హెయిర్ లాస్ నివారించడానికి వెల్లుల్లి ఎలా ఉపయోగపడుతుంది ?

న్యూట్రీషన్

జుట్టుకి కావాల్సిన పోషకాలు అందించడంలో వెల్లుల్లి పవర్ ఫుల్ గా పనిచేస్తుంది. అలాగే న్యూట్రియంట్ డెఫిసియన్సీ లోపాన్ని అధిగమించడానికి ఇది తోడ్పడుతుంది. అలాగే.. జుట్టుకి కావాల్సిన పోషకాలు అందించి.. ఆరోగ్యంగా మారుస్తుంది.

ఇన్ఫెక్షన్స్

జుట్టు విపరీతంగా రాలిపోవడానికి తలమాడులో వచ్చే బ్యాక్టీరియల్, ఫంగల్ ఇన్ఫెక్షన్స్ కారణమవుతాయి. వెల్లుల్లి యాంటీ బ్యాక్టీరియల్ గుణాలు కలిగి ఉండటం వల్ల.. ఎలాంటి ఇన్ఫెక్షన్ నైనా నివారిస్తుంది.

బలమైన జుట్టు కుదుళ్లకు

హెయిర్ లాస్ సమస్యతో పోరాడటానికి వెల్లుల్లి చాలా ఎఫెక్టివ్ గా పనిచేస్తుంది. అలాగే జుట్టు కుదుళ్లను బలంగా మారుస్తుంది. వెల్లుల్లిలో ఉండే సల్ఫర్ జుట్టు డ్యామేజ్ అవకుండా, చిట్లిపోకుండా కాపాడుతుంది.

క్లీన్ స్కాల్ఫ్

జుట్టు రాలడానికి డర్టీ స్కాల్ఫ్ కూడా ఒక కారణం. తల శుభ్రం చేసుకోవడానికి షాంపూ మాత్రం సరిపోదు. వెల్లుల్లి జుట్టుని, మాడుని శుభ్రం చేసి.. హెల్తీగా, క్లీన్ గా ఉండేలా చేస్తుంది. దురగా, చిరాకుగా అనిపించే తలకు వెల్లుల్లి చక్కటి పరిష్కారం.

వెల్లుల్లిని ఎలా ఉపయోగించాలి ?

ఇన్ని పోషకాలు, రెమిడీస్ ఉన్న వెల్లుల్లిని హెయిర్ లాస్ కాకుండా నివారించడానికి ఎలా ఉపయోగించాలని ఆలోచిస్తున్నారు. సింపుల్. వెల్లుల్లి రెబ్బల నుంచి రసం తీయాలి. ఈ వెల్లుల్లి రసంను షాంపూలో కలుపుకుని వాడితే మంచి ఫలితం ఉంటుంది. ఇలా వాడటం వల్ల వచ్చే వాసన నచ్చకపోతే.. మరో విధంగా ప్రయత్నించవచ్చు. వెల్లుల్లి రసం, తేనె, కొద్దిగా అల్లం కలిపి రాసుకుంటే.. ఈ వాసన ఉండదు.

వెల్లుల్లి నూనె

కొద్దిగా కొబ్బరినూనెను, కొంచెం వెల్లుల్లి రసం మరిగించాలి. చల్లారిన తర్వాత స్కాల్ఫ్ పై మసాజ్ చేయాలి. గంట తర్వాత లేదా రాత్రి మసాజ్ చేసుకుని ఉదయాన్నే శుభ్రం చేసుకోవచ్చు.

మసాజ్

పైన చెప్పిన పద్ధతులు ఫాలో అయ్యేంత టైం లేదని పీలవుతున్నారా ? అయితే మరో సింపుల్ చిట్కా ఉంది. కొన్ని వెల్లుల్లి రెబ్బలు తీసుకుని మెత్తగా చేయాలి. వాటిని హెయిర్ ఫాల్ ఎక్కువగా ఉన్న ప్రాంతంలో రాత్రి పడుకునే ముందు రుద్దుకోవాలి. తర్వాత ఆలివ్ ఆయిల్ తో మసాజ్ చేయాలి. షవర్ క్యాప్ తో తలను కవర్ చేసుకోవాలి. ఉదయాన్నే శుభ్రం చేసుకుంటే జుట్టు రాలే సమస్య తగ్గిపోతుంది.