పొడి జుట్టు(డ్రై హెయిర్)ను సాప్ట్ అండ్ షైనీగా మార్చే హెయిర్ మాస్కులు

అరటి పండు గుజ్జు:

అరటిపండును రెండుగా చేసి మిక్సీలో వేసి మెత్తగా పేస్ట్ చేసుకోవాలి. ఇప్పుడు అందులో అరకప్పు పాలు పోసి బాగా మిక్స్ చేయాలి . ఈ మిశ్రమాన్నిహెయిర్ మాస్క్ ల తలకు పట్టించి 20 నిముషాల తర్వాత తలస్నానం చేస్తే డ్రై హెయిర్ సమస్య తగ్గుతుంది.

ఒట్ మీల్:

డ్రై హెయిర్ సమస్యను నివారించే మరో ఆహార పదార్థం ఓట్ మీల్. దీంతో హెయిర్ ప్యాక్ వేసుకోవడం ద్వారా, జుట్టు సాఫ్ట్ గా మారుతుంది మరియు జుట్టుకు నేచురల్ షైనింగ్ అందిస్తుంది.

పెరుగు మాస్క్:

చిక్కటి పెరుగును జుట్టుకు, తలకు పట్టించి మసాజ్ చేయాలి. 20 నిముషాల తర్వాత గోరువెచ్చని నీటితో తలస్నానం చేసుకోవాలి.

ఎగ్ మాస్క్:

డ్రై హెయిర్ నివారించడానికి ఎగ్ హెయిర్ మాస్క్ మరో చక్కటి హోం రెమెడీ. గుడ్డులోని తెల్లని పదార్థంను తలకు పట్టించి అరగంట తర్వాత తలస్నాం చేస్తే జుట్టుకు అవసరం అయ్యే పోషకాలు అందడంతో పాటు, డ్రై హెయిర్ నివారించబడుతుంది.

పాలు, తేనె:

రెండు టీస్పూన్ల తేనెను రెండు గ్లాసుల పాలలో మిక్స్ చేసి, తలకు షాంపుతో స్నానం చేసిన తర్వాత హనీ మిక్స్ చేసిన పాలను తలారా పోసుకోవాలి . కొద్దిసేపటి తర్వాత గోరువెచ్చని నీటిని పోసుకోవాలి.

స్ట్రాబెర్రీ-మిల్క్ మాస్క్:

స్ట్రాబెర్రీ లో విటమిన్ సి పుష్కలంగా ఉంటుంది . అందుకే ఇది జుట్టుకు పట్టించుటకు చాలా మంచి ఆహారం. రాత్రికి రాత్రే జుట్టును సాఫ్ట్ గా మార్చేస్తుంది.

మెయోనైజ్ మరియు అవొకాడో:

ఒక టేబుల్ స్పూన్ మయోనైజ్ ను ఒక కప్పు అవొకాడో పేస్ట్ లో మిక్స్ చేసి, ఈ మిశ్రమాన్ని తలకు పట్టించి 15 నిముషాల తర్వాత గోరువెచ్చని నీటితో తలస్నానం చేసుకోవాలి.

ఫ్రూట్ మాస్క్ :

డ్రై హెయిర్ ను స్మూత్ గా మార్చడానికి కొన్ని బెస్ట్ ఫ్రూట్స్ ను తలకు ప్యాక్ లా వేసుకోవచ్చు . కివి మరియు ద్రాక్ష వంటి ఫ్రూట్స్ ను కూడా హెయిర్ ప్యాక్ లా వేసుకోవచ్చు.

కీరదోసకాయ మాస్క్:

కీరదోసకాయ ముక్కలను మిక్సీలో వేసి మెత్తగా పేస్ట్ చేసి, ఆ నీటితో హెయిర్ వాష్ కు ఉపయోగించుకోవచ్చు . తర్వాత రోజ్ వాటర్ తో వాష్ చేసుకోవాలి . ఈ సింపుల్ హోం రెమెడీ ద్వారా మీ జుట్టును నేచురల్ గానే సాఫ్ట్ గా మార్చుకోవచ్చు.

గ్రీన్ ఫుడ్స్:

గ్రీన్ వెజిటేబుల్స్ లో మీకు నచ్చిన వాటిని తీసుకొని, చిక్కటి పేస్ట్ లా చేసి డ్రై హెయిర్ కు పట్టించవచ్చు. వారానికొకసారి పట్టించడం ద్వారా వీటిలో ఉండే విటమిన్ కె జుట్టు మొదళ్ళకు పోషణను అందిస్తుంది.