ఆరోగ్యకరమైన జుట్టు పెరుగుదలకు అవసరం ఈ పోషక ఆహారాలు..

గుడ్డు

జుట్టు ఆరోగ్యంగా స్ట్రాంగ్ గా పెరగాలంటే గుడ్డును ఇంటర్నల్ గాను మరియు ఎక్సటర్నల్ గా తీసుకోవాలి. గుడ్డులో ఉండే ప్రోటీన్ కంటెంట్ జుట్టును మొదళ్ళ నుండి బలోపేతం చేస్తుంది. అందువల్ల చాలా వరకూ హెయిర్ ప్యాక్స్ లో గుడ్డును ఎక్కువగా చేర్చుతుంటారు.

ఓట్స్:

ఓట్స్ లో ప్రోటీన్స్, కాపర్, జింక్ మరియు విటమిన్ బి అధికంగా ఉండటం వల్ల బ్రేక్ ఫాస్ట్ గా తీసుకోవడం వల్ల జుట్టు ఆరోగ్యానికి మాత్రమే కాదు, బరువు తగ్గడానికి కూడా గ్రేట్ గా సహాయపడుతాయి.

సాల్మన్:

ఒక ఆరోగ్యకరమైన జుట్టు మరియు తలపై చర్మం కొరకు కావాల్సిన ముఖ్య పదార్థాలు ప్రోటీన్ మరియు విటమిన్ డి అని చెప్పవచ్చు. సాల్మన్ లో ప్రోటీన్,విటమిన్ డి మరియు ఒమేగా -3 కొవ్వు ఆమ్లాలు సమృద్దిగా ఉన్నాయి. మీ జుట్టును బాగా ఆర్ద్రీకరణ స్థితిలో ఉంచటానికి ఒమేగా 3 కొవ్వు ఆమ్లం చాలా ముఖ్యమైనది. ఆరోగ్యకరమైన జుట్టు ఒక ఆరోగ్యకరమైన చర్మంతో మొదలవుతుంది. అందువల్ల మీ ఆహారంలో ఎక్కువగా ఒమేగా 3 కొవ్వు ఆమ్లాలు ఉండేలా చూసుకోండి.

గ్రీన్ లీఫీ వెజిటేబుల్స్( ఆకుకూరలు):

గ్రీన్ లీఫ్ అంటే ఆకుకూరలు, కరివేపాకు వంటి వాటిలో ఐరన్ అధికంగా ఉంటుంది. దీంతో పాటు అత్యవసర పోషకాలైన ఐరన్, బీటా కెరోటిన్స్, ఫ్లొల్లెట్ మరియు విటమిన్ సి, పొటాషియం అధికంగా ఉండి కురుల ఫోలీసెల్స్ ను ఆరోగ్యంగా ఉంచడానికి బాగా సహాయపడుతాయి.

స్వీట్ పొటాటో:

స్వీట్ పొటాటో కేశాలకు ఏం చేస్తుంది? స్వీట్ పొటాటోలో ఉండే విటమిన్ ఎ, యాంటీయాక్సిడెంట్స్ మరియు బీటా కెరోటిన్ ఇవన్నీ జుట్టు సంరక్షణకు అయ్యే పోషకాలను పుష్కలంగా అందిస్తుంది. చిట్లిన జుట్టుతో బాధపడే వారు వీటిని తీసుకోవడం మరింత మంచిది.

క్యారెట్:

క్యారెట్లలో ఉండే విటమిన్ A మీ దృష్టి తీవ్రతరం చేసేందుకు మాత్రమే కాకుండా మీ జుట్టు ఆరోగ్యాన్ని నిర్వహించేందుకు కూడా సహాయం చేస్తుంది. విటమిన్ A తలపై చర్మంలో సిబం ఆయిల్ ఏర్పడటానికి సహాయపడుతుందని డాక్టర్ సందీప్ చెప్పారు.సిబం చర్మం మరియు జుట్టు బాగా తేమగా ఉంచడానికి సహాయపడుతుంది. ఇది చాలా ముఖ్యమైన అంశం. తలపై చర్మం మీద తేమ ఉంటే ఆరోగ్యకరమైన జుట్టు అని అర్థం.

పచ్చిబఠానీలు:

పచ్చిబఠానీలు ఆరోగ్యకరమైన జుట్టు కొరకు అందుబాటులో ఉన్న సమతుల్యమైన ఆహారంగా చెప్పవచ్చు. దీనిలో జింక్,ఇనుము మరియు విటమిన్ B వంటి ఖనిజాలు మరియు విటమిన్లు ఉన్నాయి. అవి మీ జుట్టు మరియు తలపై చర్మ ఆరోగ్యాన్ని నిలబెట్టడానికి సహాయపడతాయి.

అవొకాడో

అవొకాడోను బహిర్గతంగా అప్లై చేయెచ్చు మరియు అంతర్గతంగాను తీసుకోవచ్చు. ఎలా ఉపయోగించుకొన్న, ఇది జుట్టుకు మంచి మాయిశ్చరైజింగ్ ను అందిస్తుంది మరియు జుట్టకు అవసరం అయ్యే తేమను, విటమిన్ సి, ఇ మరియు ఇతర న్యూట్రీషియన్స్ సప్లైను అందిస్తుంది.

నట్స్ మరియు సీడ్స్:

నట్స్ మరియు ధాన్యాలు, ముఖ్యంగా బాదాం మరియు వాల్ నట్స్ ఒమేగా 3 ఫ్యాటీ యాసిడ్స్ పుష్కలంగా ఉంటాయి. అంతే కాదు వీటిలో విటమిన్ ఇ అధికంగా ఉండే హెయిర్ సెల్స్ డ్యామేజ్ కాకుండా కాపాడుతుంది. వాల్ నట్స్ లో కాపర్ అధికంగా ఉంటుంది. ఇది కురులను నేచురల్ కలర్ లో మెరిసేలా చేసేందుకు సహాయపడుతాయి.