జుట్టును ఆరోగ్యంగా పెరిగిలా చేసే మన వంటగది ఔషధాలు...!

గుడ్డు: వివిధ రకాల హెయిర్ ప్యాక్స్ లో గుడ్డును, ఉపయోగిస్తారు. గుడ్డును నిమ్మరసంతో కలిపి బాగా గిలకొట్టి అందులో రెండు చుక్కల తేనె మిక్స్ చేసి తలకు పట్టించి అరగంట తర్వాత స్నానం చేయడం వల్ల మెరిసేటటువంటి, సున్నితమైన సిల్కీ హెయిర్ నేచురల్ గా పొందగలుగుతారు.

ఆపిల్ సైడర్ వెనిగర్: ఆపిల్ సైడర్ వెనిగర్ ప్రభావవంతమైన హెయిర్ కేర్ వస్తువు. దీన్ని పొడిబారిన మరయు డ్యామేజ్ అయిన హెయిర్ కేర్ ట్రీట్మెంట్ కోసం వినియోగిస్తారు. తలస్నానం చేసిన తర్వాత చివరగా ఆపిల్ సైడర్ వెనిగర్ ను కొన్ని చుక్కలు మగ్గులో వేసుకొని తల మీద పొసుకుంటే అందమైన కేశాలు మీ సొంతం అవుతాయి.

పెరుగు: పెరుగును వివిధ రకాల కురలు సమస్యలకు(చుండ్రు, చివరులు చిట్లడం, దురద, పొడిబారడం) ఉపయోగించి ఉంటారు. అంతే కాదు ఈ పెరుగుతో నేచురల్ గా కురులు సున్నితంగా తయారవుతాయి.

బేకింగ్ సోడ: బేకింగ్ సోడా నీళ్ళతో కలిపి, షాంపూ మరియు కండీషనర్ చేయడం వల్ల కురులు ఆరోగ్యంగా ఉంటాయి. అంతే కాదు బేకింగ్ సోడా తల మాడును పూర్తిగా శుభ్రపరుస్తుంది. తలలోని మలినాలను తొలగించి, జిడ్డు ను కూడా తొలగిస్తుంది.

నిమ్మరసం: హెయిర్ ఆయిల్ తో పాటు నిమ్మరసాన్ని కూడా తలకు పట్టించడం వల్ల తలమాడుకు సంబంధించి సమస్యలను నివారిస్తుంది. దురుద, జిడ్డు, చుండ్రు వంటివాటిని మంచి నివారినిగా దీన్ని ఉపయోగించవచ్చు.

తేనె: డ్యామేజ్ అయిన హెయిర్ చూడటానికి నిజంగా చిక్కుబడి ఉంటుంది. చర్మ సంరక్షణలోనూ, కేశ సంరక్షణలోనూ తేనె నేచురల్ మాయిశ్చరైజర్. ఇది మన వంటగదిలో ఎప్పుడూ నిల్వవుండే వస్తువే కాబట్టి మీ హెయిర్ ప్యాక్స్ లో దీన్ని కలుపుకోవచ్చు. దాంతో కురులు సాఫ్ట్ గా..సిల్కీగా మార్చుతాయి.

కార్న్ స్ట్రాచ్: మొక్కజొన్న పిండితో తయారుచేసే గంజి జిడ్డు వెంట్రుకలకు బాగా పనిచేస్తుంది. ఇది మన వంటగదిలో ఉండే వస్తువే కాబట్టి , కురుల్లో జిడ్డును తొలగించడానికి దీన్ని నేచురల్ గా వాడవచ్చు.

అవొకాడో్: చర్మ మరియు కురుల సంరక్షణలో అద్భుతమైన ఫలితాలనందిస్తుంది ఈ అవొకాడో. వివిధ రాకాలైన హెయిర్ ట్రీట్మెంట్స్ లో దీన్ని ఎక్కువగా ఉపయోగిస్తుంటారు.