న్యాచురల్ బ్లాక్ హెయిర్ కలర్ ఇంట్లో ఎలా తయారు చేసుకోవాలి ?

బ్లాక్ కాఫీ

బ్లాక్ కాఫీ పౌడర్ ని నీటిలో కలిపి ఉడికించాలి. బాగా స్ట్రాంగ్ గా తయారయిన తర్వాత చల్లార్చాలి. ఇప్పుడు జుట్టుని శుభ్రపరుచుకుని, ఈ కాఫీ డికాషన్ ని పట్టించాలి. తర్వాత షవర్ క్యాప్ తో కవర్ చేసుకుని అరగంట ఉండాలి. ఇలా.. వారానికి రెండు సార్లు చేస్తే.. వేగంగా జుట్టు నల్లబడుతుంది.

హెన్నా డై

పాతకాలం నుంచి ఉపయోగిస్తున్న ఈ పద్ధతి ద్వారా జుట్టుని నల్లగా మార్చుకుంటున్నారు. కలర్ ఫుల్ వర్షన్స్ లో హెన్నా అందుబాటులో ఉంటుంది. బర్గండీ, వుడ్ బ్రౌన్ కలర్ లో ఇవి ఉంటాయి. కానీ.. కలర్ లెస్ వర్షన్ లో కూడా.. హెన్నా అందుబాటులో ఉంటుంది. ఇది.. జుట్టుకి కండిషనింగ్ అందిస్తుంది. అలాగే జుట్టుకి మాయిశ్చరైజర్ ని కూడా అందిస్తుంది.

మందారం పువ్వు డై

న్యాచురల్ బ్లాక్ హెయిర్ డై తయారు చేసుకునే న్యాచురల్ పద్ధతుల్లో ఇది ఒక ఎఫెక్టివ్ రెమిడీ. మందారం పువ్వుల రెక్కలు తీసి.. మరుగుతున్న నీటిలో వేయాలి. తర్వాత వడకట్టి.. చల్లార్చాలి. ఇప్పుడు.. దీన్ని జుట్టుకి మసాజ్ చేయాలి. ఇది జుట్టుకి న్యాచురల్ కలర్ ని తీసుకొస్తుంది. అలాగే జుట్టుకి, మాడుకు పోషకాలను అందిస్తుంది.

బ్లాక్ టీ సొల్యూషన్

న్యాచురల్ గా జుట్టుకి బ్లాక్ డై వేసుకోవడానికి ఇది చాలా ఎఫెక్టివ్ టిప్. బ్లాక్ టీ తీసుకుని ఉడికించాలి. అది నల్లగా మారేంతవరకు ఉడికించాలి. ఇప్పుడు జుట్టుని పోర్షన్లుగా విడదీసి.. జుట్టుకి పట్టించాలి. దాన్ని వాష్ చేసుకోకుండా.. జుట్టు నల్లగా అయ్యేంతవరకు.. తరచుగా అప్లై చేస్తూ ఉండాలి.

రబ్బర్ వేరు

రబ్బరు కాండాన్ని నీటిలో ఉడికించి.. వడకట్టాలి. రాత్రంతా చల్లారిన తర్వాత మరుసటి రోజు జుట్టుని ఆ నీటితో శుభ్రం చేసుకోవాలి. అంతే.. జుట్టు న్యాచురల్ బ్లాక్ కలర్ ని పొందుతుంది.

రెడ్ షేడ్ పొందడానికి

జుట్టుకి రెడ్ కలర్ తీసుకురావడానికి ఇంట్లోనే ప్యాక్ ప్రయత్నించవచ్చు. బీట్ రూట్, క్యారట్ రెండింటినీ మిక్స్ చేసి రసం తీసి.. జుట్టుకి పట్టించడం వల్ల రెడ్ షేడ్ పొందవచ్చు. ఈ రసాన్ని జుట్టు మొత్తానికి పట్టించి.. షవర్ క్యాప్ వేసుకోవాలి. అరగంట తర్వాత శుభ్రం చేసుకోవాలి.