హెయిర్ స్ప్లిట్స్ నివారించే సింపుల్ టిప్స్ ..

మసాజ్

తలకు, మాడుగా బాగా మసాజ్ చేయడం వల్ల రక్తప్రసరణ బాగా జరిగి.. జుట్టు మెరుస్తూ, బలంగా ఉండటమే కాదు, జుట్టు చివర్ల చిట్లిపోవడాన్ని అరికడుతుంది. కొబ్బరినూనె, ఆల్మండ్ ఆయిల్, ఆలివ్ ఆయిల్ ని సమానంగా తీసుకోవాలి. మూడింటిని కలిపి.. తలకు పట్టించుకోవడానికి ముందు గోరువెచ్చగా చేయాలి. తర్వాత తల మాడుకి బాగా మసాజ్ చేసుకోవాలి. ఇలా తరచుగా చేయడం వల్ల చివర్లు చిట్లిపోవడాన్ని అరికట్టవచ్చు.

పెరుగు మరియు గుడ్డు:

పెరుగు మరియు గుడ్డును ఒక బౌల్లో వేసి బాగా మిక్స్ చేసి తలకు పట్టించి 20 నిముషాల తర్వాత చల్లటి నీటితో తలస్నానం చేయాలి. తర్వాత నేచురల్ గా తలను ఆర్పుకోవాలి.

బాదం ఆయిల్ మరియు ఆలివ్ ఆయిల్ :

బాదం మరియు ఆలివ్ ఆయిల్ ను సమంగా తీసుకొని, తలకు పట్టించి మసాజ్ చేయాలి . తల మరియు జుట్టుకు పూర్తిగా పట్టించి, రెండు మూడు గంటల తర్వాత తలను దువ్వాలి . తర్వాత చల్లటి నీటితో, మిల్క్ షాంపుతో తలస్నానం చేయాలి.

అలోవెరా జెల్:

అరకప్పు అలోవెర జెల్లో 3 చెంచాల కోకోనట్ వాటర్ మిక్స్ చేసి, ఈ మిశ్రామాన్ని తలకు పట్టించాలి. 20 నిముషాల తర్వాత చల్లటి నీటితో తలస్నానం చేయడం ద్వారా చిట్లిన జుట్టును నివారించుకోవచ్చు. మరియు జుట్టు డ్యామేజ్ కాకుండా కాపాడుకోవచ్చు.

హెన్నా మరియు ఆయిల్:

హెన్నా బెస్ట్ నేచురల్ కండీషనర్. హెన్నా పౌడర్ ను, గ్రీన్ టీతో మిక్స్ చేసి పేస్ట్ లా చేసి, అందులో అరకప్పు వేడిగా ఉండే ఆలివ్ ఆయిల్ మిక్స్ చేసి తలకు పట్టించాలి . దీన్ని రెండు గంటల పాటు అలాగే ఉంచి తర్వాత తలస్నానం చేయాలి. ఇలా వారానికొకసారి చేస్తుంటే జుట్టు డ్యామేజ్ కాకుండా నివారించుకోవచ్చు.

నెయ్యి:

అన్ రిఫైండ్ ఆయిల్ జుట్టుకు పోషణను అందివ్వడంలో చాలా గ్రేట్ గా సహాయపడుతుంది. దీన్ని తలస్నానికి కొన్ని గంటల ముందు పట్టించి తర్వాత తలస్నానం చేసుకోవాలి.

తేనె మరియు రోజ్ వాటర్:

చిట్లిన జుట్టును నివారించడానికి మరో ఉత్తమ హోం ట్రీట్మెంట్ ఇది. అరకప్పు తేనెలో మూడు టేబుల్ స్పూన్ల తేనె మిక్స్ చేసి తలకు పట్టించి 20నిముషాల తర్వాత తలస్నానం చేయాలి.

బీర్ వాష్ :

మీ జుట్టును షాంపుతో వాష్ చేసిన తర్వాత, ఒక మగ్గు నీటిలో బీర్ మిక్స్ చేసి తలరా పోసుకోవాలి. ఇలా జుట్టుకు బీర్ ను కండీషనర్ గా ఉపయోగించడం వల్ల ఇది చిట్లిన జుట్టును నివారించడంలో గ్రేట్ గా సహాయపడుతుంది. జుట్టు డ్యామేజ్ అవ్వకుండా రక్షణ కల్పిస్తుంది.

క్రీమ్ సొల్యూషన్:

తలకు షాంపు పట్టించిన తర్వాత క్రీమ్ ను పాలలో వేసి బాగా మిక్స్ చేసి తర్వాత తలకు పట్టించాలి. జుట్టు పొడవునా పట్టించి 15నిముషాల తర్వాత తలస్నానం చేసేసుకోవాలి. చలికాలంలో జుట్టు చిట్లడాన్ని అరికట్టడానికి ఇది ఒక ఉత్తమ మార్గం.

ఆరోగ్యకరంగా తినాలి:

చలికాలంలో శరీరంను అవసరం అయ్యే మంచి పౌష్టికాహారంను తీసుకోవడం వల్ల వ్యాధినిరోధకతను పెంచడంతో పాటు, జుట్టు ఆరోగ్యాన్ని మెరుగుపరుస్తుంది.

జుట్టు చిట్లి పోకుండా జాగ్రత్తలు

జుట్టు చివర్లు చిట్లిపోవడానికి మనం చేసే చిన్న చిన్న తప్పులు కూడా కారణమే. జుట్టుని టవర్ తో ఎక్కువగా రుద్ద కూడదు. తడి జుట్టుని దువ్వకూడదు. చిక్కు తీయడానికి పెద్ద పళ్లు ఉన్న దువ్వెన ఉపయోగించాలి. అలాగే జుట్టు ఆరోగ్యానికి ఉపయోగపడే ప్రొటీన్, ఒమేగా త్రీ ఫ్యాటీ యాసిడ్ ఫుడ్స్, విటమిన్ ఏ, సి, సెలీనియం వంటివి ఉన్న ఆహారాలు తీసుకోవాలి. ఈ చిన్న చిట్కాలు మీ జుట్టు ఆరోగ్యానికి ఎంతో ఉపయోగపడతాయి.