అందంలో కేశాల ప్రాధాన్యత...జాగ్రత్తలు

Published: Monday, January 30, 2012, 13:40 [IST]

Hair Tip to get Healthy Natural Hair....

మానవ శరీరంలో ప్రతి అంగానికి ప్రాదాన్యత ఉంటుంది. అయితే ముఖం, తలకు ఎక్కువ ప్రాధాన్యత ఉంటుంది. ఈ భాగాలు బయటి కనబడుతాయి కాబట్టి..అందంగా ఆకర్షణీయంగా ఉంటేనే మరింత అందంగా కనపడుతారు. ముఖంలో కళ్లు, ముక్కు, పెదాలు అందంగా ఉంటే..తలకు వెంట్రుకలు అందం. వెంట్రుకలు తలను సూర్యుడి వేడిమి నుండి కాపాడతాయి. దేహంపై నున్న వెంట్రుకలు కూడా మనకు రక్షణనిస్తాయి. వెంట్రుకల విషయంలో మనం కొన్ని జాగ్రత్తలు తీసుకోవలసిన అవసరం చాలా ఉంది.

1. మన తలను సబ్బుతో కానీ, కుంకుడు కాయతో కానీ తరచుగా వాడుతూ వెంట్రుకలను శుభ్రం చేసుకోవాలి. లేనిచో వెంట్రుకలలో మురికి చేరి పేలు, చుండ్రు వస్తాయి. తలపై పుండ్లు కూడా ఏర్పడతాయి. కనీసం వారానికి ఒకసారి తలస్నానం చేయాలి.
2. ప్రతి రోజూ తలకు నూనె రాసుకొని దువ్వుకోవాలి. తలకు నూనె రాసుకొని దువ్వుకోవటం వల్ల వెంట్రుకలు నల్లగా, అందంగా ఉంటాయి. తలనూనెలోని పోషక పదార్ధాలు వెంట్రుకలు పెరగటానికి, వెంట్రుకలు ఊడి పోకుండా ఉండటానికి ఉపయోగపడతాయి. వేడి కొబ్బరి నూనెలో కొద్దిగా కర్పూరం వేసి గోరువెచ్చగా ఉన్నప్పుడు తలకు పట్టించి పదినిమిషాలు మర్దనా చేసి ఒక అరగంట తరువాత తలకు స్నానం చేయాలి.
3. వెంట్రుకలు చిక్కుపడకుండా ఉండటానికి రోజూ తల దువ్వుకోవాలి. ఎప్పుడూ కూడా వేరొకరి బ్రష్‌ లు, దువ్వెనలు వాడకూడదు. తలను దువ్వుకునే బ్రష్‌ లు, దువ్వెనలు ఎవ్వరిది వారే వాడటం మంచిది. ఒకరి బ్రష్‌లు, దువ్వెనలు మరొకరు వాడటం వల్ల చుండ్రు వస్తుంది.
4. వెంట్రుకలను ఎక్కువ పొడువుగా పెంచరాదు. ఎందుకంటే వెంట్రుకలు ఎక్కువ పొడవుగా ఉంటే వాటిని శుభ్రంగా ఉంచుకోవటం కష్టమవుతుంది. వెంట్రుకలు చిక్కుపడిపోతాయి. కనుక వెంట్రుకలను బాగా పెరిగినప్పుడు కత్తిరించుకోవాలి. ప్రస్తుత కాలంలో మనం చాలా మందిని చూస్తూ ఉంటాము. తలకు నూనె రాసుకోవటం ఉండదు. తలకు నూనె రాయకుండా ఉంటే ఫ్యాషన్‌ అని అంటారు. కానీ దానివల్ల చాలా అనర్ధాలు వస్తాయని వారు గుర్తించడం లేదు.
5. సీతాఫలం గింజలను ఎండబెట్టి పొడి చేసి తగినన్ని నీళ్లు కలిపి తలకు పూతలా వేయాలి. రాత్రి తలకు వస్త్రాన్ని చుట్టి పడుకొని మర్నాడు షాంపూతో కడిగేసుకుంటే సరిపోతుంది. దీంతో చుండ్రు సమస్య కూడా నియంత్రణలో ఉంటుంది.