తలపై పొట్టురాలే సమస్యకు గృహ నివారణోపాయాలు

బేకింగ్ సోడా మిక్స్:

బేకింగ్ సోడాను నీళ్ళతో కలిపి తలపై చర్మానికి పట్టించండి. ఇది మృత చర్మ కణాలను తొలగించి, తలపై చర్మాన్ని శుభ్రపరుస్తుంది. తలపై చర్మాన్ని గోరువెచ్చని నీటితో శుభ్రం చేసి, షాంపూ, కండీషనర్ లతో శుభ్రం చేయండి.

కొబ్బరి నూనె:

గోరువెచ్చని కొబ్బరి నూనె, తలపై పొట్టు రాలే చర్మానికి మంచి గృహ నివారణోపాయం. గోరువెచ్చటి కొబ్బరినూనెను, నిమ్మరసంతో కలిపి ఆశించిన ఫలితాలను పొందవచ్చు.

నిమ్మరసం:

తలపై పొట్టు రాలే చర్మానికి చుండ్రుతో కూడా సంబంధం ఉంటుంది. అందుకని, తలపై చర్మాన్ని నిమ్మరసంతో మసాజ్ చేయడం వల్ల చర్మం శుభ్రపడుతుంది. పొట్టు వృద్ధి చెందకుండా కూడా నివారించే౦దుకు ఇది ఎంతో చక్కటి గృహ నివారణోపాయం.

ఆపిల్ సిడార్ వెనిగార్:

ఈ వెనిగార్ ను పులిసిన ఆపిళ్ళ నుండి తీస్తారు, స్వేదనం చేయరు. ఆపిల్ సిడార్ వెనిగార్ ను తలపైన చర్మంపైన రాసి జుట్టు ఆధారాలను మూసివేసి, తద్వారా తలపైన చర్మంలో పొట్టుకు కారణమయ్యే మృత చర్మకణాలను నివారించుకోవచ్చు.

కొబ్బరి పాలు:

కొబ్బరి పాలు తలపైన చర్మంలో పొట్టును నివారించుకోవడానికి మరొక గృహ నివారణోపాయం. మీ జుట్టును కొబ్బరి పాలతో శుభ్రం చేసి 10 నిమిషాల పాటు వదిలెయ్యండి. తలపైన చర్మాన్ని మసాజ్ చేయడానికి మీరు దీనితో బాటు నిమ్మరసాన్ని కూడా వాడవచ్చు.

అలోవీర:

అలోవీర కూడా జుట్టులో చుండ్రును నివారిస్తుంది. ఇది చర్మానికి తేమను అందించి, తలపైన దెబ్బతిన్న చర్మానికి చికిత్సనందిస్తుంది. ఈ జెల్ ను పూసి, రాత్రంతా వదిలెయ్యండి. ఒక టోపితో కప్పండి. దీని వలన ఇది తలపైని చర్మంలోనికి ఇంకుతుంది. ఉదయాన్నే చల్లటి నీటితో శుభ్రం చేయండి.

టీ చెట్టు నూనె:

తలపైన చర్మంలోని పొట్టు వలన బాక్టీరియా పుట్టవచ్చు. దీని కారణంగా చర్మవ్యాధులు రావచ్చు. అందువల్ల, టీ చెట్టు నూనెను పూయండి. ఇది బాక్టీరియాను చంపేస్తుంది. పైగా తలపైన చర్మంలో పొట్టు రాకుండా కాపాడుతుంది కూడా.

ఆలివ్ నూనె:

తలపైన చర్మానికి తేమను అందించి, పొట్టును నివారిస్తుంది. ఆలివ్ నూనె జుట్టు పెరుగుదలకు కూడా పేరొందింది.

విచ్ హాజెల్:

తలపైన చర్మంలో అంటువ్యాధులకు కారణమయ్యే బాక్టీరియాను నివారించేందుకు, విచ్ హాజెల్ ను తలపై ఉండే చర్మం పైన పూయవచ్చు. పూలను మరిగించి, ఒక మెత్తటి ముద్దను తయారు చేసి తలపై ఉండే చర్మం పైన పూయండి. 30 నిమిషాల పాటు వదిలేసి, తర్వాత శుభ్రం చేయండి.