ఏళ్ల జుట్టును అరికట్టేందుకు తైలాలతో గృహవైద్యం

1. కొబ్బరినూనె మరియు ఉసిరిక పొడి:

కావలసిన పదార్థాలు:

2 టేబుల్ స్పూన్ల ఉసిరిక పొడి

3 టేబుల్ స్పూన్ల కొబ్బరినూనె

వాడే విధానం: కొబ్బరినూనె మరియు ఉసిరిక పొడిలను కలిపి వేడి చేయండి. ఉసిరిక పొడి నల్లగా మారేవరకు వేడి చేయండి. ఈ నూనెను మాడుకు మరియు జుట్టుకు రాసుకుని కనీసం గంటసేపు ఉంచుకోవాలి. వీలైతే రాత్రంతా అలానే ఉంచుకోండి. తరువాత చల్లని నీటిని ఉపయోగించి షాంపూ మరియు కండీషనర్ లతో శుభ్రం చేసుకోండి శుభ్రం చేసుకోవాలి. ఇలా కనీసం వారానికి రెండు మూడు సార్లు చేయాలి.

2. నిమ్మరసం మరియు కొబ్బరినూనె

కావలసిన పదార్థాలు:

2 టేబుల్ స్పూన్ల నిమ్మరసం

2 టేబుల్ స్పూన్ల కొబ్బరినూనె

వాడే విధానం: కొబ్బరినూనె గోరువెచ్చగా అయ్యేవరకు వేడి చేయండి. దీనిలో ఒక నిమ్మకాయను కట్ చేసి కొన్ని చుక్కలను కలపండి.

ఈ మిశ్రమాన్ని మృదువుగా మాడుపై వలయాకారంలో మర్దన చేసుకోండి. అరగంట తరువాత మృదువైన షాంపూ తో కడిగేయండి. ఇలా వారానికి రెండు దఫాలుగా చేయండి.

3. కరివేపాకు మరియు కొబ్బరినూనె

కావలసిన పదార్థాలు:

కరివేపాకు

3-4 టేబుల్ స్పూన్ల కొబ్బరినూనె

వాడే విధానం: ఒక బాణలిలో మూడు టేబుల్ స్పూన్ల కొబ్బరినూనె తీసుకుని అందులో గుప్పెడు తాజా కరివేపాకు వేసి వేడి చేయండి. కరివేపాకు నల్లగా మారేవరకు వేడి చేయండి. ఈ నూనెను జుట్టుకు రాసుకుని కనీసం గంటసేపు ఉంచుకోవాలి. తరువాత చల్లని నీటితో శుభ్రం చేసుకోవాలి.

4. ఆవనూనె మరియు ఆముదం:

కావలసిన పదార్థాలు:

2 టేబుల్ స్పూన్ల ఆముదం

2 టేబుల్ స్పూన్ల ఆవనూనె

వాడే విధానం: ఈ రెండు పదార్థాలను కలిపి వేడి చేయండి. ఈ మిశ్రమాన్ని వెంట్రుకల కుదుళ్ల నుండి చివర్ల వరకు మరియు మాడుకు రాసుకోండి. పావుగంట పాటు మర్దన చేసుకుని గంటసేపు ఇంకడానికి వీలుగా వదిలేయాలి. తరువాత సల్ఫేట్ లేని షాంపూ ఉపయోగించి శుభ్రపరచుకోవాలి. ఇలా కనీసం వారానికి రెండుసార్లు చేయాలి.

5. ఆలివ్ ఆయిల్ మరియు బ్లాక్ సీడ్ ఆయిల్:

కావలసిన పదార్థాలు:

1 టేబుల్ స్పూన్ ఆలివ్ ఆయిల్

1 టేబుల్ స్పూన్ బ్లాక్ సీడ్ ఆయిల్

వాడే విధానం: ఆలివ్ ఆయిల్ మరియు బ్లాక్ సీడ్ ఆయిల్ లను సమపాళ్లలో కలిపి మాడుకు రాసుకుని మృదువుగా మర్దన చేసుకోండి. గంట తరువాత మృదువైన షాంపూ మరియు కండీషనర్ లతో శుభ్రం చేసుకోండి. ఫలితాలు త్వరగా కనిపించాలంటే వారానికి ఒకసారి ఇలా చేయండి.

6. గోరింటాకు పొడి మరియు కొబ్బరినూనె:

కావలసిన పదార్థాలు:

గోరింటాకు

3-4 టేబుల్ స్పూన్ల కొబ్బరినూనె

వాడే విధానం: కొబ్బరినూనె వేడి చేయండి. అందులో గుప్పెడు తాజా గోరింటాకు వేసి నూనె ఎర్రగా మారేవరకు ఉంచండి. ఎర్రగా మారిన తరువాత గోరువెచ్చని నూనెను మాడుకు రాసుకుని మృదువుగా మర్దన చేసుకోండి. నలభై ఐదు నిమిషాల తరువాత తేడాను మొదటిసారే మీరు తేలికగా గమనించవచ్చు.