హెడ్ మసాజ్ తో చుండ్రుకు గుడ్ బై.....

Hair Care

oi-Saraswathi

By Sindhu

Published: Thursday, January 26, 2012, 15:02 [IST]

ప్రతిరోజు బాడీని, కేశాలను శుభ్రంగా ఉంచుకొన్నట్లైతే మనిషి ఆరోగ్యం ఉంటాడు. పొడవాటి వెంట్రుకలు కలవారు కేశసంరక్షణ మరింత ఎక్కువ అవసరం. కాలుష్యం, ఇతర కారణాల వల్ల కేశాలలో దుమ్ము..దూళి చేరడంతో చుండ్రు ఏర్పడి చిరాకు పెడుతుంది. రొటీన్ గా చేసే పనులలో కేశాలపై కూడా జాగ్రత్తలు తీసుకొన్నట్లైతే వెంట్రుకలు ఆరోగ్యంగా మంచి పోషణతో.. కాంతివంతంగా పెరుతాయి. చుండ్రును ఎక్కువగా ఉంటే గనుక మంచి హెయిర్ ఆయిల్ తో హెడ్ మసాజ్ చేస్తే కొంతవరకు ఉపశమనం ఉంటుంది. హెడ్ మసాజ్ చేయటంవల్ల ఉపయోగాలేంటంటే.. హెడ్ మసాజ్ చేసుకోవడం వల్ల అలసిన కళ్ళు రిలాక్స్ అవుతాయి. కళ్ళ మంటలు, తలనొప్పి తగ్గుతుంది. మసాజ్ మూలంగా రక్తప్రసరణ బాగా జరిగి, స్వేదరంధ్రాలు తెరచుకుని వెంట్రుకలు పెరిగేందుకు దోహదం చేస్తుంది. అంతేగాకుండా మాడుకు చలువ చేస్తుంది.

1. చుండ్రు సమస్యతో ఇబ్బందిపడేవారు కొబ్బరినూనెలో నిమ్మరసం పిండి గోరువెచ్చగా చేసి తలకు బాగా అప్లై చేయాలి. నూనె పట్టించేటప్పుడు మాడుకు బాగా అంటేలా చూడాలి. అరగంట అలాగే ఉంచాక తలస్నానం చేయాలి. ఇలా వారానికి మూడుసార్లు చేస్తే చుండ్రు సమస్య నుంచి బయటపడవచ్చు.

2. గోరువెచ్చని నూనెతో రాత్రిళ్లు హెడ్ మసాజ్ చేసి, ఉదయాన్నే పెరుగులో మెంతిపొడిని కలిపి తలకు బాగా అప్లై చేసి ఆరాక తలస్నానం చేస్తే చుండ్రుకు గుడ్‌బై చెప్పవచ్చు. వారానికోసారి హెడ్ మసాజ్ చేయించుకుని తలను శుభ్రం చేసుకుంటే పేల సమస్య నుండి దూరంగా ఉండవచ్చు.

3. ఆలివ్‌ ఆయిల్‌, బాదం పపðతో తయారు చేసిన నూనెను ఓ పాత్రలో కలుపుకోండి. ఈ మిశ్రమాన్ని తలకు మర్దన చేయండి. మర్దన చేసిన ఐదు నిముషాల వరకు ఉంచండి. కాసేపయ్యా క తలలో మంట పడుతుంది. గోరువెచ్చని నీటితో తల శుభ్రంగా చేసుకోండి దీంత చుండ్రు మటుమాయం అవుతుంది.

4. రెండు టీస్పూన్ల తేనెకు మూడు టీస్పూన్ల ఆలివ్‌నూనె కలపాలి. ఈ మిశ్రమాన్ని కుదుళ్లనుంచి జుట్టుకు బాగా పట్టించాలి. ఇరవై నిమిషాల తర్వాత గోరువెచ్చని నీటితో కడిగేయాలి. తర్వాత షాంపుతో తలస్నానం చేయాలి. ఇలా చేస్తే చుండ్రు పోతుంది.

5. పచ్చికొబ్బరిని తీసుకుని సన్నగా తురమాలి. తరువాత మిక్సీలో వేసి గ్రైండ్ చేయాలి. గ్రైండ్ చేసిన కొబ్బరి మిశ్రమాన్ని పిండి పాలు తీయాలి. ఆ పాలల్లో రెండు టీస్పూన్ల నిమ్మరసం కలపాలి. స్నానానికి ముందు ఈ మిశ్రమాన్ని జుట్టు కుదుళ్లకు బాగా పట్టించి, వేళ్ళతో నెమ్మదిగా రుద్దినట్లుగా మసాజ్ చేయాలి. ఇలా 15 నిమిషాలపాటు చేసిన తరువాత షాంపూతో తలస్నానం చేయాలి. క్రమం తప్పకుండా వారానికి రెండుసార్లు ఇలా చేస్తే చుండ్రు పూర్తిగా మాయమవుతుంది. జుట్టు ఆరోగ్యంగా ఉంటుంది.