కాలుష్యం నుండి వెంట్రుకల సంరక్షణ ఎలా...?

Hair Care

oi-Saraswathi

By Sindhu

Published: Saturday, March 31, 2012, 16:57 [IST]

పట్టణాలు, నగరాల్లో జనాభా పెరిగిపోవడం వల్ల వాతావరణ కాలుష్యం ఎక్కువ అవుతోంది. రోడ్లపై వాహనాలు పెరిగిపోవడంతో కాలుష్యం మరింత పెరిగింది. దాని తొలి ప్రభావం పడేది చర్మం మీదనే. మీదనే. తర్వాతి ప్రభావం జుట్టు మీద. కాలుష్యం వల్ల, నేరుగా సూర్యరశ్మికి గురికావడం వల్ల ఈ రెండూ ప్రభావితమవుతాయి. పైగా మన చుట్టూ ఉండే వాతావరణంలో దుమ్ము, ధూళి, గాలిలో వేలాడుతుంటే కణాలు పెరుగుతున్నాయి. కాలుష్యం, దుమ్ము, ధూళి వల్ల చర్మంతో పాటు జుట్టుపై పడే ప్రభావం, దాని నుంచి తీసుకోవాల్సిన జాగ్రత్తలు...

1. చర్మం, వెంట్రుకలకు మంచి పోషకాలు అందేలా యాంటీ ఆక్సిడెంట్స్ ఉన్న పదార్థాలు అంటే ఆకుపచ్చని కూరలు (గ్రీన్ లీఫీ వెజిటబుల్స్), తాజా పళ్లు, విటమిన్ ఏ, సీ, ఈ ఉండే ఆహార పదార్థాలు ఎక్కువగా తీసుకోవాలి. రోజూ రాత్రివేళ కూడా చర్మం, వెంట్రుకలు శుభ్రం అయ్యేలా స్నానం చేయాలి.
2. తప్పకుండా వెంట్రుకలను షాంపూతో శుభ్రం చేసుకోవాలి. అయితే మరీ ఎక్కువగా వెంట్రుకలను కడగటం కూడా మంచిదికాదు. దీనివల్ల వెంట్రుకలు పొడిబారవచ్చు.
3. కాలుష్యాలు నేరుగా వెంట్రుకలకు తాకకుండా స్కార్ఫ్ కట్టుకోవడం, హ్యాట్ పెట్టుకోవడం చేయాలి.
4. ఒకవేళ చుండ్రు వంటి సమస్య ఉంటే కీటోకెనజాల్ లేదా సైక్లోపిరోగ్సాలమైన్ ఉండే షాంపూలతో వారానికి రెండుసార్లు తలస్నానం చేయాలి.
5. వెంట్రుక చివర్లు చిట్లిపోకుండా ఉండేలా ప్రతి ఆరువారాలకు ఓమారు జుట్టును ట్రిమ్ చేసుకోవాలి.
6. రంగు వేసుకునేవారైతే అది పడుతోందా లేదా అన్నది పరిశీలించుకోవాలి.
7. గుడ్డు, టీ స్పూన్ ఆలివ్ ఆయిల్, టీ స్పూన్ నిమ్మరసం, టేబుల్ స్పూన్ కుంకుడుకాయ రసం, కప్పు హెర్బల్ టీ, ఎసెన్షియల్ ఆయిల్ ఐదు చుక్కలు కలిపి బ్లెండ్ చేయాలి. ఈ మిశ్రమాన్ని తలకు పట్టించి, వేళ్లతో మాడును వలయాకారంగా రుద్దుతూ, శుభ్రపరుచుకోవాలి. వారానికి రెండు రోజులు ఈ విధంగా చేస్తుంటే జుట్టు పెరుగుతుంది.
8. సమయం దొరికినప్పుడల్లా, లేదా రాత్రి పడుకునేముందు "స్వచ్చమైన, మంచి నువ్వులనూనేతో లేదా కొబ్బరినూనెతో "తల నుండి కుదుళ్ళ వరకు మర్దనా చేయవలెను.