హెయిర్ ఫాల్ తగ్గించి, జుట్టు పెరిగేలా చేసే హెర్బల్ రెమెడీస్..!

1. మెంతి:

మెంతులు నీటిలో వేసి రాత్రంతా నానబెట్టి ఉదయం మెత్తగా పేస్ట్ చేసి తలకు ప్యాక్ చేసుకోవాలి. ఈ ప్యాక్ ను తలకు మసాజ్ చేయడం వల్ల తలలో బ్లడ్ సర్క్యులేషన్ పెరుగుతుంది. దాంతో జుట్టు పెరుగుదలను ప్రోత్సహిస్తుంది.

2. అలోవెర:

కలబందలో స్కిన్ అండ్ హెయిర్ బ్యూటీబెనిఫిట్స్ ఎక్కువగా ఉన్నాయి. అలోవెర గుజ్జును కొబ్బరినూనెతో మిక్స్ చేసి తలకు పట్టంచాలి. ఇలా చేయడం వల్ల జుట్టుకు పోషణ మరియు మాయిశ్చరైజింగ్ అందుతుంది.

3. అల్లం:

జింజర్ రూట్ ను తలకు మర్దన చేయడం వల్ల హెయిర్ ఫాల్ తగ్గుతుంది. ఒక గంట తర్వాత రెగ్యులర్ షాంపు, కండీషనర్ తో తలస్నానం చేయాలి.

4. వేప:

వేపను అన్ని రకాల స్కిన్ అండ్ స్కాల్ఫ్ ఇన్ఫెక్షన్స్ ను నివారించడంలో గ్రేట్ గా ఉపయోగిస్తారు. వాస్తవానికి, వేపఆకులను చికెన్ పాక్స్ ను నివారించడంలో గ్రేట్ రెమెడీ అని చెప్పొచ్చు. అలాగే హెయిర్ ఫాల్ తగ్గించడంలో కూడా గ్రేట్ రెమెడీ. కొన్ని వేపఆకులను కొబ్బరి నూనెలో వేసి మరిగించి , వడగట్టి తర్వాత తలకు అప్లై చేసి మసాజ్ చేయాలి.

5. హెన్నా:

హెన్నాను నేచురల్ మెయిర్ డైలాగా ఉపయోగిస్తారు . మరియు దీన్ని హెయిర్ కండీషనింగ్ మాస్క్ వలే కూడా ఉపయోగిస్తారు. దీని వల్ల జుట్టు ఒత్తుగా మరియు షైనీగా పెరుగుతాయి. హెన్నాకు కొద్దిగా వాటర్ మిక్స్ చేసి పేస్ట్ చేసి అప్లై చేసుకోవాలి. అలాగే ఇతర హెయిర్ ప్యాక్స్ కూడా జోడించి అప్లై చేసుకుంటే మరింత బెటర్ గా సహాయపడుతుంది.

6. రీట:

కుంకుడుకాయ పౌడర్ నీటితో మిక్స్ చేసి తలంటు పోసుకోవాలి. హెయిర్ ఫాల్ తగ్గించడంలో ఇది చాలా ఉత్తమ హెర్బల్ హోం రెమెడీ.

7. జింగ్కో:

ఈహెర్బ్ హెయిర్ ఫాలిసెల్స్ లోపాన్ని తగ్గిస్తుంది. దీన్ని చాలా రకాల షాంపులలో ఉపయోగిస్తుంటారు . దీన్ని నేచురల్ గా ఉపయోగించడం వల్ల మరింత ఎఫెక్టివ్ గా పనిచేస్తుంది.

8. జిన్సింగ్ :

మరో హెర్బ్ ఇది. దీన్ని కూడా వివిధ రకాల షాంపులలో ఉపయోగిస్తుంటారు. ఇది చైనీస్ హెర్బ్ . ఇది బ్లడ్ సర్క్యులేషన్ మెరుగుపరుస్తుంది. దాంతో హెయిర్ గ్రోత్ ను ప్రోత్సహిస్తుంది.

9. పుదీనా:

మింట్ ఆయిల్లో కూలింగ్ ఎఫెక్ట్స్ ఎక్కువగా ఉంటాయి. ఇది తలను మరింత కూలింగ్ గా ఉంచుతుంది . జుట్టుకు పెరుగుదలకు రక్తప్రసరణను మెరుగుపరచడంలో ఇది ఒక గ్రేట్ సొల్యూషన్. దీన్ని రెగ్యులర్ గా ఉపయోగిస్తుంటే ఇక ముందు జుట్టు రాలకుండా సహాయపడుతుంది.

10. రోజ్మెర్రీ:

డ్రైడ్ రోజ్మెరీ లీవ్స్ ను ఆలివ్ ఆయిల్ తో మిక్స్ చేసి తలకు అప్లై చేయడం వల్ల జుట్టు రాలడం తగ్గుతుంది. ఇతర జుట్టు సమస్యలను నివారిస్తుంది మరియు జుట్టు పెరగడానికి సహాయపడుతుంది.

11. ల్యావెండర్:

ల్యావెండర్ ఆయిల్ నాడీకణాలను ఉత్తేజపరుస్తుంది. హెయిర్ ఫాల్ ను తగ్గిస్తుంది. హెయిర్ ఫాల్ తగ్గించుకోవడానికి లావెండర్ షాంపును ఉపయోగించుకోవచ్చు.

12. ఆమ్లా:

ఆమ్లా (ఉసిరికాయ) దీన్ని పౌడర్ చేసి కొబ్బరి నూనెతో మిక్స్ చేసి తలకు అప్లై చేయడం వల్ల జుట్టుకు పోషణ అందుతుంది. ఇందులో ఉండే విటమిన్ సి జుట్టుకు మరిన్ని ప్రయోజనాలను అందిస్తుంది.