కేశాలు నిగనిగలాడాలంటే ఆయిల్ థెరపి

Hair Care

oi-Saraswathi

By Sindhu

Published: Friday, February 10, 2012, 13:44 [IST]

శరీర సౌందర్యానికి తలలోని వెంట్రుకలు తోడైతే ఆ మనిషి అందం..ఆకర్షణ వంద రెట్లు పెరుగుతుంది. కేశాలు మనిషికి అత్యంత ప్రధానమైనవి. కేశాలకు సంబంధించిన వ్యాధులు, చుండ్రు సమస్య, జట్టు రాలడం, జుట్టు తెల్లబడటం, పగుళ్ళు చిగుళ్ళ పోషణ కరువవ్వడం, కేశాలలో తేజస్సు లేకపోవడం మొదలగు కారణాలతో చాలా మంది భాధపడుతుంటారు.

అందమైన అందమైన, నల్లని కురుల సంపద కోసం ఆడవారి తాపత్రయం చాలా ఉంటుంది. ఎవరికైనా ఒతైన జుట్టు కావాలని కోరుకుంటారు. అయితే కేశాల పట్ల సరైన జాగ్రత్తలు, సంరక్షణ కలిగి వుంటే జుట్టును కాడుకోవచ్చు. సంరక్షణలో ఆయిల్ థెరపీ చక్కటి నివారణ. హాట్ ఆయిల్ థెరపీతో జుట్టును ఎప్పటిలానే మెరిపించవచ్చు. ఆయిల్ థెరఫీ కి కావలసినవి కొబ్బరినూనె రెండు టేబుల్‌ స్పూన్లు, వేడి చేయడానికి చిన్న పాత్ర, కర్పూరం చిన్నముక్క, కాటన్‌ బాల్‌.

ఇక థెరఫీ విధానం ఎలా ఉంటుందంటే...నూనెలో కర్పూరం వేసి వేడిచేయాలి. ఈ లోపుగా వైబ్రేటింగ్‌ మసాజర్‌ తో తలంతా మసాజ్‌ చేయాలి, నూనె పట్టించకముందే మసాజ్‌ చేస్తే చుండ్రు ఉంటే రాలపోతుంది. చరువాత వేడినూనెలో దూదిని ముంచి, జుట్టు కుదుళ్లకు పట్టించాలి. తలంతా నూనె పట్టించిన తరువాత పదినిమిషాలు వేళ్లతో మసాజ్‌ చేయాలి. మసాజ్‌ అనంతరం పదినిమిషాలు తలకు స్టీమింగ్‌ చేయాలి. వేడినీటిలో ముంచిన టవల్‌ ను బాగా పిండేసి తలకు చుట్టాలి. ఇలా రెండు మూడు నిమిషాలు చేసిన తర్వాత..తలలో వేడి తగ్గిన తరువాత మామూలుగా వాడే షా పుతో తలస్నానం చేయాలి.