ప్రతి అమ్మాయి తెలుసుకోవలసిన 5 లాంగ్ హెయిర్ కేర్ టిప్స్

1. స్ప్లిట్ ఎండ్స్ ను ట్రిమ్ చేసుకోవడం:

స్ప్లిట్ ఎండ్స్ వలన హెయిర్ అనేది పొడిగా, రఫ్ గా మరి దెబ్బతింటుంది. కాబట్టి, హెయిర్ దృఢంగా అలాగే ఆరోగ్యంగా ఉండాలంటే మీరు స్ప్లిట్ ఎండ్స్ ను అప్పుడప్పుడూ ట్రిమ్ చేయాలి. స్ప్లిట్ ఎండ్స్ అనేది వేడితో కూడిన స్టైలింగ్ టూల్స్ వలన ఎదురవవచ్చు. ఈ సమస్య వలన హెయిర్ బ్రేకేజ్ ఏర్పడుతుంది. జుట్టు చిట్లుతుంది. సెలూన్ లో నైనా లేదా ఇంట్లోనైనా స్ప్లిట్ ఎండ్స్ ను ట్రిమ్ చేసుకోండి. ఇంటివద్దే స్ప్లిట్ ఎండ్స్ ను సులభంగా ట్రిమ్ చేసుకోవచ్చు కూడా.

2. కోల్డ్ షవర్:

చన్నీటి స్నానం అనేది అందరికీ ఇష్టంగా ఉండకపోవచ్చు. కానీ, దీని వలన శిరోజాలు అనేక ప్రయోజనాలు పొందుతాయి. చన్నీటి స్నానమనేది హెయిర్ వాష్ కు తగినది. హెయిర్ ని చన్నీటితో వాష్ చేయడం వలన మాయిశ్చర్ అనేది హెయిర్ లో నిలిచి ఉంటుంది. స్కాల్ప్ హైడ్రేటెడ్ గా ఉంటుంది. అందువలన, జుట్టు పొడిబారుట అలాగే ఫ్రిజ్జీగా మారుట జరగదు. హెయిర్ లో మాయిశ్చర్ ట్రాప్ అవుతుంది కాబట్టి హెయిర్ అనేది ఆరోగ్యంగా ఉంటుంది.

3. ప్రతి రోజూ షాంపూ చేయకండి:

ఇది ఎంతో ముఖ్యమైన అంశం. ప్రతి రోజూ షాంపూ చేసుకోవటం వలన హెయిర్ లోని నేచురల్ ఆయిల్స్ అనేవి ఎండిపోతాయి. దాంతో, హెయిర్ అనేది పొడిబారుతుంది. ఈ నేచురల్ ఆయిల్స్ అనేవి హెయిర్ ను హైడ్రేటెడ్ గా అలాగే ఆరోగ్యంగా ఉంచేందుకు తోడ్పడతాయి. కాబట్టి, హెయిర్ పై ఆయిల్ బిల్డ్ అప్ ని గమనించినప్పుడే షాంపూ చేసుకోండి. డ్రై షాంపూ లేదా నేచురల్ ప్రోడక్ట్స్ ని వాడవచ్చు. మెత్తటి రైస్ ఫ్లోర్ ని కూడా ప్రత్యామ్నాయంగా పరిగణించవచ్చు.

4. అలోవెరా ట్రీట్మెంట్:

అలోవెరా వలన అనేక ప్రయోజనాలు కలుగుతాయి. ఇది చర్మంతో పాటు శిరోజాలకు కూడా ప్రయోజనం చేకూరుస్తుంది. సన్ బర్న్ ని ట్రీట్ చేయడానికి అలోవెరాను ఎక్కువగా వాడతారు. హెయిర్ పై అలోవెరాను అప్లై చేసినప్పుడు రక్తప్రసరణ మెరుగై హెయిర్ గ్రోత్ అనేది పెంపొందించబడుతుంది. అలోవెరా జెల్ ను షాంపూ చేసుకున్న తరువాత వాడండి. షాంపూ తరువాత అలోవెరా జెల్ ను హెయిర్ పై అప్లై చేసి ఒక నిమిషం పాటు అలాగే ఉంచి ఆ తరువాత ఆపిల్ సిడర్ వినేగార్ తో రిన్స్ చేయండి. ఇది హెయిర్ కు కాంతిని అందిస్తుంది. ఆపిల్ సిడర్ వినేగార్ ని అలాగే నీళ్లను 1:2 ప్రొపోర్షన్ తో తీసుకోండి.

5. కొబ్బరి పాలు:

ఎగ్ ను హెయిర్ మాస్క్ గా వాడేందుకు మీకు ఇష్టం లేకపోతే, ఇందుకు ఒక ప్రత్యామ్నాయం ఉంది. హెయిర్ ను కోకోనట్ మిల్క్ తో రిన్స్ చేయండి. కొబ్బరి పాలలో ఐరన్, పొటాషియం మరియు ఫ్యాటీ యాసిడ్స్ లభిస్తాయి. ఇవన్నీ హెయిర్ కు పోషణని అందిస్తాయి. అలాగే, శిరోజాలకు సహజ కాంతిని అద్దుతాయి. శిరోజాలు పట్టులా మృదువుగా మారతాయి. క్యాన్డ్ కోకోనట్ మిల్క్ ను కూడా వాడవచ్చు.

ఈ విధానాన్ని పాటించడం కోసం, ఒక కప్పుడు కోకోనట్ ఆయిల్ ను వెచ్చ చేయండి. మరీ వేడి చేయకండి. ఇప్పుడు వెచ్చటి కొబ్బరి పాలతో హెయిర్ పై మసాజ్ చేయండి. హెయిర్ రూట్స్ నుంచి టిప్స్ వరకు మసాజ్ చేయండి. ఈ మిల్క్ ను హెయిర్ పై ఒక గంట పాటు ఉండనివ్వండి. ఆ తరువాత నార్మల్ వాటర్ తో హెయిర్ ను వాష్ చేయండి.

లేదా సమాన నిష్పత్తిలో కొబ్బరి నూనెను అలాగే కొబ్బరి పాలను ఒక పాత్రలోకి తీసుకోండి. ఈ రెండు పదార్థాలను వెచ్చగా చేయండి. ఈ మిశ్రమంతో హెయిర్ పై మసాజ్ చేయండి. గంట తరువాత హెయిర్ ను వాష్ చేయండి.

ఈ ఆయిల్ మరియు మిల్క్ రెమెడీ అనేది అద్భుతంగా పనిచేస్తుంది. శిరోజాలకు చక్కటి పోషణను అందిస్తుంది.

పొడవైన శిరోజాలను చక్కగా సంరక్షించుకోవడానికి ఈ సింపుల్ మరియు బేసిక్ ట్రిక్స్ అనేవి ఎంతగానో ఉపయోగపతాయి. కాబట్టి, లేడీస్ మరి ఈ చిట్కాలను పాటించి మీ పొడవాటి శిరోజాల అందాన్ని రెట్టింపు చేసుకుంటారు కదూ?