హెయిర్ స్ట్రెటన్నింగ్ కొరకు హోం మేడ్ టిప్స్ హెయిర్ స్ట్రెయిటనింగ్

పాలు:

ఒక స్ప్రే బాటిల్లో 1/3కప్పుల నీటిని వేయాలి. అంతే పరిమాణంలో పాలు మిక్స్ చేయాలి. రెండింటిని బాగా మిక్స్ చేసి, మీ తలకు స్ప్రే చేసుకోవాలి. జుట్టు మొత్తం ఇలా స్ర్పే చేసుకొన్న తర్వాత, దువ్వెనతో చిక్కు తొలగించాలి. ఇలా మీరు తలస్నానం చేసుకోవడానికి ఒక గంట ముందు చేస్తే చాలా మంచి ఫలితం ఉంటుంది. తలస్నానానికి షాంపు మరియు కండీషనర్ ను ఉపయోగించండి. స్ట్రెయిటనింగ్ ఎఫెక్ట్ మీరు తిరిగి తలస్నానం చేసే వరకూ అలాగే ఉంటుంది.

పాలు మరియు హనీ :

పాలు ఒక్కటే మీ కేశాలను స్ట్రెయిట్ చేస్తుంది, కానీ, తేనె మీ జుట్టుకు మంచి పోషణను అందిస్తుంది. తేనె పొడిబారిన మరియు కర్లీ హెయిర్ ను మ్యానేజ్ చేస్తుంది.

Multani మిట్టీ :

ఫుల్లర్ ఎర్త్(ముల్తానీ మట్టి)ఒక కప్పు తీసుకొని అందులో ఒక గుడ్డు మరియు 5టీస్పూన్ల బియ్యం పిండి వేసి బాగా మిక్స్ చేయాలి. జుట్టు చిక్కు తొలగించడానికి ఒక వెడల్పు పళ్ళున్న దువ్వెనను ఉపయోగించాలి. ముల్తానీ మట్టి మిశ్రమాన్ని తలకు పట్టించడానికి ముందు కనీసం రెండు మూడు సార్లు తలను దువ్వుకోవాలి. తల దువ్వుతూ ఈ మిశ్రమాన్ని తలకు పట్టించాలి. హెయిర్ ప్యాక్ వేసుకొన్న తరవ్ాత 40నిముషాలు అలాగే కొద్దిసేపు వదిలేయాలి. తర్వాత గోరువెచ్చని నీటితో శుభ్రం చేసుకోవాలి. ఇలా నాలుగు రోజులకొకసారి చేస్తే మంచి ఫలితం ఉంటుంది.

ఆలివ్ ఆయిల్ మరియు గుడ్డు :

రెండు గుడ్లు తీసుకొని పగులగొట్టి, లోపలి మిశ్రమాన్ని బౌల్లో వేసి బాగా మిక్స్ చేయాలి. తర్వాత అందులో రెండు టేబుల్ స్పూన్ల ఆలివ్ ఆయిల్ వేసి బాగామిక్స్ చేసి తలకు బ్రష్ ద్వారా పట్టించాలి. ఒకటి రెండు గంటలు అలాగే ఉంచి తర్వాత షాంపూ ఉపయోగించి తలస్నానం చేయాలి. ఇది మీ జుట్టును స్ట్రెయిట్ చేస్తుంది మరియు మరింత ఉత్తమంగా పోషణను అంధిస్తుంది.

నిమ్మ రసం మరియు కొబ్బరి పాలు :

ఒక మిక్సింగ్ బౌల్ తీసుకొని అందులో కొబ్బరి పాలు మరియు నిమ్మరసం వేసి బాగా మిక్స్ చేయాలి. ఈ మిశ్రమాన్ని ఫ్రిజ్ లో పెట్టి ఇది క్రీమ్ లా చిక్కబడే టప్పుడు బయటకు తీసి తర్వాత కురులకు మరియు తలబాడుకు బాగా పట్టించాలి. పట్టించిన తర్వాత వేడినీళ్ళలో టవల్ ను ముంచి తలకు చుట్టి, ఒక గంట తర్వాత తలస్నానం చేయాలి. ఇలా వారంలో మూడు సార్లు చేయడం వల్ల కురులు నిఠారుగా మారుతాయి.

హాట్ కొబ్బరి నూనె :

కొబ్బరి నూనెను వేడి చేసి, తలకు పట్టించాలి. హాట్ ఆయిల్ మసాజ్ చేసిన తర్వాత, తలకు వేడినీటిలో ముంచిన టవల్ ను తలకు చుట్టి 20-30నిముషాలు అలాగే ఉండాలి. దాని తర్వాత షాంపు పెట్టి తలస్నానం చేయాలి. తలస్నానం చేసిన తర్వాత కేశాలు నేచురల్ గా ఆరనివ్వండి. మీ కేశాలు చూడటానికి గ్లాసీగా మరియు నేచురల్ గానే స్ట్రెయిట్ గా కనబడుతుంటాయి.