడే పొడవాటి కురులతో మరింత సొగసును సంతరించుకోవాలని ప్రతి యువతి ఆశపడుతుంటుంది. రెండు పదుల వయసు వచ్చేసరికే కొందరి కురులు తెల్లబడిపోతున్నాయి. దీంతో రకరకాల పద్ధతుల ద్వారా వెంట్రుకలను రకరకాల రంగుల్లోకి మార్చేసుకుని తృప్తి పడుతున్నారు. మొట్టమొదటి తెల్ల వెంట్రుక చూడగానే విలవిలలాడిపోతారు. ఎలాగైనా తమ కురులను కాపాడుకోవాలని పరి తపిస్తుంటారు. ఎంత ఖర్చుపెట్టడానికైనా వెనుకాడకుండా వాటిని నల్లబరిచేందుకు ప్రయత్నిస్తారు. వయసు పెరిగే కొద్దీ తెల్ల వెంట్రుకల బారి నంచి తప్పించుకునేందుకు నానా తంటాలు పడుతుంటారు. అయితే, జీవితాంతం తెల్ల వెంట్రుకలు రాకుండా ఉండే 'డై' ఏదైనా ఉంటే బాగుండునని ఆశపడుతుంటారు. అది సాద్యపడక హెయిర్ డైలతో సరిపెట్టుకొంటారు.

కొత్తదనం కోసం జుట్టుకు బ్రౌనిష్‌ షేడ్‌ వున్న రంగును అప్లై అప్పుడు మీ మేకప్‌ కూడా బ్రౌన్‌ షేడ్‌ ను సపోర్ట్‌ చేసే విధంగా ఉండాలి. ఏ హెయిర్‌ కలర్‌ షేడ్‌ అప్లై చేయించుకోవడానికైనా ముందుగా ఒక ఫోటో తీయించుకోవాలి. ఆ తరువాత మరో ఫోటో తీయించుకోవాలి. అప్పుడు మీకు తేడా కచ్చితంగా తెలుస్తుంది. మీరు అద్దంలో మిమ్మల్ని పరిశీలించుకునే సమయం లో మీ హెయిర్‌ కలర్‌ పైన దృష్టిని కేంద్రీకరించాలి. మీరు ఇష్టపడే హెయిర్‌ కలర్‌ షేడ్‌, మీరు ఊహించుకున్న విధంగా వుందా? లేదా అనే విషయన్ని గ్రహించాలి. మేకప్‌ హెయిర్‌ కలర్‌ పూర్తిగా మాచ్‌ అయ్యే విధంగా ముందే జాగ్రత్తలు తీసుకోవాలి.

ముఖ్యంగా బ్యూటీ ప్రోడక్ట్స్, హెయిర్‌ కేర్‌ వంటి విషయాల గురించి సర్టిఫైడ్‌ బ్యూటిషియన్‌ ను సంప్రదించటం తప్పనిసరి. ఎందుకంటే వారికి వివిధ విషయాల గురించి మంచి అవగాహన వుంటుంది. లేదంటే మార్కెట్లో దొరికే చౌకరకం హెయిర్‌ డైలు వేసుకోవడం లేదా సొంతంగా తయారు చేసుకోవడం చేస్తే మొదటికే మోసంవచ్చే ప్రమాదం ఉంది జాగ్రత్తలు పాటిస్తే మీ కేశాలు అందంగా ఉంటాయి.